فيزا شنغن اليونان خطوة بخطوة 2019
 

حاب أشارككم طريقة حصولي على (فيزا شنغن) من السفارة اليونانية
طبعا بعدما قررت السفر لليونان لقضاء شهر العسل , وبعد البحث هنا بالمنتدى والمواقع , حبيت أحط تجربتي عشان مثل ما أستفدت أفيد غيري

المواضيع اللي أطلعت عليها وأستفدت منها
https://www.arabtrvl.com/vb/t35575.html
https://www.arabtrvl.com/vb/t7554.html
https://www.arabtrvl.com/vb/t663.html




أولا: قبل كل شي حددت تاريخ ووقت الرحلة والمدة اللي أجلس فيها , والأماكن اللي أزورها..الخ , وجلست أنسق الحجوزات بين الفنادق والتنقلات.

ثانيا: أتصلت عالسفارة أستفسر عن التقديم طلع التقديم بدون موعد ولا أيميل ولا حجز فقط الحضور من 9-11 وبدون موعد.

ثالثا: أكملت أوراقي وتوكلت على الله وتوجهت للسفارة صباح يوم الأربعاء 13-3-2019 بجدة والساعة 9.05 وأنا عندهم , دقيت الجرس ودخلت وأعطاني الموظف رقم (4)
بعدها بربع ساعة جاء رقمي وشيك على أوراقي والحمدلله كلها كاملة (مع انو كل اللي قبلي أوراقهم ناقصه فطلعو يصورا الأوراق) المهم قالي أنتظر شوي
بعدها ب 10 دقايق تقريبا قالي أتفضل أنزل تحت عشان تتصور
نزلت وأتصورنا أنا والمدام ودفعت 270 ريال للشخص , وقالي بعد 3-4 أيام أتصل علينا قبل لاتجي عشان تأخذ جوازك ان شاء الله
وطلعت من عندهم وكانت الساعه 9.55






رابعا: نجي لمتطلبات التقديم (بجدة) 2019
1- نموذج التقديم (الأفضل تعبيه وتطبعه قبل لاتروح (اختصارا للوقت) , واذا حابب تأخذ النموذج من عندهم وتعبيه فهذا راجع لك) باللغة الإنجلزية فقط.
2- كشف حساب 6 اشهر من البنك باللغة الإنجليزية + صورة منه
3- تعريف بالراتب + ترجمة باللغة الإنجليزية + صورة من التعريف عربي وانجليزي
4- أصل الجواز + صورة اول ثلاث صفحات من الجواز (نسختين). أنا أعطيتهم نسخه فطلب مني نسخة ثانيه قلت ماعندي قال خلاص.
5- صورة شخصية - للوجه كامل بدون غطاء مع خلفية بيضاء أتوقع مقاسها 4.5 * 3.5.
6- حجز الطيران والفنادق ولازم تكون مؤكده (حسب ماقالي الموظف بالسفارة لمن اتصلت عليه اذا مو مؤكد احتمال يتم الرفض)
7- تامين السفر
8- صورة الهوية الوطنية + كرت العائلة
9- صورة بطاقات فيزا. ( أنا أخذته احتياطا)
10- خذ معك فلوس كاش لانو مايقبلوا إلا كاش (270 ريال للشخص).

اذا عندك مرافق كزوجه أو ابن ....الخ /// تحتاج تعبئة النموذج له + صورة من الطلبات اللي فوق


الروابط والمواقع اللى تهمك
1- أهم شي الروابط اللي فوق - صرحة أشكرهم جميعا , فالله يعطيهم العافية.
2- موقع السفارة بجدة قوقل ماب هناااا
2- رابط نموذج التاشيرة Application Form
وتقدر تحمل من هنا مباشرة ملف ورد Word
أو حمله من هنا جاهز بس عدل عليه وأطبعه (طبعا من اجتهادي)
وهنا شرح تعبئة نموذج فيزا شنغن
3- تأمين السفر كان من موقع أسيج وكلفني انا وزوجتي 110 ريال لمدة 11 يوم - الرابط
4- خطوط الطيران كان من موقع إيجين (رحلاتهم مباشرة من جدة) - الرابط
5- التنقل بين الجزر من موقع https://www.seajets.gr
6- السكن من موقع بوكينج

ما شاء الله تبارك الله
شغل منظم ومرتب. ويعتبر نموذج للخطوات
الذي من المفترض ان يعمله اي مسافر.

شكرا جزيلا على مشاركة تجربتك.

••• [emoji336] •••

يعطيك العافية ويسهل لك امورك وسفرتك ...... شغل مرتب وتجربة ممتازة

بشر كم عطوك المدة

يعطيك العافيه ما قصرت جزاك الله خير

اعطوني سنه

الله يعطيك العافيه اجبت عن كثير من تساؤلاتي انا راح اقدم خلال الشهر الجاي باذن الله وشغال على الحجوزات عندي استفسار واحد اذا تسمح ما ادري يسمح لي اكتبه هنا او لا بخصوص التنقل بين الجزر انا ابي من سانتوريني الى ميكانوس مالقيت طيران مباشر وحاب احجز العباره بس ما ادري اي نوع افضل خصوصا انه الكل رشح لي نفس الموقع الي انت حاطه ولانه معي طفله 3 سنوات ابي وحده ممتازه عشان دوار البحر ومايهم السعر

من سانتوريني الى ميكانوس عندك خيارين
اما طيران او العبارة
الأفضل خذلك عبارة لأنو المسافة قريبة ساعتين
والعبارة مافي الا نفس الموقع بس ولاتنسى (بعدما تحجز وقبل الرحلة بيومين) سوي جيك ان عشان ماتدفع غرامه وتقدر تسوي جيك ان من أقرب مكتب سياحي في سانتوريني , وتدفع يورو على كل تذكرة
انا سويته قبل الرحلة بيومين وريحت رأسي , وتقدر تسوي تشك ان من الميناء بس تلقاه زحمة وعشان ماتدفع غرامه سويه من سانتوريني وريح راسك


اما بخصوص دوار البحر - بعدما تصعد العبارة تقدر تجلس في اي مقعد لأنهم مو ملتزمين بارقامها عندك حلين
الأول: عند تأكيد الحجز أختار المقعد اللي في وسط العبارة أو خلي المكتب تختارلك في الوسط

الثاني: لمن تصعد العبارة اتجه وسط العبارة وأجلس فيها وخلاص (أهم شي لاتجلس عند النافذه)


وحياك الله

شاكر لك سرعة الرد
تو شيكت الحين ولقيت ثلاث رحلات مختلفه باسماء غير اتوقع حسب السرعه هو
لكن الطيران بحثت مافيه مباشر من ميكانوس الى سانتوريني بحثت بكل محركات البحث مافيه لذلك قررت العباره وتجربه حلوه نجربها وبالنسبه للشك ان كاتبين انه يكون في الميناء
واخر شيء سامحني عالاطاله لقيت نوعين مقاعد فيها clube والثاني مدري شسمه وش الفرق بينهم لو سمحت

شك ان مو شرط من الميناء , اهم شي قبل الرحلة بنصف ساعة اتوقع
انا سويته بمكتب سياحي موجود بفيرا بالقرب من محطة الباصات ب دقيقه

أخذو على كل تذكرة يورو وسويته قبل الرحلة بيومين
لو تبغى موقع المكتب ممكن أرسله لك


اما المقاعد نوعين - سياحي ودرجة اولى
أنا أشوف مافي فرق كبير بينهم
بس الدرجة الأولى كان في الدور العلوي , والفرق بينهم كبير في السعر

فأخترت السياحي ووفرت على نفسي


وكمان انتبه للتنقلات , ودور الأفضل والأرخص لك لاتعتمد على الأسهل والأسرع

بعطيك مثال وانت قارن:
نزلت من مطار سانتوريني وكنت متجه لفيرا
التاكسي هناك بكثرة وتقلى اسعارهم مابين 40-60 يورو (والمسافة أبو 10 دقايق بس)
لكن
الباص هناك موجود كل ربع ساعة , ركبت الباص 1.8 يورو للشخص (والمسافة أبو 10 دقايق بس)
شوف الفرق كيف؟؟؟؟


حتى من السكن للمطار رجهت بالباص , والفندق قال يوصلني المطار ب 65يورو
ركبت نفس الباص ب 2.5 للشخص


وتقريبا كلهم نفس المدة والمسافة - يمكن الباص يتاخر كم دقيقه لكن في النهاية توصل وانت مرتاح

شوف الفرق كيف؟؟؟؟

ولاتنسى تنزل تطبيق الخطوط والعبارة على جوالك

راح يساعدك كثير
وكمان نزل خريطة الاماكن اللى تروحله أوف لاين في قوقل ماب قبل الرحلة

الله يعطيك العافيه فعلا فرق في الاسعار وشاكر لك عالنصيحه
وانا راح ابحث زين واكيد راح احمل كل التطبيقات للشركات

العفو وحياك الله في اي وقت

السلام عليكم
يعطيك الف عافيه اخوي على هالمجهود

عندي استفسار بسيط ادري ان الموضوع قديم لكن يعني لي الكثير ردك

هل تعريف الراتب المرفق ف ملفك كان مصدق من الغرفه التجاريه ام اكتفيت ب تقديمه على مطبوعات الشركه ومختم وموقع من المدير المسؤول ؟؟

ولك جزيل الشكر

السلام عليكم اخوي اخر فرصه
طبعا لك منا خالص الدعاء والتقدير على المجهود المبذول ل خدمة الناس وتسهيل امورهم

عندي استفسار بسيط واتمنى ردك عليه

هل يجب علي ل اصدار الفيزا تعريف راتب مصدق من الغرفه التجاريه ( قطاع خاص )
ام تكتفي السفاره ب التعريف على مطبوعات الشركه مختم وموقع من المدير العام للشركه
علما حسب تعليق موظف VFS ان ملفي قوي جدا لكن هالورقه ممكن تتسبب بالرفض

الله يسعدك ذكرتني بأيام جميله قضيتها هناك
وزادت الفرحة فرحتين فرحة قدوم العيد وفرحة الذكريات الجميلة هناك
كل عام وانتم بخير وعيد أضحى مبارك

بالنسبة لسؤالك/عندنا ورقة التعريف يتم اون لاين.. طبعت ورقة التعريف ملونة طبعتها باللغتين العربية والإنجليزية وارفقتها بالملف.. هناك يتاكدون من التوقيع والختم،، انا اهم شي قدم الأصل وخذ منها صورة وقدم وتوكل على الله.. وبالتوفيق

الذكريات الجميلة لا تتنسى
ماسويت الا الواجب

اشكر لك ردك وجوابك الكافي

واشكر ل هالمنتدى تسهيل امور كثيره كنا نظنها صعبه
الله يجزاكم عنا وعن كل من استفاد خير الجزاء