تأخر الرد على شنغن ايطاليا - مقيم
 

السلام عليكم
أنا قدمت على المكتب الموحد بجدة بتاريخ 9 قبراير على شنغن ايطاليا
وإالى الان مافي اي رد كلمت المكتب الموحد وردوا علي ان المعاملة ما زالت تحت الإجراء في السفارة
هل هذا التأخير طبيعي وقد حصل مع أحد
جنسيتي يمني واكملت كل الاوراق المطلوبة وشفت تجارب اغلب الاعضاء ما لقيت احد انتظر كل هالفترة عشان يجيه رد سواء بالقبول او الرفض
فحبيت استفسر اذا احد مر بنفس هالوضع ووش التصرف المناسب

ماعندي خلفيه بس اذا جاك الرد خبرنا ان شالله يوافقو وتبشرنا يارب

ان شاء الله .... واكيد اول ما يجيني رد راح احدث الموضع

فعلا .. أنا قدمت وكنت متوقع الموضوع ما راح ياخذ وقت لكن ننتظر وان شاء الله يجي رد عن قريب

انا مقيم وردو علي بعد 9 ايام عمل ب جدة.. اذا عندك وقت اصبر معليش

صراحة كل الحجوزات تكنسلت لاني تعديت تاريخ السفر اللي كنت مخطط له
بس باقي منتظر ونشوف الرد انا اليوم بكمل شهر من تاريخ التبصيم يعني 21 يوم

احتمال سبب التأخير لانه السفارة الايطالية وقفت التعامل مع المكتب الموحد VFS GLOBAL لكن ان شاء الله تتسهل امورك وتحصل على التاشيرة ..

طيب هل ممكن لمن يكون عدا على الحجوزات وماردو ممكن يرفضو مثلا عشان الوقت غير كافي الي هوا بين تقديم طلب الفيزه ليوم الحجوزات ممكن انو شافو الوقت ضيق انو ليش ماقدمت من قبل

المشكلة مقدم من جدة المفروض معاملات جدة الوحيدة اللي ما زالت عن طريق مكتب VFS

والله المفروض حتى لو رفضوا يردوا الجواز مع خطاب رفض بس انا للحين ما استلمت الجواز فممكن يجي قبول وممكن رفض بالنسبة للمدة انا قدمت بفترة على اساس ان اغلب المعاملات تخلص بحوالي 10 ايام ما توقعت التاخير ذا صراحة ولكن ما زلت منتظر واشوف النتيجة عن قريب ان شاء الله

انا قدمت في 2018 شهر أغسطس قبل السفر بشهر و الجواز تأخر عندهم لين بقي يومين على تاريخ السفر المحدد في الحجوزات و الابلكيشن ، راسلت القنصلية في جدة رسالة تذكير بموعد السفر ، رد سريع قالوا لي جوازك بكرا بيكون عندك ، وصل الجواز مع خطاب الرفض بتاريخ اليوم السابق الي ارسلت فيه الايميل.

🤷🏾‍♂️🤷🏾‍♂️🤷🏾‍♂️

اخيرا اليوم وبعد حوالي 4 شهور انتظار وصلني الجواز طبعا بدون تاشيرة وبدون الورقة اللي فيها سبب الرفض كلمت المكتب وقالولي السفاره طلبوك مقابلة وحنا اتصلنا وانت ما رديت وفي الاخير طلعت مكالمة من جوال اتصل علي مره وحدة فقط وحاولت اكلمه بعدها اكثر من مره بدون رد

الحمدلله على كل حال، الله يعوظك خير منها
سؤالي هو ما ارسلوا لك ايميل طلب مقابلة فقط اكتفوا بإتصال واحد و من جوال غير رسمي؟؟

لا ابدا مافي اي ايميل حتى لو رسالة نصية مافي على اني دفعت رسوم للرسايل النصية وقت ما حجزت الموعد على اساس التنبيهات تجيني برسائل نصية بس ولا شي مجرد رسالة اول ما استلموا الطلب ورسالة لما رجعلهم الجواز غير كذا مافي شي

معوض خير ان شاء الله .. وتتسهل في المرة الجية ان شاء الله ..
طيب ما وضحوا لك سبب الرفض في الورقة ؟!