|
اهل الخبرة خلاص مسافر ومتوتر حبايبي في ناس كثيرين قالوا لي رح يسالك موظف الهجرة اسائلة كثيره لازم تجاوبها ايش الاسئلة اللي رح يسالني وكمان بخصوص الفلوس اخذ معاي جنيهات استرليني من السعودية ولا اخذ ريالات معاي وهناك احولها ولو في السعودية فين مكان تحويل الريالات الى جنيه؟ محتاج مساعدتكم ي اخوان |
هدئ اعصابك و توكل على الله , اسئلة روتينية عادية مثل ليش جاي , كم المدة اللي حتجلسها في بريطانيا , هل عندك حجز فندق , هل عندك نقود ؟ تقول له عندي كاش و Credit Card مثل هذه الأسئلة اللي حتسأل عنها بالنسبة لصرف العملة دائما احب اغير من عند العمودي للصرافة من الفرع اللي في البلد في جدة و لهم فرع على طريق المدينة النازل و عند صرف العملة احرص دائما ان تكون حديثة بمعنى ان تكون من اخر نسخة لأنه حصلت معي غيرت عملة من عند العمودي و لما رحت مانشستر بعض الفئات مثل 5 باوند بمجموع 50 باوند رفضت المحلات ان تقبلها فذهبت الى احدى البنوك و تم تغييرها بالنسخ الحديثة |
بالضبط الاسئلة الروتينية مثل ماقال اخوي ماجد الافضل تصرف في السعوديه |
خليك هادي و جاوب على قد السؤال بدون زيادة ممكن يسالك كم يوم جالس ؟ مين تعرف في بريطانيا؟ لك قرايب ؟ ايش تشتغل و كم يوم اجازة مسموح لك من العمل ؟ كيف راح تتنقل في البلد؟ عندك حجز عودة ؟ هذه الاسئلة اتسألت لي شخصيًا والحمدلله دخلت من غير مشاكل المهم تكون هادي. رحلة موفقة ان شاء الله |
احس الصرف دقه قديمه خلاص الان كله بطايق وفيز وتقدر تشحن سفر بلس راجحي بالباوند او السفر الاستثمار افضل من حمل الكاش وصارت مجانيه مدى الحياه البطايق ذي |
الله يسعدكم بيض الله وجيهكم رحلتي تاريخ 25 انشاء الله الله يكتب اللي فيه الخير |
بالتوفيق ورحلة سعيدة إن شاء الله. وبخصوص الصرف مثل ما قالوا الزملاء الأفضل تصرف من هنا قبل السفر، ونعم صحيح البطاقات مقبولة هناك ولكن الأفضل يكون معك كاش احتياط وعلشان تمشي أمورك أول ما توصل. الأفضل تفعل بطاقاتك قبل السفر بالتواريخ والبلد عن طريق موقع البنك، الآبلكيشن أو الهاتف المصرفي. |
اقتباس:
|
اقتباس:
مثلا الفندق 1000 باوند والسياره 500 باوند. تشحن 1500 باوند او مثلا زيدها تكه 1502 وهكذا تمم العمليه وكل ماتحتاج شي ادخل التطبيق اشحن لاتحط زياده مثلا بتشتري ب 80 باوند تشحنها وهكذا تروح تقضي حتي لاسمح الله لو صار شي ماتتم العمليه ويقول الرصيد غير كافي هذه طريقتي وميه ميه ماواجهت مشاكل الحمدلله مع تسوق سابقا وبطاقه السفر من الاستثمار حاليا سفر بلس مدى الحياه الدولار ثابت 3.75 ولو رحت بلد مافيه عمليه اشحن دولار وحاسب شبكه بعمله البلد وماياخذ اي رسوم عمليات دوليه يعني راحه مره الكاش خلاص ماضي لكن مايمنع اخلي معك احتياط للي يخاف مره يارجل انا السعوديه هنا نسيت متي شلت كاش كله ابل باي حتي البطاقه ماعاد اشيلها |
اقتباس:
انا مسافره تاريخ 21 اي استفسار .. وراح اوافيك باللي راح يصير معي لاتشيل هم :13: |
| الساعة الآن 08:10 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO