![]() |
تجربتي اليوم 14/9/2021 الفيزا الفرنسية السلام عليكم ورحمة الله وبركاته مساء الخير عليكم جميعاً اليوم كان عندي موعد في مكتب التاشيرات كان موعدي 2:30 الظهر وصلت 2 تقريباً قال لي الموظف لازم قبل الموعد ب 15 دقيقة علشان تدخل لموعدك ، وقتها قلت خل بشوف تجارب الشباب ودخلت الموقع ولقيت تجربة واحد من الشباب ، وتفاجأت انهم ممكن يطلبون دفتر العائلة مترجم ( طبعاً لحالي والوالد هو الكفيل ) فـ رحت بسرعة ل مكتب سيف قريب من مكتب التاشيرات قلت موعدي الحين ابيك تترجم لي دفتر العائلة ( الحرص زين قلت خل تصير اوراقي كاملة ولا ينقص شيء احسن من اني اتقروش ) المهم وصلت للموعد يمكن 2:35 طلب توكلنا حارس الامن والموعد شافه وقال تفضل ☺ ، ندخل في زبدة الموضوع : رحت للكاونتر الي برا عطتني رقم وقالت رح ل سكشن 1 ، رحت كان قدامي واحد بعدها جت موظفة ثانية على الكاونتر وجاء رقمي طلبوا : صورة وحدة الموعد النموذج حق التأشيرة كشف حساب اخر شهرين للوالد تعريف راتب التأمين حجز السكن ( كان من بوكينج الغاء مجاني ) حجز طيران ( كان وهمي ) صورة من جواز الوالد لصفحة 1 و 2 و 3 ورقة تكفل بالمصاريف موقعة من الوالد صورة من جواز سفري ( كان ما معي وقالت لي اطلع لم الكاونتر الي برا وصوره بسرعة وتعال ) الجواز الأصل صورة من اخر شنقنين لي تقريباً هذا الي اخذوه صورة دفتر العائلة قالت ما ابغاها ( يا سفاب الترجمة 😥 ) صورة بطاقة الأحوال ما يبغونها قالت لي خلاص رح سدد المبلغ وتعال رحت وسددت ورجعت عطتني ملف قالت رح بصم ، انتظرت تقريباً 10 دقايق بصمت وقالوا لي خلاص يوصلك على اراميكس دفعت لهم 407 ، الصراحة ما خذ مني وقت اكثر من نص ساعة ، مهب العادة بس من حظي الحمد لله 😅🙏🏼 عاد يا رب يعطوني 4 سنوات ونرتاح 😥😥 سألت الموظف كم يبغالها وقت وتطلع قال من 3 الى 5 أيام عمل بالكثير هذي كانت تجربتي اليوم دعواتكم لي بالتوفيق 🙏🏼 |
و عليكم السلام و رحمة الله و بركاته .. نشكرك أخ Jiyad على مشاركتنا تجربتك في التقديم على الفيزا و مقدماً أن شاء الله فالك 4 سنوات |
هلا طلبو تعبي عنوان وصول الجواز |
اقتباس:
|
اقتباس:
|
الله يعطيك العافية وان شاء الله يعطونك خمس سنوات |
اقتباس:
|
تحديث وصلتني امس رسالة ان الطلب تحت الإجراء واليوم الصبح الساعة 9 وصلتني رسالة انه تم ارساله للسفارة ويستغرق 15 يوم تقريباً ( رسالة روتينية وان شاء الله الاحد او الاثنين مخلص بإذن الله 🙏🏼) |
يعطيك العافية على مشاركتنا تجربتك .. ان شاء الله يعطونك اطول مدة ٤ سنين |
اقتباس:
الله يعافيك يا ضفهد 🌹 ، نقول يا رب 🙏🏼 |
الساعة الآن 12:12 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO