|
كيفية التواصل مع السفارة الفرنسية بعد الرفض السلام عليكم الله يسعدكم اعطوني طريقة التواصل مع السفارة الفرنسية بالرياض اتصلت عليهم بس مافي رد ابدا.. ولا حصلت ايميل للتواصل بموقع السفارة جاني رفض رقم 13 وحبيت اكتب رساله تظلم على القرار بس مو عارف وين وكيف ارسلها لهم.. اللي قد جاهم رفض كيف طريقه التظلم؟ فيدوني الله يعطيكم العافيه |
وعليكم السلام السفارة الفرنسية غير مخولة بالرد عليك حتى القنصل لا يملك صلاحية نقض الرفض مكتوب في ورقة الرفض العنوان اللي ترسل عليه خطاب التظلم حتى لو اتصلت ما يردون على استفسارات الرفض لذا الأسلم البحث عن أسباب الرفض وتعديلها ثم التقديم من جديد |
عليكم السلام ورحمة الله وبركاته حياك الله مثل ماقال اخونا عليك بالسبب ومعالجته غير كدا لاتعب عمرك ونفسك هل انت مقيم او مواطن سعودي ؟؟؟ عشان اقدر افيدك اكثر لان الغالب المقيمين الي يواجهون مشاكل في الرفض عكس المواطنين امورهم ماشيه ماعمري سمعت سعودي انرفض |
الله يعطيكم العافية عالرد طبعا انا مقيم بالسعودية وسبب الرفض كما ذكرت غير مقتنعين بالعودة مع العلم انه جميع أوراقي كاملة من كشف حساب جيد وخطه سفر وعندي سجل سفر كويس جدا بس أمرهم غريب.. عالعموم شكرا لكم جميعا ودام السالفه فيها إرسال أوراق الي المحكمه بباريس ما بتعب نفسي معاهم لاني اعرف ما باخذ حق ولا باطل بس الله يعافيكم متى اقدر اقدم مره ثانيه على أي دوله من الشنغن... سمعت انه لازم انتظر 3 أو 6 شهور.!! صحيح هالكلام |
تقدر تقدم بأي وقت بس تأكد أن التذاكر مؤكدة لأنهم يشيكون عليها تشتريها من شركة مثل مصر للطيران على ما أذكر أو العمانية التذاكر مسترجعة في حال الرفض أما تقدم بتذاكر أي كلام أكيد رفض لذا انتبه لهذي النقطة |
الله يسهل امورك وقدم على دوله اخرى |
الله يعطيكم العافيه جميعا عندي نقطتين اتمنى احصل جواب لهم. 1- اللي عنده ايميل السفارة الفرنسية بالرياض يزودني فيه لا هنتم احاول لعل وعسى تضبط معاي 2- هل اقدر اقدم على بريطانيا خلال شهر من بعد رفض الفرنسيه ولا لازم انتظر مده 3 أو 6 شهور |
اقتباس:
|
اقتباس:
لا المفروض التذاكر اول وبعدين الفيزا مافي حجز وهمي تتورط ويسون عليك منع من الفيزا |
اقتباس:
معليش اخوي الغالي انت كذا بتورط الرجال الرجال قدم وجاله رفض ليس بسبب التادكر او غيره جاله بسبب عوده كل الناس تقدم تداكر وهميه وتمشي امورهم يعني هل اشتري تذكره بمبلغ عالي لي ولزوجتي وعيالي وفي النهايه يجيني رفض من سيعوضني ؟؟؟؟؟؟؟ فالافضل يعمل حجز وهمي من اي شركه طيران وتمشي اموره كل سفرياتي وفيزاتي الاوربيه والامريكيه والبرياطنيه حجز وهمي لان ماراح اغامر واشتري تذاكر تكلفني 10 الف ريال وبعدين يجيني رفض عشان فيزا كلها 600 ريال اخسر رسوم فيزا ولا اخسر فلوس تذاكر وسكن راجع موضوعي الاخير |
| الساعة الآن 12:13 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO