|
من سبق له التقديم على الفيزا الالكترونية (EVW) الفيزا الالكترونية (EVW) لدخول بريطانيا لمواطني دولة الامارات وعُمان وفطر مرحبا جميعا ومبارك عليكم الشهر حجزنا للسفر الى لندن اسبوع العيد 7 ليالي ان شاء الله وناوية اعمل الفيزا الالكترونية وسجلت في الموقع وحابة اسألكم بعض الاسئلة قبل ما ابدأ فيها هل أحد منكم جربها بدلا من الفيزا العادية ؟ ماهي المستندات المطلوبة ؟ هل تحتاج اللى دفع مبلغ اون لاين ام هي مجانية بالكامل ؟ لو كتبت بيانات الرحلة بما فيها رقم الطائرة وموعد الوصول ,, وحدث ان تاخرت الطائرة هل يعتبر هذا خطأ فالبيانات ؟ ( الوسواس لابد منه ) :(90): هل تحتاج تأمين صحي ؟ وكشف حساب كالفيزا العادية ؟ فالحقيقة كان فيه رابط عن المستندات المطلوبة بس مالاقيت نوع الفيزا الالكترونية من ضمن الفيز المدرجة شكرا جزيلا لكم :(141): |
رد: من سبق له التقديم على الفيزا الالكترونية (EVW) اقتباس:
|
رد: من سبق له التقديم على الفيزا الالكترونية (EVW) شكرا جزيلا لك tab_el للمساعدة والمعلومات واجابات الاسئلة وبانتظار أحد مجربي الفيزا الالكترونية :) |
رد: من سبق له التقديم على الفيزا الالكترونية (EVW) ياهلا مرحبا اختي ماقصر مشرفنا جزاه الله خير هل أحد منكم جربها بدلا من الفيزا العادية ؟ نعم اختي انا جربتها مرتين هالسنه المره الاولى في ذهابي الى اسكتلندا بشهر 4 والمره الثانيه في ذهابي الى لندن بشهر 5 ماهي المستندات المطلوبة ؟ فقط يكون عندج الجواز + حجز طيران مؤكد هل تحتاج اللى دفع مبلغ اون لاين ام هي مجانية بالكامل ؟ مجانيه بالكامل لو كتبت بيانات الرحلة بما فيها رقم الطائرة وموعد الوصول ,, وحدث ان تاخرت الطائرة هل يعتبر هذا خطأ فالبيانات ؟ اول شي اختي يجب ان تعبين الببانات قبل موعد الطائره بــ 48 ساعه اقل شي او اكثر وبعدها ماتقدرين تسوين فيزا الكترونيه اهم شي تكون رقم الرحله والموعد عندج بالتذكره صحيح واي تأخير من الطائره انتي مالج ذنب فيه يعني راح يشوفون الموعد بالتذكره عندج هل تحتاج تأمين صحي ؟ وكشف حساب كالفيزا العادية ؟ غير مطلوبين فالحقيقة كان فيه رابط عن المستندات المطلوبة بس مالاقيت نوع الفيزا الالكترونية من ضمن الفيز المدرجة رابط المستندات المطلوبه خاص بالفيزا العاديه وليست الالكترونيه شوفي هالرابط في رحلتي لأسكتلندا لي وللعائله وشوفي شكل الفيزا الالكترونيه http://www.arabtrvl.com/vb/t5131.html خليني احط لج الصوره هنا واكتبي البيانات بنفس الطريقه هي سهله وبسيطه وواضحه http://up.arabseyes.com/uploads2013/...6177531321.png العاب لاحظي البيانات جدا بسيطه ومافيها تفاصيل هذي فيزتي وانا رايح ادنبره من هذا الرابط تعبيه الفيزا الالكترونيه بعد التسجيل https://www.visa4uk.fco.gov.uk/home/index اي استفسارات عن البيانات المطلوبه خبريني اختي و اوضحها لج ملاحظه مهمه : وانتي بالطياره بيعطونج كروت تعبينها للمسافرين الي معاكم حق مطار هيثرو لاتعبين الكروت مافي داعي الكروت الي يعيبها فقط الي عندهم الفيزا العاديه اما الفيزا الالكترونيه فيها كل البيانات المطلوبه فا مافي داعي تعبونها وتعبون نفسكم لان بالمطار لما يشوفون الفيزا الالكترونيه ماراح يطلبون الكروت منكم وعلى مسؤليتي بالتوفيق ان شاء الله بالتوفيق ان شاء الله |
رد: من سبق له التقديم على الفيزا الالكترونية (EVW) ما قصر الإخوه قطري 911 و tab_el وحقا هذه التأشيرة الأليكترونيه مريحه جدا اتمنى لكم رحلة سعيده |
رد: من سبق له التقديم على الفيزا الالكترونية (EVW) يعطيك العافية أبو سعد ما قصرتوا يا شباب |
رد: من سبق له التقديم على الفيزا الالكترونية (EVW) الف الف الف شكر أخي qa6ar911 ما اقدر اقولك اشكثر ارتحت واتطمنت لما شفت الفيزا بأم عيني :(35): وحسيت انها بالفعل سهلة وبسيطة جزاك الله كل خير استفساري الوحيد هو في جوازي القبيلة مكتوبة في خانة الــ surname وال family name خانته فاضية فأكيد أكتب قبيلتي مكان ال family name نفس فيزتك الالكترونية ؟ صحيح؟ مشكور من هنااا للقطب الجنوبي |
رد: من سبق له التقديم على الفيزا الالكترونية (EVW) السؤال الثاني لاقيت من ضمن الخانات في الفيزا الالكترونية place of issue وفي جوازي غير موجودة موجود فقط issueing authority ماذا اكتب فيها ؟ ارجو المساعدة .. هل اكتب نفس جهة الاصدار وهي صلالة ؟ أم عُمان ؟ و last port departure أكتب أبو ظبي بما اننا بنتوقف فيها قبل انطلاقنا الى لندن ؟ اسسسفة |
رد: من سبق له التقديم على الفيزا الالكترونية (EVW) اقتباس:
مرحبا اختي العفوووو بالعكس ماسوينا شي ان شاء الله دوم مرتاحه ومطمنه ويجزاج بمثله يااارب اختي بخصوص اسم القبيله طبعا انا ماشفت جوازج بس عاده اذا اسم القبيله مب موجود فأخر اسم هو يكون اسم القبيله اكتبي اخر اسم بالجواز ولاتخلين الخانه فاضيه ههه حلوه للقطب الجنوووبي العفوووو من هنا لنفس المسافه واكثر :yolks00250: |
رد: من سبق له التقديم على الفيزا الالكترونية (EVW) اقتباس:
بالعكس خذي راحتج اختي بأي استفسار حاضرين لج |
| الساعة الآن 11:41 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO