استفسار بخصوص متطلبات فيزا تاير 4 واستفسارات أخرى
 

السلام عليكم ورحمة الله وبركاته ..

1. أود الاستفسار بخصوص متطلبات فيزا التاير 4 لي ولمرافقيني مع العلم أنني أنا المبتعثة من جهة عملي و زوجي وابني هم المرافقين؟

2. هل المقابلة الشخصية لي فقط أم لمرافقي أيضاً؟

3. هل يوجد رابط يســاعد في تعبئة ابليكيشن الفيزا التاير 4 ؟

ولكم وافر الشكر والتقدير ...

رد: استفسار بخصوص متطلبات فيزا تاير 4 واستفسارات أخرى
 

وعليكم السلام ورحمة الله وبركاته

- أهم حاجة لمنح فيزا تير4 هي الـ ( كاس نمبر ) CAS NUMBER
- من وين نجيب الكاس نمبر : من معهد اللغة أو الجامعة اللي بندرس فيها ... اذا بتدرسون لغة فيكون من معهد اللغة
- شروط الكاس نمبر : الحصول على درجة 4 على الاقل في كل قسم ومجموع الدرجات مايقل عن 4.5
** وقت اخذنا لها كان اختبار الايلتس عام ومايشترطون اكاديمي واعتقد من شهر 3 -2015 عدلوا ان المطلوب لازم يكون ايلتس اكاديمي اذا كانت الدراسة لغير اللغة ( تأكدوا من المعهد )
- بعد الحصول على الدرجة المطلوبة في الايلتس ترسلون صورة وثيقة اختبار الايلتس للمعهد ويبدل لكم ( اذا كان عندكم قبول ) القبول ويعطيكم كاس نمبر ..
- تطبعون رسالة المعهد اللي فيها الكاس نمبر وتقدمونها مع اوراق الفيزا + ضمان مالي من جهة عملك يكتب فيه اسماء المرافقين مثل الجواز + المؤهلات الدراسية لك
- بالنسبة للمرافقين مايحتاج لهم شي اضافي عن الفيزا العادية ...
- المقابلة الشخصية لك لوحدك .
- انا عبيت الابلكيشن عن طريق مكتب فما اقدر افيدك وهو مكتب السفارات ( قدام كودو ) اللي عند المركز الموحد في الرياض مع الجهة المقابلة .

رد: استفسار بخصوص متطلبات فيزا تاير 4 واستفسارات أخرى
 

جزاك الله خير أبو عبدالله ما قصرت الله يسخر لك كل من يتولى أمرك
بالنسبه للشهادات هل يحتاج إرفاق الأصل لأن موظفات مكتب الفيزا لا يعلمون أفادوني علي إرفاقها إذا أردت وسوف ترجع مع الجواز أم ارفق صور منها ...

ولكم وافر الشكر والتقدير

رد: استفسار بخصوص متطلبات فيزا تاير 4 واستفسارات أخرى
 

امين ...

لازم ترفقون كل الاصول ... يعطونكم بيان تسجلون فيه كل الاصول المرفقة عشان المطابقة اذا رجعوها لكم ومايكون شي ناقص ( انتم تعبونه )
لاتعتمدون على كلام الموظفة لان اغلبهم مايعرف أي شي فعلا وهم بس حلقة وصل بينكم وبين السفارة ..

رد: استفسار بخصوص متطلبات فيزا تاير 4 واستفسارات أخرى
 

الله يجزاك خير ما قصرت
اليوم قدمت طلب الفيزا والله يستر خفت اكثر لما سويت المقابلة لانه لخمني بالاسئلة وجلس يقول لا تفصلين كثير ولا تتكلمين بسرعه
اربكني والله يستر تتوقعون يرفضون الفيزا بسبب المقابلة ..

رد: استفسار بخصوص متطلبات فيزا تاير 4 واستفسارات أخرى
 

رد: استفسار بخصوص متطلبات فيزا تاير 4 واستفسارات أخرى
 

الموضوع موب اختبار واجوبة صح او خطأ ، المقصود بيشوفون تعرفون تتكلمون انقليزي وتفهمون او لا .... وعموما ان شاء الله تساهيل ، مايردون احد وهم عارفين ان اللي بيجيهم يدرس لغة غالبا مايقدر يتكلم زين او يتكلم بصعوبه ..

رد: استفسار بخصوص متطلبات فيزا تاير 4 واستفسارات أخرى
 

جزاكم الله خير والله يسهل أمرنا وأمركم
الله يسهلها من عنده وتطلع هالفيزا
والله لا يضيع تعب احد ..

رد: استفسار بخصوص متطلبات فيزا تاير 4 واستفسارات أخرى
 

الله يسهل لنا و لك .. قدمتها انا الخميس اللي راح..

بشري عساها طلعت لك ؟

الحمد لله طلعت الفيزا الخميس الماضي والله يسهل امركم وامري