![]() |
تجربتي مع الفيزا الهولندية 🇳🇱 تجربتي مع الفيزا الهولندية في البداية حاب اشكر أخي ابو غسان آخر فرصه على مواضيعه المميزه اللي توضح كل الامور المتعلقة بالفيزا وكذلك اشكر الخبير Abu Muataz على ردوده اللي افادتني موعدي كان يوم الاحد 13 اكتوبر طبعاً جهزت حجوزاتي و اوراقي قبل بمدة كافية حتى أن بعضها كاد يسبب لي مشكلة سوف اذكرها لاحقاًً ملاحظة: الترتيب هنا حسب تجهيزي للحجوزات وليس الترتيب في يوم الموعد. - حجز مؤكد مدفوع على KLM تاريخ الحجز 19 سبتمبر وتاريخ السفر 9 فبراير - كشف حساب لثلاثة اشهر ودققوا عليه لأن تاريخه قبل الموعد ب 13 يوم كان بيرجعوني اجيب واحد جديد لكن مشوه بالاخير - تعريف بالراتب باللغة العربية و الانجليزية موقع ومختوم من جهة عملي. - حجوزات فنادق من بوكينق مؤكدة ومدفوعة جميعها مسبقاً بالفيزا - بطاقة اي امستردام لمدة 72 كنت قد قمت بشرائها من الموقع اون لاين وهي شاملة المواصلات داخل امستردام وتمنح دخول مجاني لأماكن كثيرة ورحلات مجانية وخصومات على الكثير من المواقع و المتاحف السياحية. https://www.iamsterdam.com/en/i-am/i...ity-card#order - ايجار سيارة من شركة سيكست مدفوع بالكامل يتضمن بعض الاضافات مثل تأمين شامل + اطارت شتوية. - صورة من رخصة القيادة مع ايجار السيارة ورجعوها - صور لأول ثلاث صفحات في الجواز - صور التأشيرات السابقة - صورة الهوية الوطنية الجديدة - صورة من كرت العائلة واستبعدوه من ملفي ولكن اخذوه في ملف الزوجة - ترجمة لكرت العائلة وقالوا ما نحتاجه رجعوه لي - صور شخصية 3،5 في 4.5 و اخذو صورة واحدة فقط - خطاب تكفل بالمصاريف للزوجة ورجعو تعريفها وكشف الحساب الخاص بها لأني انا المتكفل بالمصاريف - تأمين سفر من اكسا لي وللزوجة لمدة 15 يوم صلحته اون لاين من موقعهم ب 155 ريال في يوم الموعد اعدت ترتيب جميع المستندات حسب قائمة الطلبات قدر الامكان وطبعت الموعد وتوجهت لمركز التأشيرات في الخبر تأخرت عن الموعد حوالي عشرين دقيقة بسبب التصوير لزوجتي جينا للمركز تفتيش روتيني علماً انه ممنوع تدخل الاسلاك و الشواحن والبطاريات ، جيت الاستقبال وريته الموعد وعطاني رقم دخلت ما كان فيه زحمة في صالة العائلات عدد قليل جداً شوي ونادى علي الموظف سئلني عن الغرض من الزيارة فقلت له سياحة واخذ يقلب في الاوراق ويستبعد بعضها حتى وصل كشف الحساب قال هذا قديم ولازم تجيب واحد جديد حاولت فيه يمشيه كلم المشرف ومشاه بعدها دفعت رسوم الفيزا ورسوم ارمكس وبصمنا وبكذا انتهينا من التقديم وبإنتظار استلام الجوزات. شي لاحظته انهم رجعو عائلة سعودية مقدمين عالايطالية عشان وسيلة المواصلات الموظفة تقول لهم لازم تجيب وسيلة التنقل اما اجار سيارة او قطارات مدري هل هالشي صار اجباري من ضمن الطلبات او حسب مزاج الموظف او حسب ملف المتقدم وقتها قلت الحمدلله اني مسوي حجز سيارة و لا كان رجعوني |
... |
الله يعطيك العافيه ويسهل عليكم |
تجربة مميزة من شخص مميز وان شاء الله نبارك لكم بالفيزا ترتيب جميل وتجهيز مبكر للمستندات اذا كان فيه تنقل بين دول نعم المواصلات لابد منها اما اذا كانت المدة كلها داخل بلد واحد فما هو ضروري الله يسعدك :e032: |
اقتباس:
شكراً ابو غسان اليوم استلمت الجواز عطوني 45 يوم فقط والحمدلله على كل حال بالرغم من وجود تأشيرتين سابقة من الالمانية واحدة منها سنة والثانيه 3 اشهر المدة المتبقية في الجواز 10 سنوات الراتب فوق 15 الف وحجوزاتي جميعها مدفوعة |
رحلة سعيد تروح وترجع بالسلامة للاسف اغلب السفارات اما عطاك مدة السفر عطاك 3 شهور بالكثير والله مهزلة |
شكرا على الافاده .... والله صارو يتشرطون علينا وحجوزات ومنه منهم واخرته 45 !! والله قهر .. هم معقدين مع الالمانيه والاسبانيه مفروض مقاطعه لهم.... |
انا مثلك قدمت نفس طلباتك حجوزاتي جميعها مدفوعة حجز طيران KLM مدفوع حجوزات الفنادق من بوكينق مدفوعة كل حجوزاتي في امستردام مده 6 ايام وارجع ماني رايح لاي دوله ثاني من مركز الخبر واول مره اطلع شنغن بس عندي فيزه بريطانيا عطوني 45 يوم من تاريخ 12 نوفمبر وتنتهي 27 ديسمبر |
الساعة الآن 12:08 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO