التأكد من طلبات التأشيرة (السفارة النمساويه)
 

السلام عليكم و رحمة الله و بركاته .. رمضان كريم علينا و عليكم .. ولو إنها متأخرة:e305:
هذا أول موضوع لي بمنتداكم الرائع .. أتمنى ألقى تفاعل منكم

بعد كم يوم بإذن الله موعدي للسفاره النمساويه و حابه أقولكم الخطوات الي سويتها لكي يستفيد منها غيري و أتمنى تصححون لي إذا في شيء ناقص ..
بسم الله نبدأ :
الخطوة 1: حجزت موعد من هنا طبعا مع طباعة الحجز الذي يرسل بالايميل https://appointment.bmeia.gv.at/?Office=Riyadh
(علماً بأنني من سكان الرياض) و عندي سؤال على هذه النقطه كم تكلفة الموعد و متى أدفعه ؟
الخطوة 2 : عبيت الاستمارة المرفقة , باللغه الانجليزيه (لكل جواز إستماره بالغ أو طفل)
الخطوة 3 :حجوزات الطيران و الفنادق
الخطوة 4 : صورتين بخلفية بيضاء 4.5 _ 3.5
الخطوة 5 : الصورة و الاصل من الماستركارد (بالنسبة لولي الامر )
الخطوة 6 : تأمين طبي (تأمين سفر) من التعاونيه شامل دول شنغن تم إرساله عبر الايميل
الخطوه 7 : التعهد الطبي ( تم إرفاقه)
الخطوة 8 :الجوازات و كرت العائله و الهويه > هنا حابه أسئلكم أخذها كلها ؟ أو صوره منها؟

و بما أن ولي الامر مسافر معنا ما نحتاج نكتب خطاب تكفل بالمصاريف و خطاب موافقه على السفر.

و شاكره لكم و أتمنى إني أفدتكم .. طبعاً بإنتظار ردودكم على الموضوع ..
تحياتي RANA

عليكم السلام ..
يعطيكي العافية على الافاده ..
ما قصرتي:)

انا اليوم باذن الله موعدي
و قال لي المكتب انه بطاقة العائلة تترجم و توثق هل هذا فعلا مطلوب ؟ للامانه ما صلحته فقط انا ترجمتها من دون مكتب توثيق !
الشي الثاني ايش الفرق بين التأمين الطبي و التعهد الطبي ؟؟ التأمين الطبي صلحته اكيد ! لكن التعهد الطبي ؟

بضيف لك اضافه التعهد تبع النمسا>> تلاقينه مرفق في المواضيع المثبته صلحيه ينقصك ( انا للان ما صلحته بسال صاحب الموضوع ايش نكتب فيه ) + كشف حساب ٣ شهور المكتب حكى لي انه ضاروري .
و الجوازات و البطاقات كلها صوره منها و الاصل .

افضل تصلحين لكي شي صوره ، احتياط و لا ينقصك شي .

التعهد الطبي هو الي ارفقته تحت مسمى الاقرار الطبي شفته بموقع السفاره انه تعهد على انك بتدفعين و مدري كيف اذا صار لك شيء لا قدر الله
و كشف حساب كثير ناس قالوا لي ان السفاره ما تطلبه !
تعهد النمسا تقصدين الاستماره؟

بورمث شكلك خبره بإستخراج الفيز ماشاء الله كل مواضيعك عنها :56:
كيف تشوف الطلبات صح علي ولا في شيء ناسيته:24:

الصراحة مالي تجربة مع سفارة النمسا نهائيا فممكن يفيدونك الاخوان اكثر مني

لكن عندي نصيحه كل شيء خذي منه صوره مثلا كرت العائله صور بعدد الاشخاص اللي بيقدمون

هوية ولي الامر او المتكفل بالمصاريف نسخ بعدد الاشخاص

حجوزات السكن حجوزات الطيران .. الخ اي متطلب يجي في بالك

كل شيء يجي في بالك خلي معك نسخ بعددكم (الزياده ولا النقصان)

ممكن غيرك قبل خذو منه نسخه وحده للجميع وفي دورك الموظف يطلب نسخه لكل شخص

يوووه عاد يقولون الالمانيه معروفه بالتدقيق غيرت المطار الي بنزل فيه عشان ما يقروشونني ذا الالمان
ياخي قريت ان سفارة النمسا تقبل بالماستركارد كإثبات مادي
المهم يعطيك العافيه :58:

ماقصر اخونا بالافادة

بالنسبة للأوراق الرسمية (جواز هوية ... الخ) الاصل

موفقين

هلابك
للاسف أنا ولا مره قدمت على النمساوية
فعشان كذا ما حكيت بشيء
والا أككككيد بفيدك بدون ما تسألين بعد:24:

لكن فيه مواضيع عن النمساوية مريها وأستفيدي من تجاربهم ..

ولو أنا مكانك
باخذ كشف حساب
عشان ما أخلي لهم ممسك علي:24:
يعني مثل الكندية أعطيتهم زياده طلبات من عندي كدعم لي
وكأني أقول لهم ترى باخذ فيزتكم غصب:24:
فأنتي خذي معك كل شيء ، الزياده ولا النقصان والله:3:

اوكي يعطيكم العافيه

مساء الخير أخت فجر طمنيني عن موعدك كيف صار ؟
أعطيني تقرير مفصل عن الاشياء الي أخذتيها و وش طلبوا منك و وش سويتي و كل شيييء
بإنتظارك:52:

اعتذر عن التأخير في الرد لأن بعد الموعد تعبت تعب انفلونزا الحمدلله

الحمدلله تمت بأسهل ما يكون ومما توقعت ، احنا كان موعدنا الساعه 9 فأول ناس احنا ( روحوا من بدري قبل موعدكم بساعه ) لان الناس زحممه زحمه مو طبيعيه
قسمت ملفات لكل شخص ملف اسهل للتقديم لانه راح تطلب منك بالدور بالبدايه الوالد ( المسؤول عن الرحله ) بعدها على شخص شخص

الوالد ( الموعد ، النموذج ، صوره من الجواز ، صوره من بطاقة الاحوال ، صوره من بطاقه العائلة ، صوره من الفيزا ، 2 صوره نفس مطلبهم ، التأمين الطبي ، * التعهد و التعهد الطبي انتي تجيبينهم او هم يعطونك اذا مو معاك * ، صوره من حجز الطيران ، صوره من حجز الفندق ، الجواز )

الاشخاص الثانيين نفس الشي بالظبط من صوره حجز فندق و صوره من الجواز و صوره من بطاقه العائله و و و و ما عدا انه ما فيه صوره للفيزا ، و اذا الاشخاص الثانين عندهم بطاقه احوال صوري صوره منها وارفقيها

* انا اخذت معاي تعريف لعمل الوالد + كشف حساب 3 شهور و رجعته لي قالت ما نطلبه .
* اهم شي يكون معاك كاش لان ما فيه بالبطاقه
* الاطفال كانوا عمر 10 و 7 و ماطلبوهم قالوا عادي الوالد يوقع نيابه عنهم .
و كل شي بيتيسر

( دخلنا في البدايه و قدمنا اوراق موعدنا و بعدها عطونا رقم و رحنا لصاله العوائل و ما انتظرنا كثير الحمدلله 10 دقايق و يندوننا و شخص واحد فقط اللي معاه الاوراق هو اللي يجلس و يتفاهم مع الموظفه لما انتهينا رحنا للتبصيم و بصمنا وخلصنا و قال بعد 10 ايام باذن الله راح تاصلك الجوازات )
احذ الوقت مننا تقريبا ساعتين الى ساعتين ونص و الحمدلله سهل لا تشيلين هم اهم شي تكون اوراقك كامله


باذن الله ما نسيت شي من المطاليب
بالتوفيق و طمنينا بعد ما ينتهي موعدكم

الله يعطيك العافيه والله ريحتيني:e437:
طيب بطاقة العائله و الهويه ترجمتوها ؟
و بالنسبه للتعهد الطبي هو الي نرلته بالموضوع تحت مسمى إقرار طبي؟

الله يعافيك
لا ما ترجمناها و ما طلبوها
ايي التعهد الطبي هو نفسه الاقرار و ورقه ثانيه التعهد بان الوالد راح يتكفل بجميع الرحله فقط للوالد >> و كل هذي الورقتين كانوا معاي و بنفس الوقت عندهم يعطونك اذا مو معاك

اهم شي سوي نسخ من كل شي لكل شخص

معليش بتعبك معي اللحين الاقرار الطبي:66: أخذتيه لمين ؟ للوالد و لا لكل جواز إقرار بما فيهم الاطفال ؟؟ لانه الكلام أحسه يطابق الاب بس
و معليش ترسلين لي التعهد حق الوالد الي انه راح يتكفل بالمصاريف لاني حابه أروح و أوراقي كامله

يعطيك ألف عافيه شفت ردك بالموضوع الثاني بعد ما أرسلت هذا السؤال:e32a:
يعني هالاقرار بس للوالد و الموظفه تعبيه و يوقع بوقتها
شكرا لك

تلاقين التعهد في الموضوع المثبت تعهد النمسا في المرفقات

العفو و بالتوفيق لكم

تقصدين هذا ؟ (بالمرفقات)
تعبت و أنا أدوره أرسليه لي أو عطيني وين ألقاه بالتفصيل

اي صح هذا للوالد فقط

يعطيك العافيه لقيتهم

يعطيكم العافيه

يعطيك العافية ماقصرت

يعطيك العافيه