رحلتي قربت والفيزا للحين ماوصلتني .. ارجوكم مالحل؟؟؟
 

وعليكم السلام
مره صارلنا نفس الموقف وراجعهم زوجي لمركز التأشيرات وصارت الجوازات والتاشيره جاهزه

جرب روح لهم او تواصل معهم

الله يسهل امرك

صح أنا جلست فترة ماجتني رسالة ولا شي لكن راجعتهم واتضح ان الجوازات جاهزة واستلمتها حمدالله واتضح انه حاطين رقم جوالي غلط وعلشان كذا ماجاني أي رساله منهم

معذرة على الازعاج

عفوا تاريخ رحلتي 29-6 مو 29-7



لكن ياغالي انا طالب ان الجواز يرسل بالبريد
يأثر علي او لا ؟

هذا خوفي يكون رقم جوالي خطأ
طيب وين رحت لهم بالمركز الموحد او بالسفارة؟

رحت لمركز التاشيرات الموحد وافادوني ان الجواز بالسفارة
دخلت على مدير المركز , اتصل على شخص بالسفارة ثم قال لي انتظر 3 ساعات :24:

انتظرت ساعة وحسيت ان جلستي ماله فايدة
شفت مصري موظف , قمت ورحت لمه وسالته , قال رح للسفارة احسن لك وتاخذ العلم الاكيد


رحت للسفارة ويوم دخلت استقبلني باكستاني طيب جدا
شرحت له مشكلتي قال انتظر
جلست 5 دقايق ثم جاني وقال لي الخبر الفاجعة
يقول جوازك يخلص بعد اسبوعين :19::19::19:
قلت كييف وليش
قال كذا نظام التاشيرات عندنا

الشنغن المجرية 15 يوم والسلوفاكية (20 يوم عمل)

قلت له وضعي وحجوزاتي قال ماعندي حل
ثم قال لي انتظر شوي اكلم القنصل
رجع لي بعدهاوقال لي ان القنصل نزل اسبوع ,يعني تخلص يوم 7/7
حاولت فيه ينزل اكثر وحاولت ادخل على القنصل وللاسف ماقدرت

والان مالي غير انتظر

افا من كلامك اجل ممكن يروح الحجوزات عليك ,,, شي غريب شنقن سولفاكية تطول اكثر؟

الشكوى لله