|
تجربتي اليوم 9/9/2021 السفارة الفرنسية صباح الخير / مساء الخير حسب ماتشاهدون الموضوع اليوم كان عندي موعد الساعة 8:30 في مكتب التأشيرات بالرياض "السفارة الفرنسية" جيتهم الساعة 8 سألني الحارس أي سفارة قلت الفرنسية طلب توكلنا ثم قال اضغط على باركود زيارة تجمع طبعا فيه ناس كان عندهم موعد في سفارة ثانية قال الساعة تسع أول مادخلت صعدت فوق بتحصل على طول مكتب الفرنسية انتظرت تجي الموظفة تعطينا رقم ماطولت عشر دقايق وجت اخذت مني الاوراق كان معي النموذج صورة الجواز مع صورة التوقيع كشف حساب اربع شهور تعريف راتب حجز فنادق " إلغاء مجاني" حجز طيران "وهمي" تأمين صحي من التعاونية شينغن الجواز الاصلي اكيد صورة الهوية صورة تأشيرات شينغن سابقا رجعت صورة الهوية وصوره التوقيع في الجواز قالت مايحتاج وقالت تعال وراي وردتني لموظفه داخل الموظفه الثانية بس قالت كشف حساب يكفي شهرين ورجعت ايضا صورة التأشيرات بس اخذت صورة تأشيرتين فقط المهم ماطولت وخلصت قالت روح سدد بالمكتب الثانية رحت على طول سددت عن طريق الشبكة مبلغ 407 ريال شامل خدمة شحن الجواز بعدها رجعت للموظفه عطتني أوراقي قالت روح بصم قدامك شخص واحد المهم صورت وبصمت والساعة 9 وانا طالع منهم يعني الموضوع كله اخذ ساعة واحده ولله الحمد الملاحظات : 1- الحارس منع شخص يدخل الدخان معه والولاعة . 2- الهوية نهائي ماطلبوها بس خلها معك احتياط أما موضوع الترجمة فقط يطلبون سجل الاسرة 3- لما طلعت حصلت فيه زحام بالخارج 4- الافصل يكون حجزك بدري 8 او 8:30 وإن شاء الله إذا طلعت التأشيرة علمتكم كم المدة وإن شاء تكون مرضية |
يا هلا مساء الخيرات أبو منار ... شكراً لك على مشاركة تجربتك و أن شاء الله فالك الفيزا 5 سنين بالفعل فيه تشديد في الدخول للمركز و لازم يشوف الموعد .. و المشكلة عند البوابة اللى ما يكون جاهز يعطل اللى بعده !! |
اقتباس:
الله يسعدك أبومعتز الحمدالله جيت قبل الزحمة وإن شاء الله مدة الجواز باقي فيه اربع سنوات ونصف |
12/9/2021 وصلت رسالة أن التأشيرة تحت المعالجة وممكن تصل مدة المعالجة 15 يوم |
وعليكم السلام ورحمة وبركاته انا بالفعل زيك كان موعدي يوم 8 سبتمبر وجتني رساله يوم 9 تحت المعالجة ويمكن ان تصل المعالجة الى 15 يوم مادري هذي رساله روتينية لجميع المتقدمين ؟؟ الاخوان الي صدرت لهم التاشيرة خلال 3 او 5 ايام عمل ياليت تفيدونا |
اقتباس:
اكيد الرسالة روتينية وماتوقع تصل اكثر من اسبوع إذا انت مقدم الاربعاء اتوقع الاثنين او الثلاثاء بتكون مخلصة بس موضوع الشحن بيأخرها من يومين الى ثلاث أيام والله يسهل الامور ويرزقنا مدة طويلة |
معدل الأنجاز للفيزا من أغلب سفارات الشنغن هالأيام تقريباً 3- 5 أيام عمل + 2 يوم توصيل أو أقل حتى أنا قدمت على أحدى السفارات يوم 6 سبتمبر و أستلمت الجوازات 11 سبتمبر (3 أيام عمل للفيزا + 2 للتوصيل لمصادفة ويكند) |
اقتباس:
هلا أبومعتز فعلا كلامك لكن اللي خارج الرياض زد عليه يوم اضافي شحن |
تحديث 14/9/2021 وصلتني رسالة أن الجواز جاهز للتسليم خمس أيام عمل واذا حذفت ايام الاجازة يطلع ثلاث أيام عمل الله يوفقك ويعطونا اربع سنوات |
اقتباس:
ما شاء الله .. على البركة يا أبو منار |
| الساعة الآن 12:48 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO