|
تجربتي في الفيزا الهولندية و المدة خمس سنوات 💐 السلام عليكم ورحمة الله وبركاته قبل كل شيء من لا يشكر الناس لا يشكر الله .. ألف شكر للمشرف آخر فرصة استفدت من موضوعه كثييييير اللي يتكلم عن استخراج الفيزا الهولندية خطوة بخطوة .. بالبداية جهزت أوراقي وهي كالتالي : 1- عبيت نموذج الكتروني وطبعته 2- حجز طيران مؤكد عن طريق كي ال ام (الخطوط الهولندية) 3- حجز فنادق مؤكد من بوكينق و اير بي ان بي 4- تعريف راتب انجليزي 5- كشف حساب 3 شهور والمبلغ الموجود فوق 50 ألف 6- نسخة من الجواز والفيزا السابقة ( فيزا شنقن مدتها سنه ) وأختام الدخول لمنطقة الشنقن 7- صورتين شخصية 8- تأمين طبي 9- الهوية الوطنية مترجمة 10- قائمة الطلبات معبأة وموقعة قدمت بتاريخ 20 اوقست وبصمت وخذت 5 أيام عمل بالضبط وصلت اليوم والحمدلله خمس سنوات هذه تجربتي والشكر لله أولاً ثم للمشرف آخر فرصة ثانياً ومع السلامة 💐🖐🏻 |
1000 مبروك على التأشيرة ورحلة سعيدة إن شاء الله |
تسلم حبيبنا ابو اسيل الله يعطيك العافية |
عليكم السلام ما شاء الله تبارك الله الف مبرووووووووووووووووك |
ما شاء الله 5 سنوات قليل من يحصل عليها الايام هذي يبدو لي تجهيزك للاوراق كان مثالي نشكرك على طرح تجربتك للفائدة وبالتأكيد راح يستفيد منها كثير الله يسعدك تستاهل |
اقتباس:
|
اقتباس:
يا هلا وملايين غلا .. والله انك صاحب معروف يالغالي .. الترتيب كان على حسب اللي ذكرته بموضوعك انت حرفياً .. حتى أنا متفاجئ من الخمس سنوات مع إن مدة سفرتي كلها 7 أيام 😂 |
اقتباس:
تستاهل :e032: اذا تبغانا نراجعهم يمكن فيه خطأ كذا ولا كذا :18::18: مهم جدا تنتبه أن دخولك يكون من هولندا المرة هذي وبعد كذا ان شاء الله 5 سنوات كل مرة لأنهم عند التقديم مرة ثانية يراجعوا هذي المعلومات الاساسية ولا تنسانا من تقرير و صور من الرحلة رحلة سعيدة |
اقتباس:
|
اقتباس:
|
مبروووووك و الحمدلله على حصولها السفارة الهولندية معروفه عندنا في الكويت اهي اللي تعطي 5 سنوات وبصراحة ميزه حلوه تحسب لهم |
بالبركة يارب ورحلة سعيدة |
ما شاء الله تبارك الرحمن ... الله العالم ممكن يسمح اجل ما جواز السفر السعودي بالسفر بشنغن بدون تأشيرة قبل لا تنتهي تأشيرتك الهولندية ... بسم الله ما شاء الله و بالتوفيق |
للأسف تجربتي مع السفاره الهولندية في شهر مارس كانت سيئة لأ بعد حد اولاً اخذ الإجراء اكثر من اسبوعين يعني قدمت أوراقي يوم الاثنين ومن الاسبوع الثاني يوم الثلاثاء استلمت الجوازات وكانت فقط 45 يوم و كل المتطلبات اللي تدعم الجوازات كانت متوفرة معي من تأشيرات سابقه ورصيد ممتاز بالبنك وراتب عالي وجواز ساري المفعول عشر سنوات بس قدر الله والأن قدمت من جديد للسفارة الفرنسية لرحلة ان شاءالله في شهر سبتمبر وانتظر بكل شغف كم حتعطيني الفرنسية |
ما شاء الله الف مبروووووك |
ماشاء الله تبارك الله وبالتوفيق مقدم الطلب من الرياض؟ |
شكرا على عرض التجربه رحلة سعيدة |
ماشاء الله تبارك الله تستاهل اخوي .. 5 سنوات حلم الواحد يتمناه وللاسف الشغله مزاجية شكلها من اي مكتب قدمت ؟ جدة ولا الرياض ولا الخبر ؟ |
الله يسعدك هل يطلبون الهوية الوطنية مترجمة؟ ومن وين اخذت التأمين الطبي وكم كلفك؟ |
أولاً الف مبرووووووك وتستاهل وبلا شك ابو غسان قدم الكثير لأعضاء وزوار هذا المنتدى وعندي كم استفسار هل الفنادق قابلة للإلغاء المجاني ؟ هل حجزك على الخطوط KLM الهولندية نوع التذاكر مرن أو غير مسترد ؟ وش تقصد بترجمة الهوية الوطنية ؟ لأن اللي عندي النسخة الجديدة مكتوب بالانجليزي وكيف ترجمتها ؟ و التأمين الطبي أي شركة ؟ وأخيراً انا عندي فيزتين شنغن من الالمانية الأولى في 2014 مدة 3 أشهر وعليه ختم الدخول والثانية في 2016 مدة سنة وللأسف ما استخدمتها لظروف والغيت السفر هل اقدمهم الاثنين أو اكتفي بالاولى ؟ |
نصيحة عامة، لاتقدم على سفارة معينة من اجل المدة، فالبعض اعتقد انه سينال 5 سنوات وحصل على تأشيرة لمدة 45 يوماً. إن لم تكن هولندا وجهتك الرئيسية، فلا تقدم عليها. كما ذكرت إحدى الأخوات، حجزت على ال KLM رحلة مباشرة، وكشف حساب عالي، وحصلت على 45 يوم. |
^ ذكر لي معقب تأشيرات .. ان اول تقديم لك ع الهولندية يعطوك 45 يوم وبعدين لمن تقدم عليهم للمرة الثانية يعطوك 5 سنوات فما ادري عن صحة كلامه سؤالي لك : هل هذا اول تقديم لك لفيزا الشنغن ؟ ومتى قدمت ؟ وعبر اي مكتب موحد ؟ جدة ولا الرياض او الخبر فيزتي ع وشك الانتهاء محتار جدا ع اي سفارة اقدم |
ياصاحب الموضوع نبيك تجاوب على استفساراتنا سافرت ونسيتنا :17: |
الف مليووون مبرووووك تستاهل الخير يالمحطوظ ماشاءالله تبارك الرحمن أمستردام برائي من اجمل المدن الاوروربيه رحله سعيده لاتنسى التقرير يالحبيب |
اقتباس:
عزيزي الفاضل اخر فرصة معليش بشطح شوي .. سبق لي واستخرجت فيزة من فرنسا .. ولسبب اجلت السفرة و كان دخولي عن طريق روما .. والان حاجز تذاكر لباريس وابغى اقدم عليهم .. وش تنصحني فيه |
| الساعة الآن 01:59 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO