تعريف راتب وحجز طيران مؤكد
 

السلام عليكم

احنا 6 اشخاص

شخص واحد رح يقدم تعريف وكشف لحسابه والباقي يكونون مكفولين.

هل الافضل بما اننا 6 وفي مننا موظف والوالد متقاعد يصير نجيب تعريف راتب وكشف حساب للموظف الثاني وبرضوه الوالد نجيب تعريف راتب متقاعد او شخص واحد يكفي.

وكم المبلغ الي مفروض يكون بالحساب بالنسبه لهالعدد اذا كان شخص واحد وصي.

وهل فيه مشكله لو حولنا مبلغ مفاجئ على هالحساب


الشيء الاخر والأهم

حجزت موعد السفاره للعائله والنيه كانت اني احجز طيران مؤكد لكن من دون دفع يعني دفع عند المكتب او سداد ولكني مارح ادفعه وبيتكنسل اكيد خلال يومين لكن قرأت ان السفارات تتاكد من حجوزات الفنادق لكن ليس حجوزات الطيران دامها مؤكده.. لاني ماضمن تطلع الفيزا قبل.. بس شفت كلام لكم انه ممكن يرفضون الطيران اذا غير مدفوع طيب انا ماعرف صراحه شركه تقبل الاسترجاع اذا تعرفون شركات طيران تنصحون فيها.. الصراحه احس توهقت واقول ليتني حجزت عن طريق شركه سياحيه تضبطلي كل شي ولكني قلت اتعلم واقل تكلفه..

السفاره النمساويه

القطرية عندهم عرض. الحجز ممكن يتغير مجانا لاكثر من مرة. انا كنت ماخذ حجز وهمي من مكتب سفريات ويوم دريت عن عرض القطرية تواصلت معهم وأكدوا لي العرض واخذت تذاكر من عندهم.

ممتاز ارسلتلهم وبشوف ردهم بحيث يكون عندي خيارات واسعه بالموضوع.

بالنسبه لكشف الحساب الاشكاليه ان مبلغ التكاليف بحساب اخر غير عن حساب الي ينزل فيه الراتب لان الراتب اول ماينزل يتوزع ويبقى منه للحساب الثاني. فانا الان ماعرف اعطيهم حساب الراتب والي فيه تسلسل واضح لنزول الراتب مع اعتبار اني مايفضل احط فيه مبلغ مفاجئ او احط حساب الثاني الي ينزل عليه المبالغ الشهريه والحفظ والبواقي وتكاليف السفر المحفوظه الخ.

الشيء الاخير في حال استعسر عالاخرين يضبطون كشف وتعريف راتب اعتقد مافيه اشكاليه لو كتبوا انهم موظفين وان شخص واحد وصي على الجميع هذولي.

الله يجزاك بالخير اضافه ممتازه كلمتهم وردوا سريع وشفت عرضهم ممتاز جدددا يفك ازمه وبشوف باقي شركات الطيران وشروطهم

ذكرت شي
فيه حجز بين دول الشنقن برضوه يعني خطوط اوروبيه من النمسا الى دوله اخرى بناء على خطة سفرنا.. فهل احجز طيران رايح جاي من النمسا للمملكه من خلال الخطوط المذكوره وبعد ماتضبط الشنقن اكنسل واضبط الحجوزات الصح ؟


طيب هل اذكر في نموذج السفاره عند سؤال سوف تزور دوله اخرى اقول نعم او اسكت… خصوصا ان دولة النمسا ماخذينها مجرد عبور وراحه كم يوم الى الدوله الاخرى ومتاملين تطلع فيزتها ابكر.. انا فكرت احجز كاني رايحه النمسا فقط، واذا طلعت الشنقن بحول الله ووصلنا الجوازات عندهم لو سال بقول غيرنا الخطه بنجلس عندكم يومين وطالعين لدوله ثانيه.

فيه احتمال اذا حطيت النمسا فقط يطلعون لك فيزا النمسا مو شنغن. ماادري اذا للحين ماشين على هذا النظام او لا. لكن الاسلم هو عمل حجوزات قابلة للالغاء وبعد دخول النمسا الغائها.

بالنسبة للتنقل بين دول اوروبا مو شرط حجز تذاكر طيران عشان تقديم الفيزا لان فيه اكثر من طريقة بالتنقل (استئجار سيارة, القطار, الباص) فما يحرصون عند تقديم الفيزا على طريقة التنقل بالغالب.

انتبهي من نقطة الحجوزات المرتبطة بالفيزا. فبو اخذتي فيزا النمسا وعند الوصول شيكوا على الحجوزات حصلوا اقامتك في النمسا يومين وسويسرا 3 ايام احتمال يرجعونك. تأكدي يكون عندك حجوزات للنمسا اكثر الايام.