![]() |
لأول مرة تجربتي الناجحة مع الشنقن الالمانية بسم الله الرحمن الرحيم في البداية اشكر القائمين على المنتدى وجميع الاعضاء على مايقدم من تفاعل ورد على الاسئلة والاستفسارات بما يخدم الجميع عندما قررت السفر اول مابدأت به حجز الطيران والوصول ميونخ ولكن لما قرأت عن متطلبات الفيزا وصعبوتها خصوصا المانيا بصراحة ضاق صدري وكلمت كذا مكتب لكن كان الجشع الواضح وعدم ضمان استخراج الفيزا الدافع لي ان اقوم على الامر بنفسي قرأت هنا وهناك واستفدت كثيرا من اخونا اخر فرصة الله يعطيه العافية عبيت الابلكيشن واخترت اللغة العربية ولم اجد خيارات لادخال عناوين الفنادق كما قرأت ادخلت جميع البيانات كما ماهو موجود واخترت لزوجتي الوظيفة (بدون مهنة) وطبعتها ووقعناها بدون مانكتب التاريخ حجزت الموعد واضفت معي زوجتي وكان يوم 28-6-2018 تقريبا 240 ريال طبعت جميع اوراق حجز السكن نسختين لي ولزوجتي عملت تأمين سفر من تكافل الراجحي لمدة 15 يوم تبدأ قبل السفر بيوم ب 150 ريال والرحلة مدتها 12 يوم وطبعته ملون نسختين لي ولزوجتي صورنا الصور المطلوبة للفيزا الالمانية وصورة زوجتي ماعجتني وتوقعت رفضها وصورتها ليلة الموعد بالرياض طبعت تذاكر الطيران نسختين لي ولزوجتي ترجمت تعريف راتبي بمكتب معتمد ب 50 ريال سحبت كشف حساب من الراجحي يوم الموعد وكانت التهجئة لأسمي غلط غير متوافقة مع الجواز وطلبت من الموظف التعديل وقال ماتجهز الا بعد اربع وعشرين ساعة وكلمت مدير البنك واصر الله يجزاه خير على الموظف بالتعديل وعدلها الموظف بمساعدة احد زملاءه يبدو انه لايعرف وفكر يصرفني لكن ربي ستر كان المبلغ وقت الاغلاق 23 الف اخذت صورة من فيزتي الراجحي تسوق بارزة الاحرف صورت الجوازات اول ثلاث صفحات وصلنا المكتب الموحد الساعة 11 وكان موعدنا الساعة 1 ولم يدخلنا الموظف الا قبل الموعد بربع ساعة طبعا معي ورقة الموعد وموظف الاستقبال يختم عليها قبل الدخول بمعنى يلزم طباعة الموعد دخلنا واخذنا رقم ونصدمت من الزحمة في قسم العوايل ولو كنت اعرف حجزت في موعد vip ماعندهم زحمة وجلسات وقهوة انكسر ظهري وانا واقف عند وصولنا اخذ الموظف اوراقنا و فرزها وطلب مني صور لهويتي الوطنية وصورة كرت العائلة وكنت مجهزها بعدد من النسخ واعطاني ورقة التعهد المصاريف لزوجتي ووقعتها وصل دورنا بعد ساعتين للموظفة وقعتنا على بعض النماذج ولا اعلم ماهي ردت علينا ورقة التشييك والصورة الثالثة من الجواز ووقعنا الجوازات واخذت المبلغ 614 ريال مع التوصيل لحايل في ارامكس وصلتني رساله في هذه الاثناء وقالت انتظروا التبصيم وبعد 45 دقيقة بصمنا وكان اخر الدوام يوم الخميس وتوقعت انها لن تصل للسفارة الا يوم الاحد بعد الويكند وفعلا يوم الاحد وصلتني رساله تفيد ان الفيزا تحت العمل وبعد اسبوع بالضبط يوم الاحد وصلتي رسالة تفيد ان الجوازت تم تسليمها لارامكس والاثنين الصبح وصلتني رساله من ارامكس تفيد بوصول الجوازت ولله الحمد استلمتها وكانت مدة الفيز سنة مع ان جواز زوجتي جديد وانا جوازي ينتهي بعد سنة كتبت هذه التجربة لعلي افيد كما استفدت واطلب منكم الدعاء لزوجتي ان يتمم صحتها وعافيتها والسفر والرجوع بالسلامة واي استفسار انا حاضر :58: |
ما حجزت فنادق يالغالي .. يقولون لازم حجز فنادق؟ Sent from my ONEPLUS A5000 using Tapatalk |
اقتباس:
|
هل اخذ منك الموظف تذاكر الطيران ؟ وهل هي الزامية وكم مدة كشف الحساب ؟ |
طيب هل هو حجز وهمي ولا حقيقي بالنسبة للفنادق Sent from my ONEPLUS A5000 using Tapatalk |
اقتباس:
كشف الحساب حسب ماقرأت لازم يكون حديث اسبوع اسبوعين واقل |
اقتباس:
|
اقتباس:
مدته 6 شهور او 3 شهور |
حي الله أبو سيف ما قمنا الا بالواجب ونسأل الله عز و جل أن يمن على زوجتك بالصحة والعافية الدائمة ما شاء الله تجربة جميلة نشكرك على طرحها و الف مبروك الفيزا وان شاء الله المرات الجاية مدة أطول بس جوازك لابد صلاحيته تكون أطول ما قصرت بشرح التفاصيل والله يوفقكم برحلتكم |
اقتباس:
|
الساعة الآن 04:24 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO