![]() |
مقابلتي للفيزا البريطانية اليوم السلام عليكم يعطيكم العافية على كل شي تعملوه وفي ميزان حسناتكم يارب اليوم كان موعدي للمقابلة واخذ البصمة والتصوير بعد ما عبيت الابلكيشن وسددت قيمة الفيزا الي هي سنتين وطبعته حجزت موعد وكان اليوم صراحة مرة الامور سلسة اكثر من الشنجن بمراحل:e032: جيت قبل الموعد بنص ساعة وكان واقف سيكورتي على الباب قلتله عن موعدي وطلع قريب فدخلني ..حلو التنظيم بعدين وقفت عند الاستقبال الي يعطيك الرقم كان فيه طابور بس ما اخذ 10 دقايق وطلب مني اول صفحة من التشيك لست ( النموذج ) والجواز وبرنت او ورقة الموعد وطابق البيانات حسب الي بالورق وقالي تبغي تضيفي شي قلتله ما تحتاجو تعريف الراتب قال لا قلت ولا حجز الطيران قال لا قلت طيب برفق تعريف الراتب قالي انت ضايفتيه بالمستندات الي رفعتيها ع النت قلتله لا فقط ضفت صورة الجواز قالي هنا الموظفين الي جنبي روحيلهم وارفقي تعريف الراتب ( بخاطري قلت طبعتها برفقها ماني مرجعتها :(41): ) والموضوع ما اخذ 5 دقايق حتى.. ما شاء الله على انجازهم يشكرون عليه :(89): وبسرعه اخذ ورقة عنده بالانجلش الي فيها تعريف الراتب وحط ورقة زي ورقة الملاحظات عليها بيان بالاشياء المرفقة واتذكر شفته حط صح مرتين يعني على خانتين وقالي ارجعي للموظف الي بالاستقبال وعلى طول طبعلي الورقة حقت الرقم ورحت انتظر رقمي شغلة 10 دقايق الى 15 دقيقة مره ما حسيت بالملل حتى:72: وعند الكاونتر اخذت الموظفة اول ورقة من التشك لست والجواز وبرنت الموعد فقط واما تعريف الراتب رجعته ليا وسألتها كم تاخذ الفيزا قالتلي من 14 الى 20 يوم وقالتلي تبغي خدمة الرسايل النصية بـ 10 ريال انا بابتسامة قلتلها لا شكرا ( وانا من داخلي متورطة بعد ما طلعت من البيت وقطعت شوط تذكرت ان المحفظة بالبيت :200:) قالتلي خلاص نرسله لك بالايميل واعطتني طبعا الحافظة عليها رقم واوراقي ومعه الفاتورة الي لازم احتفظ فيها عشان استلم الجواز رجعت كرسيي جلست برتب اوراقي ويجي دوري للتبصيم ما امداني ارتب نفسي ودخلت ع الغرفة وكان رجل امامي ما توقعت.. يعني ما حبيت.. وزيه زي الشنجن بصمات وتصوير الوجه وخرجت والحمدلله وفي انتظار ايميل الفيزا الموعد يوم الثلاثاء 25 فبراير الساعة 9:40 صباحا |
ما شاء الله ... الأجراءات منظمة و مرتبة و بالتأكيد أفضل من الشنغن و طلباتهم .. ملاحظة ذكرتي:"وزيه زي الشنجن بصمات وتصوير الوجه" صحيح البريطانية التبصيم و التصوير بالمركز الموحد ..و لكن فيزا الشنغن فقط تبصيم و الصور ترفع مع الطلب .. بالتوفيق ... |
ماشاء الله اجراءات سلسلة ومرنة بالتوفيق يارب |
سوال ذكرتي انك اضفتي صورة جوازك بالموقع وبصراحة انا ماضفت اي شي لاصورة جواز ولا تعريف ولاكشف حساب فسوال هل ضروري اضيف الصوره والتعريف وكشف الحساب او اسلمهم بالمركز |
اقتباس:
اما الرجال اليوم قلتله بشوف نفسي وطلعت الجوال قال ممنوع كاميرا المراقبة موجودة وبالشنجن عند الكاونتر اعطيتهم صور شخصية غير الي هم صوروني اياها |
اقتباس:
"معلومة غريبة التصوير بالنسبة للشنغن ..." بالصيف الماضي أنا و عيالي طلعت فيزا من الألمانية و لا صورونا أعطيناهم صور لكل شخص مرفقة مع الطلب ... اما البريطانية صورونا عندهم في المكتب ... |
اقتباس:
المهم ان بياناتك الي سجلتها صحيحة ودقيقة |
الحمدلله استلمت الجواز يوم الاثنين 2/3 وكانت الرسالة جاتني يوم الاحد3/1 وما انتبهت بس صورتي بالفيزا ما عجبتني مهزوزه ومش واضحه |
فرق كبير بين التأشيرة البريطانية و الشنقن ... الفيزا البريطانية ســـهالات وطلباتهم منطقية ومعقولة أمّا الشنقن :73: تعقيد وطلبات مالها داعي وتدقيق زايد عن اللزوم خاصة الإيطالية :e116: المهم مبروك ومو مشكلة الصورة إذا واضحة خلاص أهم شي التأشيرة رحلة ســــــــعيدة |
1000 مبروك تستاهلين شكراً على طرح تجربتك للفائدة فعلاً البريطانية اجراءات أسهل مع سرعة تنفيذ مشكلة الشنغن أن كل واحد يفتي من رأسه مكتب النمسا له طلبات غير فرنسا وهذا معقد والثاني ايزي لو كانت مكاتب مختلفة أو أكثر من مكتب كان شفنا الترتيب زين :58: |
الساعة الآن 04:58 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO