سؤال بخصوص شنجن سويسرا للمقيم
 

انتظر تجربتك انا قدمت على الفرنسيه ورفضو والله وزعلانه وماليا نفس اسافر مكان نفسي بدول اوروبا انتظر تجربتك لو قبلت امكن اقدم على سويسرا المره الجايه

الاخت لولو معوضه خير بصراحة فرنسا مع المقيمين تعاملهم جدًا سيىء وانا سبق قدمت ورفضوني بس لا تزعلي ان شاء الله خيره وقدمي ثاني البرتغال والنمسا افضل من فرنسا نسبه كبيره يوافقو

ياليت تخبريني الرفض تبعك ايش كان رقم كم ؟

كيف يعني رقم كم مافهمت
بس كانو كاتبين ثلاث اسباب انو مافي شي يثبت انو رايحه للسياحه وخايفين من عدم رجوعي رميت الورقه انا بس ذا الي افتكره مع انو كل شي كامل
انا خليت مكتب يعملي اوراقي في نقطه صغيره قلت امكن هيا السبب ال حطتلي حجوزات الموظفه الي في المكتب خلت كل حجزي فندق واحد في باريس 14 يوم لمن قلتلها اعملي جدول وغيري فنادق في فرنسا قالتلي عادي مو شرط انتي بعدين غيري على كيفك يعني لو عملتي جدول انو اروح ارياف فرنسا وكل منطقه مثلا 4 ايام لان بعدين عرفت انه مخطط الرحله مهم عندهم يلا خيره وان شالله احاول بعد 6 شهور زي ماقالت البرتغال او النمسا

تسلم يعطيك العافيه ان شالله المرا الجايه اقدم في وحده من البلدتين الي قلت عليها ويارب تتسهلي واسافر

اختي فرنسا بالنسبه للمقيمين رفض علطول الا في حال عندك تاشيرة بريطانيا او امريكا غير كذا انسي وانصح المقيم م يقدم عليهم طبعا نصيبك المكتوب تاخذي في واحد قدم على فرنسا واخذ رفض الاسبوع الثاني قدم على البرتغال اخذ تاشيره مدتها شهر بنفس الورق الشغله مزاج الله يعوضنا خير

حسب تجربتي مع مقيم عندي الالمانية مشت الامور بسهولة لكن المدة كانت حسب تذكرة الطيران 14


جربت مرة اخرى السويسرية تم الاتصال علي وسألوني عن سبب سفر المقيم معي وماكان عندي سبب مقنع قلت لهم أحتاج له لقيادة السيارة وتم الموافقة واعوه ست شهور متعدده

ابو منار انت قدمت تاشيرة للسائق تبعك صحيح ياليت تخبرنا ايش كانت الطلبات وهل طلبو منك عقد العمل وايش المطلوب من السائق