|
تجربتي في أستخراج فيزا تركيا للخدامه من قطر السلام عليكم ورحمه الله وبركاته حبيت اطرح تجربتي مع فيزا الخدامه لتركيا تاريخ السفر هو 20/3/2016 يعني بكره ان شاء الله من كتابه هذا الموضوع بدايه اجراءات الفيزا يوم الخميس بتاريخ 10/3/2016 في يوم الخميس قلت بعبي الابلكيشن ودخلت على هالرابط https://www.konsolosluk.gov.tr/eKons...ru/VizeBasvuru بعد كتابه جميع البيانات كان المفروض انزلجميع المرفقات المطلوبه وتحميلها في الابلكيشن والا المتطلبات هي : 1- صوره شخصيه خلفيه بيضاء 2- صوره من جواز السفر 3- كتاب من الكفيل بأستلام جميع رواتبها مع وضع الراتب في حدود 2500 ريال ( ليس بالضروره الخدامه التوقيع انها تقر بأستلام الراتب يكفي توقيع الكفيل ) 4- حجز فندق لمده السفر كلها 5- حجز طيران لكن واجهتني مشكله في تحميل المتطلبات على الابلكيشن كان لابد وان الجأ الى احد مكاتب تخليص التأشيرات بسبب ان الوقت غير كافي رحت لمكتب التأشيرات يوم الخميس اول مادخلت قالت لهم قسم التأشيرات حق فيزا تركيا فكانت الصدمه !!!! ان اقرب موعد هو تاريخ 30/3/2016 وتاريخ السفر هو 20/3/2016 مباشره اخذت اوراقي وطلعت وتم الاتصال بوزاره الخارجيه القطريه مرحبا بوفلان موعد السفر 20 ابغي اقرب موعد للسفاره التركيه اقرب موعد هو 30/3 قال سكر ودقايق واتصل فيك وماكمل دقيقه الا وهو متصل :29: والا يقول لي موعدك يوم الاحد تاريخ 13/3 قال اخذ اي موعد وعبئ الابلكيشن وروح لهم بدون موعد بتحصل اسمك عند امن بوابه السفاره وارسل لي رقم من السفاره اتواصل معاهم قبل الوصول يوم الاحد بتاريخ 13 طلعت الصبح لمكتب التأشيرات عشان اخلص اوراقي قبل الساعه 10 صباحا واخذت اقرب موعد للفيزا هو 5/4/2016 لكن الوقت ما امداني بسبب ان الكتاب الي من الكفيل بخصوص ان الخدامه استلمت كل رواتبها لازم اصدقها من وزاره العكل القطريه اتصلت في السفاره التركيه وقلت لهم ماقدر اجي اليوم لان اوراقي مب جاهزه مباشره قالت لي موعدك بكره نفس الوقت اخذ راحتك :30: رحت الموعد يوم الاثنين وصلت السفاره التركيه لمكتب الامن واعطيتهم الاسم ودخلوني للسفاره ورحت وقدمت اوراقي وقالت لي الموظفه بعد بكرة تجي تستلم الفيزا بدون مانرسل لك ايميل او مسج ورحت السفاره يوم الاربعاء 16/3/2016 والحمدلله استلمت الفيزا والامور طيبه بفضل رب العالمين سهل لي كل الامور وعسى ربي يوفق الجميع يارب |
و عليكم السلام الله يحفظك أبو سعد اجراءات تهم الكثير خاصة أن الكثير يأخذوا خادماتهم معهم رحلة موفقة و ننتظر تقرير تركي مرتب توصلون بالسلامة |
ماشاءالله سهالات الله يكثر من ابو فلان جزاك الله خير على نقل تجربتك حفظكم الله في حلكم وترحالكم |
ماشاء الله ... الحمد لله ع التيسير .... ولو اني مااحب سفر العاملات من المشاكل اللي يسوونها بالسفر ... الله يهنيكم ويستر عليكم ... وسفر سعيد وتقرير جميل بعد العوده ان شاء الله:25: موفق يابو سعد |
بيض الله وجهك يابو سعد رحلة سعيدة |
ماشاء الله تروحون وترجعون بالسلامة |
وعليكم السلام ورحمة الله وبركاته يابو سعد تجربة مهمه ومفيده للكثيريين بارك الله فيك والمعارف بتنفع في مثل هذه مواقف بالتأكيد وكنت أتمنى أن السفارات لا تضطر أحد لمثل هذا الإجراء ويكون هناك مراعاة لمواعيد السفر في تحديد مواعيد المقابلات وإستلام الأوراق الله المستعان وياريت لو توضح لنا جنسية العامله أيه مشكور يابو سعد وما تقصر |
شكرا لك لذكر تجربتك ترجعوا بالسلامه |
العفووو الله يسلمكم اول بغيت انوه على بخصوص الي ينتظرون تقرير :3: انا في دبي حاليا العيال والاهل مع جدهم راحو انا مارحت معاهم والا كنت من عيوني اجهز لكم تقرير مشرفنا الغردقاوي جنسيه المربيه فلبينيه الف شكر للجميع على ردودكم جزاكم الله خير لولا تسهيل رب العالمين وثم الرجال كنت مستحيل اني الحق الهدف من هذا التأشيره لأي دوله احرص على التقديم لها بدري الاجراءات ان شاء الله ماتطول لكن المواعيد لو كان ضغط عليهم راح تطول بالتوفيق للجميع يارب |
اقتباس:
يرجعون لك بالسلامة والله يهنيهم ويسعدهم :1: ملحوقة ....دبي ماشاء الله دايم عندهم شي جديد:29: |
| الساعة الآن 06:57 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO