![]() |
تجربتي في التقديم على التاشيرة الفرنسيه بالمركز الموحد بالخبر السلام عليكم ورحمة الله وبركاته تم إستلام الفيزا الفرنسية اليوم تاريخ التقديم يوم الاربعاء 20/3/2019 تاريخ الإستلام يوم الأثنين 25/3/2019 أستغرق إستخراج الفيزا خمس أيام فقط . تم حجز الموعد قبل التقديم بيوم .. وكانت كل الاوقات متاحة لاختيار وقت التقديم . الطلبات: - الابلكشين - حجوزات الفنادق والطيران ( الفنادق كانت من بوكينق وتم حجزها مع خاصه الإلغاء المجاني والدفع عند الوصول تم حجزها قبل الموعد بساعتين والطيران أخذته وهمي من أحد المكاتب اللي أمام المركز الموحد قبل تقديم الطلب بساعتين وكان ب 30 ريال. - حجز سيارة أتصلت على شركة آيفس وحجزت سياره بمده الرحلة وتم إرسال لي إيميل بتأكيد الحجز . - تعريف بالراتب - كشف حساب لمده أربع شهور - التأمين من بوبا مادفعت عليه شي لان تأميني من بوبا اتصلت عليهم وطلبت منهم يرسلون لي تأمين إصدار تأشيرة أرسلوه لي في اليوم الثاني مختوم من عندهم . - صورة شخصية وحده . - صورة بطاقه الاحوال .. ماأخذوها - صوره للفيزا السابقة -صورة للجواز ( ومااخذوا صوره التوقيع ) تم إعطائي سنه واحده تبدأ من يوم إصدار الفيزا وليس من يوم السفر شكراً لي آخــــر فـــرصـــة على موضوعه وشرحة لإستخراج الفيزا الفرنسية ، وبقية الاخوان . يعطيكم العافيه . |
اقتباس:
تم الإرسال من SM-N950F باستخدام Tapatalk |
اقتباس:
الف الف مبروك اخوي ابراهيم على صدور التأشيرة. يبدو أن فرع الخبر ليس مزدحم حاليا ولذلك المواعيد متاحة بكل الايام. ملاحظة بسيطة: لقد غامرت بحجز الطيران الوهمي فلو اكتشفوا ذلك لرفض طلب التأشيرة فورا. ولكن الحمد لله مرت بسلام. شكرا على نقل تجربتك اخي الكريم |
اقتباس:
الله يبارك فيك ،، وإن شاء الله تتيسر أمورك بالفيزا الألمانيه والله يسلمك .. |
اقتباس:
صحيح لاحظت هالشي بس في السفاره الفرنسيه عكس السفاره الهولندية كانت كل المواعيد مخلصة تقريبا للشهر هذا . وبالنسبه لملاحظتك صحيح كلامك هي مغامره وحبينا نخليها من قبل السفره المغامرة هالمرة والحمدلله عدت الأمور بسلام شاكر لك مرورك وتعقيبك . |
الف مبروك اخوي قلت لك امس اليوم رح تستلم فيزتك في ردك بموضوعي ..... الف مبروك وسفرة سعيدة يارب .................. |
اقتباس:
الله يبارك فيك .. صحيح الفرنسية بسرعه يخلصونك هالفتره وانا من شفت موضوعك توقعت ماراح تطول على طول راح تخلص . الله يسعدك يارب وسفره سعيده لك .. شاكر لك مرورك . |
1000 مبروك ابراهيم تستاهل كل خير شكرا لطرح تجربتك للفائدة رحلة سعيدة |
اقتباس:
الله يبارك فيك ،، والشكر موصول لك لشرحك لنا وتسهيل أمورنا في إستخراج الفيزا بدل مشوره المكاتب رايح جاي .. الله يسعدك ماقصرت .. |
الف مبروووك بس احس تعامل الخبر والرياض متساهلين في جدة اصعب شوية !! |
الساعة الآن 09:33 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO