![]() |
التأكد من طلبات التأشيرة (السفارة النمساويه) 2 مرفق السلام عليكم و رحمة الله و بركاته .. رمضان كريم علينا و عليكم .. ولو إنها متأخرة:e305: هذا أول موضوع لي بمنتداكم الرائع .. أتمنى ألقى تفاعل منكم بعد كم يوم بإذن الله موعدي للسفاره النمساويه و حابه أقولكم الخطوات الي سويتها لكي يستفيد منها غيري و أتمنى تصححون لي إذا في شيء ناقص .. بسم الله نبدأ : الخطوة 1: حجزت موعد من هنا طبعا مع طباعة الحجز الذي يرسل بالايميل https://appointment.bmeia.gv.at/?Office=Riyadh (علماً بأنني من سكان الرياض) و عندي سؤال على هذه النقطه كم تكلفة الموعد و متى أدفعه ؟ الخطوة 2 : عبيت الاستمارة المرفقة , باللغه الانجليزيه (لكل جواز إستماره بالغ أو طفل) الخطوة 3 :حجوزات الطيران و الفنادق الخطوة 4 : صورتين بخلفية بيضاء 4.5 _ 3.5 الخطوة 5 : الصورة و الاصل من الماستركارد (بالنسبة لولي الامر ) الخطوة 6 : تأمين طبي (تأمين سفر) من التعاونيه شامل دول شنغن تم إرساله عبر الايميل الخطوه 7 : التعهد الطبي ( تم إرفاقه) الخطوة 8 :الجوازات و كرت العائله و الهويه > هنا حابه أسئلكم أخذها كلها ؟ أو صوره منها؟ و بما أن ولي الامر مسافر معنا ما نحتاج نكتب خطاب تكفل بالمصاريف و خطاب موافقه على السفر. و شاكره لكم و أتمنى إني أفدتكم .. طبعاً بإنتظار ردودكم على الموضوع .. تحياتي RANA |
عليكم السلام .. يعطيكي العافية على الافاده .. ما قصرتي:) |
انا اليوم باذن الله موعدي و قال لي المكتب انه بطاقة العائلة تترجم و توثق هل هذا فعلا مطلوب ؟ للامانه ما صلحته فقط انا ترجمتها من دون مكتب توثيق ! الشي الثاني ايش الفرق بين التأمين الطبي و التعهد الطبي ؟؟ التأمين الطبي صلحته اكيد ! لكن التعهد الطبي ؟ بضيف لك اضافه التعهد تبع النمسا>> تلاقينه مرفق في المواضيع المثبته صلحيه ينقصك ( انا للان ما صلحته بسال صاحب الموضوع ايش نكتب فيه ) + كشف حساب ٣ شهور المكتب حكى لي انه ضاروري . و الجوازات و البطاقات كلها صوره منها و الاصل . افضل تصلحين لكي شي صوره ، احتياط و لا ينقصك شي . |
التعهد الطبي هو الي ارفقته تحت مسمى الاقرار الطبي شفته بموقع السفاره انه تعهد على انك بتدفعين و مدري كيف اذا صار لك شيء لا قدر الله و كشف حساب كثير ناس قالوا لي ان السفاره ما تطلبه ! تعهد النمسا تقصدين الاستماره؟ |
اقتباس:
كيف تشوف الطلبات صح علي ولا في شيء ناسيته:24: |
الصراحة مالي تجربة مع سفارة النمسا نهائيا فممكن يفيدونك الاخوان اكثر مني لكن عندي نصيحه كل شيء خذي منه صوره مثلا كرت العائله صور بعدد الاشخاص اللي بيقدمون هوية ولي الامر او المتكفل بالمصاريف نسخ بعدد الاشخاص حجوزات السكن حجوزات الطيران .. الخ اي متطلب يجي في بالك كل شيء يجي في بالك خلي معك نسخ بعددكم (الزياده ولا النقصان) ممكن غيرك قبل خذو منه نسخه وحده للجميع وفي دورك الموظف يطلب نسخه لكل شخص اقتباس:
وفي تجربتي مع الالمانيه الموظف طلب ورقة الموافقه لمن هم اقل من ١٨ سنه وايضا تكفل بالمصاريف مع ان ولي الامر المتكفل كان ضمن المسافرين والمتقدمين للفيزا فخلي كل شيء معك احسن من تتاخرين بسبب ورقه غيرك قبل ماطلبوها منهم وخصوصا كشف الحساب باقي الاوراق ممكن يمشيها الموظف او يطبع لكم نسخه من عنده تعبونها لكن كشف الحساب من وين تجيبونه وقتها وسفره موفقه باذن الله مقدما وعطينا تحديثات في تجربتك بعد التقديم وباذن الله بعد صدور الفيزا |
اقتباس:
ياخي قريت ان سفارة النمسا تقبل بالماستركارد كإثبات مادي المهم يعطيك العافيه :58: |
ماقصر اخونا بالافادة بالنسبة للأوراق الرسمية (جواز هوية ... الخ) الاصل موفقين |
هلابك للاسف أنا ولا مره قدمت على النمساوية فعشان كذا ما حكيت بشيء والا أككككيد بفيدك بدون ما تسألين بعد:24: لكن فيه مواضيع عن النمساوية مريها وأستفيدي من تجاربهم .. ولو أنا مكانك باخذ كشف حساب عشان ما أخلي لهم ممسك علي:24: يعني مثل الكندية أعطيتهم زياده طلبات من عندي كدعم لي وكأني أقول لهم ترى باخذ فيزتكم غصب:24: فأنتي خذي معك كل شيء ، الزياده ولا النقصان والله:3: |
اوكي يعطيكم العافيه |
الساعة الآن 09:28 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO