تجربة فيزا بريطانيا ومعلومه مهمه
 

السلام وعليكم، اليوم استلمت تأشيرة بريطانيا وبالضبط اخذت اربع ايام عمل داخل السفاره + يومين لنقل الجواز من مركز التأشيرات للسفاره والعكس، طبعا المطلوب مثل ما ذكرو الاخوان لكن اللي حبيت اوضحه التالي:

• - اي شخص مقدم فيزا سياحية خمس سنوات او اكثر لازم يرفق كشف حساب وتعريف بالراتب وهالموضوع اختياري للي مقدم سنتين وغير مطلوب لفيزا الست شهور، جنبي واحد مقدم خمس سنين وما جاب معه تعريف او كشف حساب وقالوا له رح جب واحد او وقع ورقه ان لو جاء رفض لنقص في المستندات تكون تحت مسؤليتك

• - خدمة رسائل الجوال وجودها زي عدمها لان وصلت رساله وحده لجواز واحد فقط عند نقل الجواز للسفاره وبعدها ما جاني شي. عند وصول الجوازات للمركز جاني ايميل واحد بهالشئ علما اني مقدم فيزا لشخصين ودافع رسائل لشخصين.

طبعا تغير شكل التأشيره وشالوا منها اي شي يخص الاتحاد الاوروبي حيث بالسابق كان شكل فيزا بريطانيه مشابه لفيزة الشنقن مع اختلاف المعلومات


وشكرا

وعليكم السلام،
أول تأشيرة لي قدمت على 10 سنوات، ولم يطلب مني أي أوراق غير الموعد، استمارة الطلب والجواز.
طبعاً كنت على ثقه أنه لن يتم رفض طلبي.

لا أفضل ملىء الجواز بنفس التأشيرة لنفس الدولة، لأحتياجي لبقية الصفحات لدول أخرى.
وأتمنى أن يتوقفوا عن ختم الجواز بالكامل.
الشنغن كانت الخطة أن يتوقفوا عن ختم الدخول والخروج بـ 2020 ولكن تم تأجيلها إلى 2022.

فين مقدم الفيزا بجده او الرياض ؟!
انا حالياً صار لي اسبوع مقدم ودافع للرسايل ولا رساله وحده وصلتني لا على الجوال ولا الايميل حتى الجنك بوكس فاضي ما وصلني شي مع العلم اني اخذت خدمة ايصال الجواز بالبريد للبيت واخاف يضيع ولا ادري وش الحل

مقدم من الرياض، السفاره البرطيانيه ترسل رساله عند استلام الجواز وعند انتهاء التأشيره