|
فيزا فرنسا من الخبر ماهي متطلبات فيزة شنقن فرنسا بالظبط ؟؟ |
شوف الموضوع المثبت |
انتبه في 2019 اخذة فيزة شنغن لمدة ثلاث شهور طلعتها من الراكه مكاتب هناك وبعدها سافرة ورحت على التشيك وبعدها على الماينا وجلست 40 يوم ويوم جيت برجع عن طريف فرانكفورت وحملة الشنط وكل شي تماما اخر شي قالو لي على جنب انت مخالف الفيزه انتهت قلت هذي ثلا شهور قالو لا حدك 30 يوم ودوني مكتب فيه عسكر ومعهم مترجم عربي واعطوني اوراق اعبيها بالعربي وبعدها قالو عليك غرامه 500 يورو قلت ما معي فلوس قالو اسحب من بنكك قلت ما معي فلوس ما معي الا 100 يورو اصرفهم وانا معي فلوس لو فتشوني عينوها في جيبي بس زين ما فتشو قال زين انتظر وجلسو يتكلمون حلو نص ساعه مدري وش يقلون اخر شي قالو هاته الـ 100 يورو وعطيتهم وبعدها سمحو لي اكمل سفرتي الخلاصه انتبه الفيزه في اوروبا حدة 30 يوم حتى لو مكتوب فيها 3 شهور وبعدها تجددها هناك وين فيه والطريقة والله مدري اسال |
ياساتر معقوله الكلام هذا الفيزا يعطونك ثلاث شهور وفعلياً شهر |
اقتباس:
نبغى اخر تحديث للطلبات بليز اكيد في كثير سافرو فرنسا قريب |
اقتباس:
المستندات المطلوبة من لاستخراج تأشيرة فيزا شنغن فرنسا: جواز سفر لا تقل صلاحيته عن 3 أشهر بعد تاريخ انتهاء صلاحية تأشيرة فيزا الشنغن الفرنسية. صورة عن تأشيرة فيزا شنغن سابقة ان وجدت. الهوية الوطنية للمواطن السعودي ويجب أن تكون مترجمة للانجليزية. كرت العائلة للمواطنين السعوديين في حال السفر مع الزوجة أو الأطفال ويجب أن يكون مترجم للانجليزية. خطاب تعريفي بالعمل والمسمى الوظيفي بالإنجليزية وموجه للسفارة الفرنسية موضحاً الراتب الشهري وتاريخ الالتحاق بالعمل، كشف حساب بنكي مختوم وباللغة الانجليزية لآخر ثلاث أشهر للمواطنين السعوديين وهو بمثابة اثبات القدرة على تغطية تكاليف السفر لفرنسا. صورتين شخصية ليست أقدم من 6 أشهر بدون شماغ مع خلفية بيضاء ومكشوفة الرأس عند الرجال ومكشوفة الوجه لدى النساء، مقاس الصورة 35مم x 45مم. تأشيرة خروج وعودة لغير السعوديين مقابلة / بصمة، اذا كانت لديكم بصمة سابقة أثناء طلب تأشيرة فيزا شنغن وليست أقدم من ثلاثة سنوات، فلا داعي لتقديم البصمة. بالأضافة للمذكور أعلاه يجب تقديم: وثيقة تأمين سفر تغطي تكاليف الإقامة في فرنسا ومنطقة الشنغن لا تقل عن 30000 يورو وصالحة لمدة السفر بأكملها حجز سكن مؤكد في فرنسا للمدة بأكملها وموضح به تاريخ ورقم وسعر الحجز وحجز طيران مؤكد مع العودة بتاريخ السفر المدرج في (على أن لا تتعدى مدة الرحلة 90 يوم) بالتوفيق |
السلام عليكم ورحمة ا لله وبركاته الثلاثاء الماضي كان موعدي بالسفارة الالمانية بالخبر دخلنا للموعد حصلت ناس واجد وزحمة على طول غيرت نظام الحجز الى vip عشان اخلص بدري وفعلاً الموظفين ممتازين واخلاقهم عالية وكانت جميع الاوراق مضبوطة بس نسيت ترجمة الهوية الوطنية الى اللغة الانقليزية وترجمتها من المكاتب اللي تحت ومشت الامور المستندات المطلوبة:- الابليكشن موقع على خمس صفحات ( التوقيع يكون بالجهة اليمنى من الورقة ) شهادة تعريف راتب باللغة الانقليزية شهادة تعريف راتب اللغة العربية شهادة تعريف بالعمل كشف حساب لثلاث شهور مختومة جميع الصفحات بختم البنك حجز الفندق ولازم يكون فيه رقم الحجز انتبهوا ضروري رقم الحجز حجز الطيران عدد 2 صور شمسية لكل شخص ورقة تحميل المصاريف للزوجة والاولاد وكان معي صور لبطاقات الائتمانية وسألته هل تحتاجها قالي نعم لاكن يبدو لي انها غير مطلوبة وشربنا شاي وتقهوينا عندهم ومشينا وسلامتكم كل واحد يحط طلبات شكل ماعرفنا وش القصه , هذا تقرير واحد من قدم من الخبر |
| الساعة الآن 12:49 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO