![]() |
تجربتي في استخراج الشنغن اليونانيه من المركز الموحد بالخبر تاريخ 5 اغسطس السلام عليكم ورحمة الله وبركاته اشكر جميع الاعضاء في المنتدى الي استفدت منهم بكل شيء ورتبت جميع اوراقي ومتطلباتي بدون الرجوع لاي مكتب استغلالي استفدت كثير من موضوع الاخ في تجربته للسفاره اليونانيه https://www.arabtrvl.com/vb/t40134.html موعدي كان اليوم 5 اغسطس الساعه 10:45ص وصلت الساعه 10:35ص مع زوجتي وبنتي 3 سنوات دخلنا المقر توجهنا للدور الثاني الاستقبال اخذو المواعيد واعطوني رقم توجهت للصاله اليونانيه والنمسا وبلجيكا كانو بصاله وحده والوضع هدوء كان الرقم 5 ورقمي 7 طبعا شيء يثلج الصدر وجود الشباب والشابات السعوديين صصراحه شيء ممتاز وخدومين ومافيه تعقيد اليونانيه كان فيه بنت وعندها رقم 6 انا رقمي كان عند موظف حبوب هندي الطلبات الي طلبها بالترتيب لي انا رب الاسره : 1- طلب المواعيد اخذها واشر عليها 2- الابلكيشن كان معبأ وجاهز وفيه كل الملعومات 3- صورة من الجواز كنت مجهز اول 3 صفحات طلب الصفحه الاولى فقط ونسخه وحده وسال اذا فيه فيزه سابقه قلت لا مافيه 4- تأمين السفر وهو الي نكبني غلطت انا مدري كيف ما انتبهت سفري كان تاريخ 11 حطيت بدايته تاريخ 12 قال لازم تعديل حطيناه بالاخير طبعا سالفته سالفه التامين بذكره بالاسفل 5- حجز الطيران الدولي باللغه الانجليزيه 6- حجوزات الفنادق باللغه الانجليزيه 7- تعريف بالراتب لغه انجليزيه (اخذ الاصل فقط للكل وماطلب نسخه لزوجتي وبنتي ) 8- صورة لبطاقة الفيزا قلت كشف حساب قال مايحتاج اذا فيه فيزا تكفي 9- صورة بطاقة الاحوال وكرت العائله وطلبها مترجمه انا سبق وتواصلت معاهم قالو مايحتاج قال لا لازم ترجمه عشان مكان الميلاد ومدري ايش قلت الغلط منكم كيف تجي تطلب شيء مو موجود قال ماراح اقبل طلبك الا تترجمها رحت لمكتب برا وترجمتها 10- طلع شك لست وعباها هو وخلصها وخلاني اوقع على الجواز واخذ الاصل 11- قلت ماتبي التنقلات داخل الدوله حسيته شوي ضيع قال اوو نسيت صح مهمه طيب ليش ماتطلبها اعطيتها اياها كلها فيه رحلتين طيران ورحله باخره زوجتي وبنتي نفس الطلبات فوق بالضبط ماعدا الي سجلت انه طلبها لي فقط وبنتي وقعت تعهد مع زوجتي بالتكفل الان سالفة تامين السفر تواصلت مع الشركه اسيج قالو مافيه تعديل لازم تلغي وتسويه من جديد طبعا شغله نزلت تحت مكتب امن لي واخذ 100 ريال على قيمة التامين مررره استغلال للناس والله وانا مستعجل وعلى وشك اذان ابغى اخلص طبعا الي ترجمت لي البطاقه وكررت العائله اخذت 120 ريال على كل ورقة 60 ريال نصب عيني عينك تبي ولا مع السلامه طبعا مجبر انا وقبلت والله وانا الغلطان يعني خطا بسيط مني لكن الحمد لله على كل حال اخذو مني 1174ريال مرره انصدمت من المبلغ قلت ليه الي اعرفه 270 ريال قال اي وجلس يفصل لي ما اقتنعت لكن امري لله طبعا كنت جايب مبلغ معي لكن نقص عشان الترجمه والتامين كله كاش مافيه صراف الا ساب الجهه الثانيه وحررر لكن وش نسوي لازم نخلص ا 270 قيمة التاشيره اسمها رسوم خدمه 120 خدمات مدفوعه عبر الانترنت الي هي الموعد 5 ريال رسائل نصيه 76 التصوير والبصمه كذا تقسيمها طبعا لي وزوجتي بنتي نفس الي فوق بدون رسوم خدمه اسف على الاطاله بس حاب الناس تستفيد خصوصا الي بيروح طبعا انا احس بعض الطلبات على مزاج الموظف لانه البنت الي جنبي اسمع لها طلبات غير عن الي كنت معاه والمفروض يوحدون الشيء هذا عشان الكل يعرف وش يجيب معاه انا بس كان الترجمه وتامين السفر والحمد لله خلصناها بعدين نادو علينا بصمنا وتصوير انا وزوجتي بنتي قالو مايحتاج وقال ياخذ اسبوعين الجواز ويمكن اكثر عشان العيد هذي تجربتي واي سؤال انا حاظر سؤالي انا ماوصلني اي رساله نصيه رغم اني اقرا انه فيه ناس تجيهم حال الاستلام هل مهمه الرسائل او لا او كيف اقدر اتتبع طلبي واشوف وين وصل الحمد لله استلمت الجواز اليوم اعطوني سنتين وزوجتي وبنتي سنه وحده |
يعطيك العافية على المعلومات بابفعل انا خلصت اليوم من السفارة الفرنسية و جاني رسالة وانا في المركز انهم استلمو الجوازات وجاني رسالة بعد ماطلعت بكم ساعة ان الجوازات طلعت من المركز للسفارة الفرنسية |
اقتباس:
غريبه انا ماجاني اي رساله منهم رغم اني معطيهم جوالي صح طيب هل فيه طريقه اتتبع الطلب منه او اعرف الاجراء المتبع |
اقتباس:
اهمال معتاد من المكتب الموحد ولا يستاهلون أحد يشتري منهم خدمة الرسائل بس يوصلك ايميل من السفارة اختلاف الطلبات يرجع لقلة الخبرة لدى الموظفين المفروض الكل يمشي على التشيك ليست توقعها انت + الموظف وكل واحد يكون معاه نسخة لاثبات ما قدمت من أوراق فيه تحسن ملحوظ بالخدمات بعد تعيين سعوديات ونتمنى تعيينهم في منطقة فرز الجوازات والتسليم لتحسين الخدمة في هذا الجانب موفق يا غالي وان شاء الله نبارك لكم بالفيزا |
اقتباس:
وصلتني الرسائل بالامس شاكر لك مرورك وفعلا المفروض يكون فيه نظام معين من الالف الى الياء يمشون عليه وليس كل موظف حسب مزاجه |
الحمد لله استلمت الجواز اليوم اعطوني سنتين وزوجتي وبنتي سنه وحده |
سنتين جميله كاول شنغن لك |
الساعة الآن 08:36 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO