|
فرنسا بين الرفض و الاستئناف و نصايحكم السلام عليكم ببساطه انا يمني امي سعودية قدمت انا و اخوي و امي انا كفلتهم هم اخذو الفيزا و انا انرفضت 😁 الوالدة سعودية ماشي اخوي عاطل بس ممكن فرق حط صور اقامات زوجته و عياله المهم انا مهندس و راتبي عالي و لي 3 سنوات في عملي سبب الرفض الثامن+التاسع علما بان سبق رفضي من أيرلندا لا أعلم هل لها علاقة او لا و لي سفرات مصر البحرين كمبوديا ماليزيا إندونيسيا تايلاند الفلبين عمري 30 و أعزب رايكن كيف اقدم على الاستئناف اش الورق اللي ارفقه اذا احد عنده صيغة للاستئناف لا يبخل علينا و شكرا |
لا تستأنف لأن موضوعها طويل وغالبا يكون الاستئناف مرفوض انت على كفالة الشركة او الوالده ؟ اذا الوالده قدم مرة ثانية جيب معاك صورة فيزا شنجن الوالده وصورة الهوية الوطنية وصوره من الجواز + تأشيرة الخروج والعودة + حجز مؤكد طيران وفندق + خطة سفر للرحلة + خطاب من الشركة بالعودة الى المملكة بعد انتهاء الرحلة + صورة من استمارة السيارة او شي يثبت انك راجع المملكة مثل صورة من اقامة الوالد |
انا على كفالة امي الوالد متوفي خطاب من الشركة عودة رافضين سيارة مافي باسمي في سجل تجاري باسمي في مصر مدري يفيد و لالا مع رقم ضريبي |
للمعلومية الحجوزات كلها مدفوعة طيران و فنادق |
لا تقدم سجل تجاري من مصر كيف كفلتهم ؟ هل قدمت خطاب تكفل بالمصاريف لهم ؟ ما دام حصلوا على الفيزا ( الام + الاخ ) و انت كافلهم يعني فيه شي ما سويته صح ممكن تعطينا الاوراق اللي قدمتها لهم |
سويت ورقة بالكمبيوتر مكتوب فيها انا فلان جواز رقم اتكفل بفلان و فلانه في المكتبة سويتها و المكتب الموحد عطوني نموذج عبيته يدويا + صورة من خطاب تعريف راتبي+ امي و اخوي قدمو كشف حساب فيه فلوس بدون وظيفة في حال اقدم جديد اقدم على فرنسا و لا اليونان احسن؟ |
اوراقي كاملة و نفس اوراقهم قد يكون المكتب الموحد ضيعولس ورقة و لا شي الله اعلم حتى مترجم الهويات و خطة سفرو تأمين و حجوزات كلها مدفوعة و خروج و عودة مو ناقص شي |
طالما اوراقك كاملة تقدم على فرنسا تقوم بتعبئة النموذج بدقة مع ارفاق خطة سفر + حجوزات مؤكدة وترفق خطاب من كفيلك الوالدة يتعهد بعودتك معاه صوره من جوازها+صورة من فيزتها شنغن+كشف حسابها الخطاب مثل هذا https://www.arabtrvl.com/vb/t381.html |
الله يعطيك العافية ما ننحرم من نصايحك باذن الله اسوي طلب جديد والله يسهل |
الله يرحمه ويغفر له ترفق خطاب من كفيلك الوالدة يتعهد بعودتك مثل ما قال اخوي اخر فرصة |
معليش سوالين لاني بديت اوسوس الاول الخطاب ضمان العودة من امي انا حقدم خطاب راتب و كشف حساب و في فقرة انها تتكفل بمصاريفي (2) I shall shoulder the cost of the applicant’s living expenses and return travel expenses and any other expenses applicant may needs during the intended stay. هل اخليها و لا امسحها السوال الثاني خطة السفر ماني عارف اعبيها يعني انا رايح 3 مدن حتكون 4 سطور في سطر حيكون فاضي مافيه فندق مثلا جدة - مرسيليا هيلتون مرسيليا - نيس موفنبيك نيس- ميلان سوفيتييل ميلان جدة هنا اش اكتب؟؟؟ و شكرا الله يسهل الخميس حرجع اقدم و اوافيكم بالنتيجة :21: |
توني شفت سؤالك :15: بشر ايش صار معك ؟ |
راجعت اوارقي ورقة ورقة لقيت حجوزات الفنادق كلها باسمي ما عدا حجز واحد باسم اخوي و اللقب غلط مدري اذا كان هو السبب المهم اخذت خطاب كفالة من امي و طلعت المكتب الموحد الموظفة افتكرتني قلتلها امي و اخوي انقبلو و انا انرفضت قالتلي كلم السفارة و فهمهم انو اهلك اخذو الفيزا و انت لا ما ادري هل الكلام ده صحيح و لا لا؟ |
لا تكلم ولا شي الافضل انك تقدم من جديد وادعم ملفك بـ صورة الشنجن حق امك واخوك وفالك التوفيق |
لا تكلم ولا شي الافضل انك تقدم من جديد وادعم ملفك بـ صورة الشنجن حق امك واخوك وفالك التوفيق |
خليها على الله قدمت و اذا مكتوبة ليا بتجي |
يا جماعه انا قدمت يوم 17 فبراير و في اخ سوداني في المنتدى قدم نفس اليوم و جته رفض قبل يومين و انا إلى الان جوازي في السفارة المشكلة الحجوزات يوم الاثنين اخاف يجي الموعد و يعطوني رفض بسبب ان المواعيد عدى وقتها الشنغن ذا طير النوم من عيوني �� |
برأيي ان تتواصل مع السفارة اليوم. سواءا اتصالا او بالرسائل وتشرح لهم وضعك وكل ما ذكرته فوق فالحجوزات بداية الاسبوع القادم ولابد من الحصول على التأشيرة قبل ذلك. |
شكر خاص لابو غسان بحمدالله حصلت على تأشيرة متعددة لمدة 3 شهور بصراحه وقت الرفض كنت تايه بين الاستئناف و كنسلت الموضوع لكن توجيهات ابو غسان كانت حكيمة يا شباب نصيحة اخوية كان عندي مشكلة في اسم النزيل في الفندق لخبطت الدنيا مهما راجعت ورقك رجعو كمان ما تدري الغلطة من وين تجي الحمدلله على كل حال و بالتوفيق للجميع |
اقتباس:
1000 مبروك يا غالي تستاهل كل خير اكتب تجربتك عشان تفيد غيرك بعض الاخطاء البسيطة قد تسبب لك رفض لكن الحمد لله امورك تيسرت :e032: |
اقتباس:
ممكن توضح المشكلة وين بالضبط هل هي الاسم كامل غلط ولا السبيلينق يختلف عن الجواز . |
ابشرو من عيوني تستاهلون كل خير انا عندي 3 حجوزات فنادق في 3 مدن حطيتها باسمي كوني انا الكفيل و اللي حيدفع التكاليف الحجز الثالث بالغلط طلع نفس الاسم اللي في بطاقة الائتمان حق اخوي اسم ثنائي المشكلة الاسم الأول مختلف طبعا اسم العائلة عندنا في الإقامة مش مطابق الجواز و الائتمان حسب الاقامة فسار الحجز الثالث مش مطابق اسمي الأول و لا الثاني و الللي زاد الطين بله ان هذا الحجز في إيطاليا كلمت اجودا و طلبت منهم تعديل الاسم ما قصرو خلال خمس دقايق سووه و طبعتها مع نفس الورق القديم و بس طبعا نصيحتي اهتمو في الأسماء اللي تتسجل في حجز الفندق و اسم النزلاء الاضافيين عشان غلطة بسيطة ممكن تسببلك رفض طبعا بالنسبة لاسم العائلة طلعنا الجوازات عدلناه قبل نقدم عشان الاوربيين ما يلعبو في السبلينغ لكن بطاقة الائتمان بقي عالاسم القديم |
الف مبروك اخوي تستاهل |
| الساعة الآن 10:48 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO