|
تجربتي في الحصول على فيزا شنغن من السفاره الالمانيه2021 السلام عليكم .. الموضوع بإختصار شديد فيه موضوع مثبت بأسم المشرف المميز آخـــرفـــرصـــة فيزا شنغن المانيا خطوة بخطوة 2019 أدخل على الموضوع واتبع الشرح بالضبط لكن فيه تغيير بسيط بالنسبه للسفاره الالمانيه عملت تحديث للتشيك ليست واضافوا عليها حاجتين .. الأولى: ترجمه الهوية الوطنية الثانيه: تأمين كورونا البدايه حجز الموعد كان بتاريخ 9/8/2021 وأقرب موعد كان بعد اسبوع بتاريخ 15/8/2021 وكانت المواعيد كثيرة قيمة حجز الموعد بـ 162 ريال. رحت على الموعد كان الساعه 9:30 مافي زحمة على طول رحت للموظف لمن سلمت للموظف الأوراق قالي التشيك ليست اللي معك قديمة طلعنا وحده جديدة اعطاني نسخه وقالي روح أمن على كورونا بـ تكافل الراجحي (نصحني فيه) ، وروح ترجم الهوية وأرجع لي وفعلاً أمنت أونلاين بـ 70 ريال تكافل الراجحي لازم تحدد المده لان القيمة تحسب على حسب مده السفر ونزلت لاحد المكاتب وسويت ترجمه للهوية بـ 50 ريال. كان فيه تدقيق على كل الاوراق .. الحجوزات وغيرها , بعد ماخلص ودفعت قالي انتظر عشان تبصم قلت له انا مبصم آخر مرة .. شيك على الجواز وشاف الفيزا القديمة قالي خلاص مايحتاج تقدر تروح :18: للأمانه الموظف كان جداًُ متعاون .. المبلغ اللي دفعته في السفاره كان 518.13 ريال من ضمنها رسوم التوصيل لان على حسب كلام الموظف ماعاد فيه إستلام جواز من المكتب عشان كورونا ف يرسلونه لك مع ارامكس ... اليوم وصل الجواز الحمدلله والفيزا عليه. أعطووووني ثلاث سنووات .. :18: ماتوقعت انها تجي من السفاره الالمانيه حبيت اشارككم التجربه لان الكثير يمكن مايعرف انه لازم يترجم الهوية ويسوي تأمين كورونا للسفاره الالمانيه. موفقين جميعا ً |
عليكم السلام الف مبروووووووووك الفيزا وسفرة سعيدة بأذن الله |
مبروووووك الفيزا الله يعطيك العافية على ذكر تجربتك |
مبروووك ما شاء الله تستأهل و نتمنى لك أجازة سعيدة |
ماشاءالله الف مبروك الفيزا . إستفساري كم المدة من تقديمك في مركز التأشيرات الى ان اصدرت الفيزا ؟ |
على موضوع ترجمة الهوية هي مترجمة اصلا ليش يطلبون ترجمة ؟؟ |
اقتباس:
الله يبارك فيك ..بإذن الله |
اقتباس:
الله يعافيك .. |
اقتباس:
الله يبارك فيك تستاهل الطيب .. تسلم |
اقتباس:
الله يبارك فيك ،، تاريخ التقديم كان 15/8 واستلمت الفيزا من ارامكس تاريخ 25/8 يعني 10 أيام وبالنسبه لسؤالك ليه ترجمة الهوية وهي مترجمه قالوا ان مكان الميلاد مو مكتوب بالانجليزي عشان كذا نبي ترجمة :11: حياك الله |
شنغن اخخخخخخ بس سفارات الشنغن صاروا يتمادون كثيييير في طلباتهم ،، |
مبروووك ما شاء الله تستأهل و نتمنى لك أجازة سعيدة |
اقتباس:
مانقدر نقول شي.. |
اقتباس:
الله يبارك فيك تسلمين . |
جزاك الله خير .. لاحرمك الله اجر من يبحث عن هالمعلومات |
السلام عليكم كيفكم و اسعد الله مساكم ... الله يعافيكم حبيت اسأل عن هذا النموذج المدرج ادنها هل هو مطلوب النموذج عربي ام انجليزي؟ https://saudiarabien.diplo.de/blob/2...ياحية-data.pdf و شكرا لكم |
اقتباس:
و عليكم السلام و رحمة الله و بركاته .. هذا النموذج يسمى قائمة المستندات المطلوبة Check List أطبعه فقط و تأكد من وجود جميع المستندات المطلوب تقديمها و في المركز أثناء تقديم المستندات سيقوم موظف VFS بالتأكد منها ثم يطلب منك توقيعها ... |
اقتباس:
|
في استفسار بخصوص الفقرة الثانية من قائمة المستندات المطلوبة اللي هي "لإقرار القانوني المرفق بطلب التأشيرة والذي يتعين التوقيع عليه من صاحب الطلب شخصيا (بموجب المادة 54 2 و53 من قانون الإقامة الألماني". هذي من وين احصلها ؟ و اسفين على الإطالة ♥ |
اقتباس:
الأقرار يقصد به أخر فقرة في الأبليكيشن (باللغة الأنجليزية) بتلاقي أنه لابد من توقيع الفقرة على حدة خلاف التوقيع النهائي للأبلكيشن بالتوفيق |
مبروووك ما شاء الله |
مبروك مشالله عقبالي يعطوني 3سنوات دعواتك تسهل اموري 😭 |
| الساعة الآن 10:26 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO