استفسار بخصوص الشنغن
 

خطتي اسافر لأوربا بعد شهرين من الآن ما قد جيت اوربا وابي اروح سويسرا والنمسا وألمانيا
السؤال الأول :
لو أطلع الشنغن من السفارة الاسبانيه او الايطاليه أو الفرنسيه استطيع الدخول لمطار جنيف كمحطة قدرم لي ولا لازم ازور نفس البلد اللي اصدرت منه الشنغن ؟

السؤال الثاني :
انا وزوجتي وولدي النموذج حق الشنغن اعبي واحد ولا لكل مسافر نموذج كامل وكشف حساب بنكي لكل شخص فينا ؟

حتى تتجنب أي مشاكل عند الوصول يفضل أن تستخرج الفيزا حسب ما تنص عليه اتفاقية شنغن ، يعني تستخرج الفيزا من البلد اللي بيكون عدد أيام اقامتك فيه أكثر واذا تساوى عدد الأيام بين الدول يكون بلد القدوم هو اللي تستخرج منه الفيزا .

والمتطلبات ما تفرق كثير بين دول شنغن الفروقات تكاد لا تذكر ، يعني استخرج الفيزا بالشكل الصحيح أفضل لك .

بخصوص النموذج لازم يكون لكل فرد نموذج خاص به . أما المرفقات فهذا يختلف من دولة لأخرى ، يعني السفارة الفرنسية تطلب كشف حساب واحد وتعريف راتب واحد وحجوزات فنادق تطبع مرة واحده ، أما السفارة الألمانية تطلب جميع المستندات لكل مسافر بشكل مستقل باستثناء كشف الحساب تطبعه مره واحده فقط .

يوجد شرح وافي لاتسخراج فيزا شنغن لكل بلد في بوابة التأشيرات .

اهلين اخوي بختصر لك الكلام في عدة نقاط
تقدر تطلع من اي سفاره وتروح اي بلد عادي مافيه مشكله
بس بشرط البلد الي بتنزل في سو حجوزات وهميه انك بتسكن فيه اكثر شي عشان تدخل سليم وضحت الصورة
يعني مثلا تقدر تطلع من السفاره الفرنسيه وانت اصلا مابتطب فرنسا بس بتروح مثلا المانيا والنمسا وسويسرا عادي بس لما تنزل مطار المانيا تجيب معاك اوراق انك انت بتجلس مثلا في المانيا يومين و6 ايام باريس بحيث انت توزع الايام وتكون من نصيب باريس اكثر شي
والطريقه نظاميه وعادي والكل يسويها
النمودج تعبي للكل كل واحد بحاله وكشف الحساب انت بحالك يكتفون فيه
الطفل ادا اقل من 6 سنوات معفي من كل شي في الفيزا

شكراً على الإفاده 🌹🌹

ممتاز شاكر لك مقدر على الشرح المفصل بس استفاسار بخصوص الحجوزات الوهميه كيف اعملعا ذي مثلاً احجز بوكينق واكنسل بعد ما أدخل الدوله ولا فيه طُرق أخرى ؟

نعم وتكون مافيه عليها رسوم عند الالغاء

هلا حبيبي
اعمل حجز والدفع عند الاستلام وادا طلعت الفيزا وكل شي كنسل
لاتسوي حجز وتطبع وبعدين تكنسل
لان ممكن السفاره تتواصل مع الفندق تسأل عن حجزك
فالافضل انك تحجز والدفع عند الاستلام وبعدها قدم ع سفاره واول ماتطلع خلاص كنسل

بعض خطوط الطيران ماراح تدخلك الطيارة الا لما تطابق الفيزا الي عندك بالجواز مع الوجهة الي بتسافر لها .. انتبه لهذي النقطة

هدا خارج الشنغن صحيح كلامك
بس داخل الشنغن مالهم اي علاقه
تأكد من معلومتك