|
تجربتي مع السفارة اليونانية ( نصيحة للمتزوجين ) السلام عليكم ورحمة الله وبركاته بعد تفكير و بحث طويييل عن الجزر نويت ان شاء الله السفر لليونان جهزت الأوراق المطلوبة مني واخذت منها نسختين لي وللزوجة الأوراق هي: نموذج الشنغن ( أخذته من موقع السفارة وعبيت البيانات عن طريق الكمبيوتر ) تعريف بالراتب من جهة العمل مختمة من الغرفة التجارية ( للزوجة لازم نسخة من الخطاب ) صور للفيزا صور للماستر كارد صور شخصية خلفية بيضاء ( اخذو صورة وحده بس ) صور حجوزات الفنادق ( حجزت من موقع اكسبيديا ) صور حجوزات الطيران ( عن نفسي اخترت الخطوط الإماراتية ) تأمين طبي لك وللعائلة ( اشتريت التأمين اون لاين عن طريق موقع شركة أسيج وارسلو لي خطاب التأمين وطبعته) صورة لبطاقة الأحوال للزوج و الزوجة صورة كرت عائلة صورة جواز الزوج و الزوجة (أنا أضفت صورة جوازاتنا القديمة لأن فيها فيزا الإيطالية محاولة لتسريع الإجاراءات) قرأت في موقع السفارة اليونانية ان بداية إستلام طلبات الفيزا الساعة 9 ونص صباحاً, فقررت اني أروح الساعة 9 عشان اكون من الأوائل واخلص بسرعه وصلت السفارة يوم الخميس بتاريخ 19 يوليو 2018 الساعة 9 بالضبط ولكن شفت فيه طابور والناس منتظره وتستلم الأرقام وتنتظر اول ماتوصل السفارة فيه غرفة انتظار على اليمين وفيه غرفة تاخذ منها الارقام على اليسار انتظرت في الطابور وانتظرت في الشمس لين وصلت للغرفة الموظف شاف الاوراق كاملة وكل شي تمام وعطاني رقم وقال انتظر دورك الانتظار عشان الرقم اخذ ساعة تقريبا ورقمي كان 21 والموظف كان يدخل رقم 3 فجاني احباط ولكن انتظرت نصيحة نصيحة نصيحة !!!! ( اللي بيحضر مع أولاده يخليهم بالسيارة بسبب الشمس والحر وغرفة الانتظار مليانه فلل رجال وحريم واطفال ومافي اي حاجه أنهم ينزلون معك لين ينادون على رقمك ) بعد الانتظار الطوييييييييييل وصل رقمي 21 من الفرحة نسيت الساعة كانت كم دخلت واخذو اوراقي وطلبو مني البصمه ( مع اني بصمت من قبل للسفارة الايطاليه قبل سنتين ) وصورني عشان يطبعون الصورة على الفيزا وعطوني الايصال وقال من 10 الى 15 يوم والاستلام يكون من الساعة 2 ونص إلى 4 العصر رسوم الفيزا كانت 288 ريال للشخص وخلصت الساعة 12:57 دقيقة ظهراً يعني تقريبا 4 ساعات اخذ الموضوع كله هذي تجربتي وحبيت افيد فيها الأعضاء بسبب ان فيه نقاط ماذكروها الإخوه في هذا المنتدى او حتى في المنتديات الأخرى مثل ( انتظار الأطفال وكبار السن و النساء في السيارة أفضل وأبرد لهم ) ( التبصيم و التصوير ) تــــــحـــــديــــــــث اتصلوا علي اليوم السفارة اليونانية وقالو الجوازات جاهزه وبكرة ان شاء الله راح استلمها تاريخ تقديم الطلب 19 يوليو تاريخ اكتمال الطلب 28 أغسطس مدة الفيزا سنتين يعني الفيزا اخذت 28 يوم عمل ( بدون الويك إند ) |
مو وايد المده من 10 الى 15 يوم ؟ومتى قدمتها اليوم ؟ شكرا على طرح التجربة المفيدة |
اقتباس:
|
اقتباس:
لان فيه موظف في السفارة قالي لو انك جيت شهر 8 كان أفضل مافي اَي زحمه وقدمت الفيزا اليوم الساعة 12 ونص الظهر تقريبا وسفرتي في بداية أكتوبر |
تجربة رائعة نشكرك على طرحها المفروض بالصيف على الاقل موظفين لخدمة المتقدمين مع توفير مكان مناسب للانتظار الله يعين المتقدمين على الحر والشمس شكرا لك |
اقتباس:
يعني مافيه الا موظف واحد هندي الجنسية هو اللي يعطي الارقام بعد مايشوف اوراقك والمشكله كل شوي واحد جاي يكلمه ويتوقف الشغل كله بس عشان يرد عليه وداخل السفارة موظفين يشتغلون على كاونتر واحد بنفس الوقت الله يعين وننتظر عاد استلام الفيزا |
اقتباس:
ماتفرق كم بيأخذ وقت لإصدار الفيز |
اقتباس:
|
اقتباس:
شكراً على مشاركة تجربتك رحلة موفقه |
لا تبخلون علي بالأجوبه |
الله يجزاك خير على التنبية |
اقتباس:
نعم لكل مسافر نسخة حتى الأطفال تعريف الراتب مطلوب من كل الأفراد الموظفين؟ ماعندي علم للأمانه ولكن احتياط لكل الافراد وفيه موظف راح يشوف اوراقك قبل ماتدخل اذا مالها حاجه بيطلعها من الملف وش الفرق بين الفيزا والماستر كارد ومن أي بنك أفضل؟ الفيزا يكون أقصى حد لعملياتها 20 إلى 25 ألف الماستر كارد 5 آلاف وهل تقبل الفيزا مسبقة الدفع في اليونان؟ ايه نعم على حد علمي تقبل في اي دولة بشرط اولها تكون الأرقام اللي على البطاقة محفوره حفر مو طباعة ثاني شي بعض البنوك تحتاج تتصل عليهم وتقولهم ابي افعلها للدولة الفلانية التأمين الطبي نفسه تأمين السفر؟ ايه نعم نفس تأمين السفر |
اقتباس:
|
مشكور على الطرح وتجربتك ممكن تنزل رابط النموذج وكذلك أين موقع السفارة؟ وكم مدة الفيزة |
المشكله ككذا موضوع ذكرو ان السفاره ماتقبل حجوزات الفنادق الا من موقع اكسبيديا وانا مكتب باليونان بيحجز لي ب اسعار اقل هل راح تقبل حجوزاته ولالا ؟ ثاني سؤال نموذج السفارة ممكن تذكر الاسئلة اللي فيه واجوبتك عليها ؟ ثالث شغله ماقدمت لهم كشف الحساب حق 3 شهور ؟ |
اقتباس:
https://www.mfa.gr/missionsabroad/en...tion-form.html و بالنسبة لموقع السفارة ابحث في قوقل ماب اكتب السفارة اليونانية راح يوصلك لعند بابها مدة الفيزا للحين مادري لان لسا ماطلعت لها 6 ايام حاليا وهو يقول من 10 الى 15 يوم ان شاء الله |
اقتباس:
يخصوص المكتب اللي في اليونان للأمانة مادري لان حط في بالك بيطلبون منك تطبع تأكيد الحجز وتجيبه معك انا عشان كذا قلت امشي على المضمون وحجزت عن طريق اكسبيديا بخصوص ثاني سؤال النموذج راح يسألك عن معلوماتك الشخصية اسمك اسم العائلة تاريخ الميلاد جنسك جنسيتك والامور هذي لو تبحث في قوقل بتحصل كثيرين منزلين نماذج الشنغن مترجمه بخصوص كشف الحساب لا ماقدمت لان اللي اعرفه يا كشف حساب او صورة للفيزا وانا عطيتهم صورة للفيزا و الماستر وبطاقة السفر من بنك الاستثمار |
لو اقدم فيزة السفر لحاله حق السعودي للاستثمار تكفي ؟ |
اقتباس:
لانها بطاقة مسبقة الشحن مب مثل الفيزا مضمون ان فيها مبلغ |
لازم بطاقة الاحوال للافراد وكرت العايله!! بالنسبه للفيزا نفس البطاقه اصورها وجه وقفا يعني ؟ والحجوزات لازم كسبيديا ولازم حجز الطيران |
اقتباس:
وافضل شي يكون لكل شخص ملف شفاف خاص فيه عشان تكون الاوراق مرتبه وبالنسبة للفيزا صورها وجه بس انتبه تصورها قفا لان فيها الرقم السري حجوزات الفنادق على حسب تجارب الاخوان من موقع اكسبيديا وهذا اللي انا سويته وحجوزات الطيران ضروريه وانتبه انتبه انتبه من الحجوزات الوهمية ابعد نفسك عن المشاكل ولازم حجوزات الفنادق والطيران مناسبه يعني مثلا حجوزات الفنادق عندك تبدا من 5 اكتوبر إلى 11 اكتوبر الطيران لازم يكون الذهاب 5 اكتوبر والعودة 11 اكتوبر اذا صار فيه اختلاف ممكن تسبب لك مشكله في الموافقه |
مشكور على النصيحه جزاك الله خير |
اقتباس:
|
هل خرجت الجوازات وكم مدة الفيزا وبالنسبة لشخص ليس موظف كيف يتحصل على ورقة عمل |
اقتباس:
واخر مره رحت السفارة قالي انهم يبدون اللي سفرتهم قريبه اول وبعدين راح يجيني الدور وبخصوص تقديم اوراق غير الموظفين للأسف ماعندي علم فيها |
:e123: |
تم اكتمال الجوازات وتحديث الموضوع |
| الساعة الآن 05:13 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO