|
اسئلة بخصوص تأشيرة جنوب افريقيا..؟ السلام عليكم اعتزم السفر الى جنوب افريقيا بعد فترة وعندي كم سؤال بخصوص استخراج التأشيرة: 1 - بخصوص كتابة البيانات.. هل ينفع ان تكتب بالكومبيوتر..؟ أو لازم بخط اليد..؟ 2- بخصوص المدة المتبقية على الجواز .. لاحظت قي موقعهم بوزارة الحارجية (ويجب أن يكون جواز السفر ساري المفعول لمدة لا تقل عن 30 يوماً بعد انتهاء الزيارة المقصودة وأن يحتوي الجواز على صفحتين (2) فارغتين على الأقل عند تقديمه إلى نقطة الدخول). والجواز ينتهي في 16 ابريل والعودة سوف تكون في 28 يناير.. وهناك من يذكر انه يشترط 6 او 7 اشهر لصلاحية الجواز.. فهل موقع السفارة اثبت واعتمد عليه..؟ 3- هل بطاقة الاحوال المدنية شرط ومطلوبة..او يكفي الجواز 4- بخصوص كشف الحساب.. المطلوب 3 اشهر، وممكن طباعته من النت، فهل يطلبون تصديق وختم البنك عليه..؟ 5- متى أيام اجازة السفارة بالرياض بمناسبة نهاية السنة الميلادية..؟ اخاف اذهب الاحد او الاثنين ويكونون مسكرين اشكر مقدما من سيتكرم بالاجابة على الاسئلة |
اقتباس:
وعليكم السلام هلا ابو محمد عشان تحصل على 3 شهور دخول متعدد احجز على الخطوط السعودية ذهاب وعودة مؤكد ثم اطبع ماهو شرط تدفع لمدة 3 شهور وكذلك احجز فندق من بوكنق بنفس الطريقة اذا ما سويت كذا يعطونك المدة حسب تذكرة الطيران واكتب في طلبك 3 شهور دخول متعدد |
اقتباس:
الف شكر استاذنا الفاضل ماقصرت افدتني كثيرا والله يسهل الامور ومايعقدونها عند التقديم |
للفائدة: توجهت أمس الى سفارة جنوب افريقيا بالرياض في ام الحمام.. وأخذت معي: 1- الجوازات 2- صورتين شخصية بدون شماغ 3- تعريف للعمل يتضمن الراتب 4- كشف حساب بنكي 3 شهور 5- صور لحجز تذاكر السفر 6- صور لحجز عن طريق بوكنق 7- تعبئة النموذج بالكومبيوتر بعد تحميل النسخة على هيئة وورد ودفعت نقدا 948 ريال بواقع 237 ريال عن كل جواز وصلت المكتب الساعة 9.30 ولم يكن موجود الا انا وصاحب مكتب معه عدد من الجوازات لم يستغرق دخولي اكثر من 10 دقائق الملاحظة الوحيدة والتي أتمنى ألا تتسبب في ارجاع الجوازات هي ان كشف الحساب كان باللغة العربية.. والسوداني اللي استلم الاوراق يقول بعض المرات يرجعونهن أو يتصلون عليك ترسلهن بالايميل وانا بالانتظار ودعواتكم تمشي بدون طلب الكشف باللغة الانجليزية.. |
ما شاء الله غالبا راح يقبلون ولو عندهم طلب راح يتصلون عليك وخلال اسبوع يكون جوازك جاهز يعني الاربعاء القادم |
السلام عليكم ورحمة الله وبركاته استكمال للاستفسار وليستفيد الاخرين اتصلت يوم الاربعاء وبعد اسبوع كامل من تقديم الجوازات وافادني الموظف بانها جاهزة وتم استخراج التأشيرات لم أتمكن من احضارها الا قبل يومين |
اقتباس:
شكرا على التحديث أبو محمد و الف مبروك على التأشيرة و أكيد راح نسعد بتقرير يشار له بالبنان رحلة سعيدة :58: |
ياحلوها من ديرة كيب تاون لوحدها متعة أرسلت بواسطة iPhone بإستخدام Tapatalk |
ان شاءالله يفيدونك البقيه والله يهنيك |
| الساعة الآن 02:02 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO