|
طلبات الفيزا السلام عليكم أمس قريب الساعتين أعبي النموذج ل4 أشخاص وسددنا الرسوم وحجزنا موعد في جدة الخميس بصراحه النموذج غير احترافي لازم تكرر نفس المعلومات عدة مرات وحتى لللأطفال سنتين يتم تعبئة نفس البيانات:yolks00270: أبغى أتأكد من التالي: الأوراق المطلوبة التي سأقدمها في مركز التأشيرات 1- النماذج التي تم تعبئتها 2- ورقة حجز الموعد 3- تعريف بالراتب من الشركة موضح فيه تاريخ التعيين واجمالي الراتب والمسمى الوظيفي بالانجليزي 4- طبعت كشف حساب الراتب لمدة 6 شهور من الاهلي اون لاين هل يكفي أو لابد أن أخذ نسخة من البنك نفسه؟ 5- صور بطاقة الأحوال 6- صورة بطاقة الفيزا والماستر 7- صورة الصفحة الاولى من الجوازاات طلبوا من زميلي قبل أسبوع لما كان موعده حجز الفنادق وحجز الطيران وأنا إلى الآن مااشتريت التذاكر وحجزت من بوكنج حجز مؤقت وبلغيه هل هو مهم؟ هل في طلبات أخرى ناقصة؟ زميلي قال قبل كم شهر راح وأعطاهم كشف من الاهلي اون لاين وغير مختوم وماقالوا شي |
رد: طلبات الفيزا وعليكم السلام 4- البريطانية يقبلون الكشف مطبوع لكن الافضل على ورق البنك هنا الطلبات http://www.arabtrvl.com/vb/t5855.html أحيانا تختلف الطلبات باختلاف الجنسية ومن الافضل ذكر جنسيتك و جنسية زميلك لنفيدك أكثر |
رد: طلبات الفيزا كلنا سعوديين استغربت انهم طلبوا من زميلي حجز طيران وحجز الفنادق الاسبوع الماضي كان عندهم مع انه مو مكتوب من ضمن الطلبات في موقعهم الرسمي سويت حجز مؤقت من بوكنج احتياطا لأني ماحددت فنادق معينة الى الان وسأكتفي بكشف الحساب المطبوع ان شاء الله تتسهل الامور يعطيك العافية |
رد: طلبات الفيزا بالنسبة لكم ، الطلبات كما ذكرت في الموضوع لكن أحياناً اذا كان الراتب ضعيف يطلبون حجز فنادق و طيران في محاولة للتسهيل على المتقدمين من أجل منحهم الفيزا |
رد: طلبات الفيزا والله شكلها تصانيف من الموظف حسب المزاج ولا راتب زميلي بالتأكيد فوق 18 ألف ورايح لحاله بدون أهله إن شاء الله في الصباح غدا موعدي نشوف ايش يطلبوا يارب تتسهل |
رد: طلبات الفيزا بالتوفيق ننتظر تحديثك للموضوع باللي طلبوه منك |
رد: طلبات الفيزا وعليكم السلام أخي ammooorit هل هذه أول تأشيره لك ولزميلك إلى بريطانيا أم حصلتم من قبل على تأشيرات بريطانيه ؟؟ |
رد: طلبات الفيزا أنا حصلت عليها مرتين في 2007 كان معايا جواز دبلوماسي كنت في الخارجية اشتغل وحطيت صورة من التاشيرة في الطلب و2011 رحت دورة تدريب لكن الجواز منتهى وسلمته للجوازات وسجلت تاريخ التاشيرة في ضمن الطلب بس بدون صورة وزميلي راح أيضا قبل كم سنة اليوم كان موعدي في الصباح ودخلت من قسم العوائل أول شي تعبي ورقة تكتب ايش الاوراق اللي ارفقتها فكان ممكن من ضمن المرفقات تحط صورة الحجوزات والطيران لكنه مو مطلوب بس الافضل تحطه واللي يكون رايح لدورة تدريبية قصيرة لازم يحط صورة موافقة الجهة التدريبية في بريطانيا وقالتلي على كشف الحساب لازم يكون مختوم او من البنك قلتلها 3 من زملائي في شعبان راحوا كلهم طبعوه من النت قالت على مسؤوليتك ارفع الارواق قلت ارفعيها بعدين قلت طيب تبغيني اروح سريع الببنك واجيب ورقة الكشف للاحتياط ؟ قالت تغير الموعد قلت مستحيل انا اخذ اجازة ومنزل اهلي من الصباح من مكة دحين اخرج وارجع ربع ساعة قالت تدفع 375 ريال!! عشان تخلي حجزك مفتوح قلت اقلك ارفعي الاوراق واتوكلنا على الله ماوافقت كمان على صورة الزوجة تقول انها نفس الصورة في الجواز قلت ماتغير شي في الشكل والجواز جديد قالت مايوافقوا عليها وعندنا تصوير ب48 تصويرهم سئ جدا كاميرا صغيرة غير احترافية وطابعة فورية والله حتى مقاسات الصورة مو مزبوطة حتى باقي الصور ليا وللاطفال سألت متى اتصورتوا قلت اول امس وصورة ولدي كان شوية شعره مغطي على الجبهة دخلت سألت الsupervisor وقال تمشي عادي البصمة لولدي جلسنا يمكن فوق 10 مرات على يده اليسار مو راضي الجهاز ياخذ صورة البصمة عمره 8 سنوات والبنت عمرها سنتين بس اخذوا صورة لها بعد المحاولة ال15 يمكن مو راضية تطالع في الكاميرا :(22): التاشيرة تصدر بعد 15 يوم وإن شاء الله تتسهل أنا سفري إلى الآن لا حجزت لاطيران ولا فنادق بانتظر |
رد: طلبات الفيزا سؤال سريع ماادري اذا احتاج افرد موضوع آخر له انا بروح 8 سبتمبر (25 القعدة) وارجع يوم عرفة ان شاء الله بروح من جدة لمانشستر واجلس 5 ايام ثم ليدز عندي دورة 4 ايام في اخر 5 ايام في لندن او اقدر اعمل العكس جدة لندن ثم ليدز ثم العودة من مانشستر ايش الافضل اخلي لندن في البداية او النهاية؟ علما بانه سعر التذاكر تقريبا نفس الشي والشي الغريب انه السعر انخفض عن قبل شهر من شهر فبراير وانا شايف سعر التذكرة 3100 والان صار حول 2700 |
رد: طلبات الفيزا اقتباس:
نقطة التسوق خلها الاخيره :(47): |
| الساعة الآن 12:05 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO