|
فيزا بريطانيا & شنغن السلام عليكم ورحمة الله وبركاته أول مره بنسافر لأوروبا الرحله بريطانيا 14 يوم تقريبا و منها بنروح إن شاء الله فرنسا عشان ديزني لاند بنجلس 4 ايام و بعدها سويسرا اسبوع بنكون 5 أشخاص .. 3 كبار .. و واحد عمره 14 و واحد عمره 17 بدون الاب و الام السفر مع الاخوان السفر ان شاء الله شهر يوليو هل ينفع أقدم من ألحين ؟ أقدم لبريطانيا أول ولا الشنغن بالنسبه لشنغن هل أقدر أطلعها من الفرنسيه لان مافيه السويسرية بالخبر ولا نقدر نروح الرياض كلنا واللي تحت 18 بدون الاب و الام هل لهم شروط خاصه ؟ الطيران بتكون الرحلة الدمام - لندن .. و الرجعه جنيف - الدمام و بين اوروبا طيران اقتصادي من لندن الى باريس طياره ومن باريس الى جنيف طياره هل عادي احجزها يقبلون فيها ؟ ولا لازم الذهاب والعوده من نفس الدوله ؟ أخاف نحجز التذاكر ولا تطلع الفييز ونتوهق محتاره وش نسوي كشف الحساب عادي لو مو موظف بس عنده رصيد كويس بحسابه ولا لازم يكون فيه احد متكفل له بالمصاريف يشترطون فحص كورونا بين دول أوروبا ولا بدون اسفه على الاطاله الله يجزاكم خير |
حياك اختي ميرا توني مقدم على شنقل هولندا وطلعت في 5 ايام لاكن مدتها شهر الان اغلب الشنقل ماتعطي مدة طويلة ماعدا الفرنسية انصحك تقدم على الفرنسية وتجعلهاالوجهةلكم ومنها تروح انجلترا وغيرها لانهم يعطون سنتين :e301: من الشروط لازم كشف رصيد بنكي لمدة 3 اشهر وانصحك تروح لمكاتب الشنقل في الخبر وشف لك مكتب يطلعها لك صح بياخذ عليك مبلغ لكن بيريحكم من وجع الراس |
الله يحييك أنا ودي أطلعها بنفسي ما أحب المكاتب فرنسا بنروحها بس عشان ديزني ما نبي نجلس فيها كثير :12: .. عادي نطلع الفيزا منها ؟ بالنسبه لكشف الحساب عادي لو فيه رصيد بس مو موظف ؟ |
اقتباس:
الأفضل تطلعوها بنفسكم عشان تضمنوا أن المكتوب بالنماذج صحيح فرنسا الأفضل حالياً وعادي تطلعوا منها اذا كان الأب لا مشكلة يكون عنده رصيد وغير موظف |
الافضل تقدمي تأشيرة بريطانيا وبعد ما تخلصي تقدمي على الفرنسية لأن مثل ما افادوك الشباب الفرنسية يمكن تعطيك تأشيرة لعدة سنوات رابط شرح التقديم على بريطانيا https://www.arabtrvl.com/vb/t40505.html رابط شرح التقديم على الفرنسية https://www.arabtrvl.com/vb/t40637.html ونصيحة لاتذكري سفرة سويسر قدمي على الفرنسية كأنكم رايحين فرنسا وراجعين واذا طلعت الفيزا عدلو التذاكر ان امكن والاخوة الخبراء يفيدونك اكثر ان شاء الله |
شككرا جزاكم الله خير ما قصرتو :e306: |
الطيران كيف احجز طيران وهمي ؟ لان ودي احجز لتقديم الفيزا ذهاب وعوده من بريطانيا و نفس الشي لفرنسا |
طيران وهمي ليه ؟ احجزي تذاكر مؤكدة حسب مخطط الرحلة لكن مستردة لأي ظرف |
هل يوافقون على مخطط الرحله ان يكون الذهاب والعوده مو من نفس الدوله ؟ اول شي بقدم على البريطانيه قبل الشنغن هل ممكن يطلبون فيزا الشنغن بيكون باقي ماقدمنا عليها تنصحني أعتمد خط الرحله وأتوكل على الله وأحجز |
اقتباس:
فيزا الشنغن غير مرتبطة بالفيزا البريطانية ... يعني ما راح أحد يسألكم عن المخطط نهائي في الفيزا البريطانية يتم ذكر المخطط التقريبي و المدة و بناء عليه يتم منح الفيزا و بالنسبة للتذاكر .. بالنسبة للشنغن المهم يكون عندكم تذكرة موضح فيها بأن الحجز مؤكد لمغادرة منطقة الشنغن من أي دولة فيها لأن التنقل داخل و بين الدول قد يكون بعدة طرق (قطار - سيارة - باص) المهم تذكرة ذهاب و عودة ... بالتوفيق |
| الساعة الآن 12:33 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO