تأخر استلام الجواز الى 42 يوم !!!!
 

السلام عليكم
لو تكرمتو انا مقيم بالسعوديه وتقديمي كان للسفارة الإيطالية في الرياض
والى الان مافي اَي رد منهم وتواصلت معهم قبل اسبوعين على الايميل ردو بإنها تحت المراجعة وتأخرنا لانه موعد سفرتك بعيد في يونيو وأنها ممكن تاخذ 20 يوم

مشكلتي إجازتي بتكون في بداية يونيو
واذا لأقدر الله صار رفض ابغى اقدم لمكان ثاني واحتاج فيزا وراح تاخذ وقت

تنصحوني أتواصل مع السفارة وأوضح انه الوقت يهمني عشان لو ماصارت موافقه اقدم لدولة ثانيه ؟؟؟

من وجة نظري وحسب خبرتي البسيطة
الافتراض الاول : - لو اتواصلت مع السفارة وقلت الهم ان الوقت يهمك عشان لو ما صارت موافقة اقدم على دولة ثانية في هاذي الحالة ممكن يرفوضك بنسبة عالية .
الافتراض الثاني :- لو ردوا عليك بدري وكان الرد بالرفض لاسمح الله من الافضل انك لا تقدم (مياشرة) على دولة ثانية الا بعد مدة او بعد سفرية لاي دولة من الدول وبعيدين ترجع اتقدم مرة ثانية .
وانشالله ما يصير الافتراض الاول ولا الثاني وتحصل على التاشيرة

اخ احمد هل معنى كلامك انه بعد تواصلك مع السفارة والاستفسار جاك رفض الفيزا ؟؟؟؟

اخي العزيز احمد
حسب ما فهمت انت مقدم في نص ابريل يعني لسا ما كملت شهر و هذا الوقت لسا طبيعي خاصة انها اول فيزا و كثير مرو فيها. السنة اللي فاتت كمان كان فيها تأخير لشهر عند بعض الاخوة خاصة في وقت الزحمة مثل الوقت اللي قدمت فيه.
وان شاء الله تأخذها و تفرحنا معاك
انسى موضوعها اذا اوراقك مكتملة ان شاء الله بتطلع لم يمر علي أي شخص ( سعودي) أوراقه سليمه تم رفضه.
بخصوص الإجراءات صدقني مالها و تكون اسهل اول كنا نوقف عند السفارات في عز الشمس الان افضل خاصة في التنظيم بس عشانك حريص شوي تشوفها كذا .
ان شاء الله بتقدم مره ثانية و ثالثه عشان اوروبا عشق وسحر اذا رحتها اول مره رح كل سنه تكون فيها اذا اجى الصيف تحس شي يناديك لها


أتمنى لك سفره سعيده

متى المفترض يقدم الواحد على التاشيره اذا كانو يتاخرون كذا :21:

حسب النظام تقدري تقدمي قبل 90 يوم من موعد الرحلة.
اغلب الناس يقدموا قبل شهر او أسبوعين عشان كذا يكونوا تحت الضغط. خلصي امورك بدري و ارتاحي

الشكر للقائمين على المنتدى و جميع اعضاءه
ما فمهت قصدك غيرت الحجوزات و الا لسا بتغير.
اذا لم تغير فنصيحتي لك لا تغير الا بعد استلامها.
و اذا استعجلت و غيرت هل هو الفندق الأساسي و الأكثر إقامة او لا اذا هو الأساسي اكتب لهم انك استبدلت الفندق هذا بهذا و الا خل الموضوع انسه كم يوم و صدقني الأسبوع الجاي بتكتب لنا ان شاء الله انك اخذتها.
و للمعلومية ابدا ليس شرط انهم يشيكون الا في حالات نادرة جدا في حالة الشك مثلاً انا اقدم حجز بخاصية الغاء مجاني هم يعرفون اني اقدر الغي الحجز بعد ما اخذ الفيزا و كذلك مو كل الفنادق نكتبها خاصة في السفرات الطويلة. السفارة يجيها الاف الطلبات في السنة مستحيل تشيك عليهم مثلا المانيا في عام 2018 استقبلت اكثر من 47000 طلب بس في الرياض غير جده ( المصدر Schengen Visa Statistics
اهم شيء في الفيزا في نظرهم التشييك على بيانات المتقدم في المركز الأمني في دول شنغن و الجنسية و الملائة المالية او الوظيفة . الباقي مهم و مطلوب مثل التامين و حجوزات السكن و الطيران و لكن غالبا الرفض يأتي من الثلاثة الأولى بمسميات مختلفة لان الناس تقدر تتحكم في المتطلبات من تعبئة نموذج الى تامين طبي للسفر الى حجوزات .... الخ بس ما تقدر تغير في المتطلبات الثلاث الأولى .
الحجوزات مهمة لما تكون عند موظف الجوازات يمكن يسالك عنهم و خاصة الالمان يدققون حسب ما قرأت او سمعت مع العلم انها لم تحصل معاي او امامي.
مو معنى كذا انك تسوي حجوزات وهمية ابدا خلك نظامي.


اقولها لك للمرة الثانية اذا اوراقك كاملة و سليمة ارتاح الا اذا كنت من اخواني العزيزين علي المقيمين فهم يدققون اكثر خوفا من الهجرة و تكون نسبة الرفض اعلا.


ما كتبته يمثل راي الشخصي قد يختلف معي البعض و فيه من هو افضل مني و اكثر خبرة في المنتدى و تأكد كل شي صار معاك في هذه المرة ان شاء الله رح يزيدك خبرة و تصير اسهل عليك المرات القادمة

اقلقنيً كلامك بخصوص المقيمين :(
انا مقيمه وللاسف التأخير غريب جداً قبل ثلاث سنوات قدمت على شنغن إيطاليا وخلال 15 يوم استلمتها
والحمدلله سافرت والأمور تمام
بس هالمره طولت كثيررررر

اذا كان لديك فيزا سابقة من ايطاليا فلا داعي للقلق ابدا

الله يطمن قلبك ويجزاكم خير جميعاً
ان شاء الله أبشركم بالموافقة هالاسبوع يارب

هل من جديد من قبل السفارة

للاسف حتى تاريخ اليوم لا يوجد أي رد من السفارة :15:

يوم 6/12 اقل من شهر ..
والتقديم كان في نهاية مارس

راح انتظر الى اخر يوم من إمكانية تعديل حجز الطيران
بعدها راح ألغي الحجز واطلب الجواز :15:
الله يسامحهم على التأخير قتلو الحماس كله
اذا الرد رفض ارفضو ورجعو الجوازات ،، ليش كل هالتأخير ؟!!!! :16:

انا اخدت رفض من الإيطالية بعدها رحت روسيا ورجعت تنصحني اقدم عليها مرة ثانية ولا اشوف غير الإيطالية

ماشاء الله تبارك الله والف مبروك

ممكن تقولنا الجنسية والمدة اللي اعطوك اياها وشكرا

مبروك
مثل ما اتوقعت لك انك راح تحصل على التاشيرة طالما انه عندك ناشيرة سابقة

مبرووووك. انا بقدم على فيزا لفرنسا. ما هو المقصود بPurpose of travel/stay

Reservation confirmation of an organised trip or any other document describing the planned programme

تاكيد الحجز للرحلات المنظمة أو أي وثيقة أخرى تشير إلى البرنامج المقترح