أسهل سفاره شنغن
 

السلام عليكم الله يسعد الجميع،
حابه اسأل انا باكستانيه ايش السفاره الي ممكن اقدم عليها وما انرفض بسبب جنسيتي لانو اختي كانت أوراقها كلها صحيحة كامله بس انرفضت بسبب جنسيه وشكوك حول سبب سفر والعوده للسعوديه وهي قدمت ع فرنسيه
ايش تنصحوني لاني افكر بسفاره اسبانيه او برتغاليه حسب الي قريته في منتدئ انها الأفضل و أسهل خصوصا للاجانب مثلا
احتاج اجابه واضحة رجاء 😔

وعليكم السلام ورحمة الله وبركاته ,,

انا طلعت من السفارة النمساوية مرتين ( المرة الاولى انا وزوجتي فقط والمرة الثانية انا وزوجتي وبنتي ) وجنسيتنا نفس جنسيتك .. لكن الفرق انه مهنتي مهندس ( المهنه لها دور كبير في القبول والرفض )
وتاني حاجة سجل السفر له دور ( كانت عندنا سفريات لجورجيا واذربيجان والسودان )
تالت حاجة ( خطاب تعريف بالراتب مصدق من الغرفة التجارية وكشف حساب بالراتب ان كنتي موظفة وحساب البنك يكون فيه مبلغ يغطي تكاليف الرحلة ) وان كنتي غير موظفة خطاب تكفل بالمصاريف من شخص قريب لك بالدرجة الاولى يعني يكون موظف وان امكن خطاب تعريف بالراتب من جهة عمله وكذلك كشف حساب بنكي لمدة 6 اشهر لنفس الشخص المتكفل ..
رابع شي تذاكر طيران ذهاب وعودة مدفوعة ومؤكدة
خامس شي حجز فنادق لكامل مدة الرحلة مؤكدة عن طريق بوكنج قابلة للالغاء او مدفوعة ..
وسادس شي تاشيرة خروج وعودة ( وصلاحية الاقامة الافضل ييكون باقي لها مدة 6 اشهر واكتر او عالاقل يكون باقيلها صلاحية 3 اشهر بعد العودة من الرحلة )
ويمديك تقرأي موضوعي لاستخراج تاشيرة شنغن من سفارة النمسا موضح فيه كل شي
واي استفسار حياك ..
وربنا يوفقك ان شاء الله
ملاحطة : سفارة النمسا للاسف تعطي مدة قليلة فقط .. جربتها مرتين وفي المرتين اعطوني شهر واحد فقط

مشكور جدا ربي يسعدك
انا مو موظفه ع اغلب بخلي احد يقرب لي من اهلي يتكفل فيني بس كثير قريت هنا انه نمسا ترفض بسهوله حتى لو أوراق صحيحة و وقوية

والله ما ادري عن الباقين .. انا عن تجربة شخصية ليا مرتين خلال 3 شهور قدمت مرتين زيما وضحتلك واخدت التاشيرة مرتين الحمد لله .. والجنسية نفس جنسيتك وما جاني رفض ولله الحمد ..
لكن زيما قلتلك في امور لازم تدعمي موقفك فيها ( زي سجل السفر دا يقوي موقفك وجوازك وكمان وضعك الوظيفي وكشف الحساب وتذاكر الطيران لازم نكون مدفوعة ومؤكدة ما ينفع وهمي وكذلك حج الفنادق .. ومدة صلاحية الاقامة ولازم تقدمي لهم تاشيررة خروج وعودة .. والباقي بتوفيق ربنا .. الواحد يجتهد ويسعى وربنا يكتب له اللي فيه الخير ... فالك التوفيق ان شاء الله

الله يوفق الجميع تسلم لي و مشكور جدا ما قصرت بالمعلومات كنت ضايعه 🖤
راح انقل تجربتي عن قريب

ربي يوفقك ويسهل لك امرك.. وان شاء الله نفرح بخبر حصولك على التأشيرة

عندي استفسار بسيط
لو زوجي بتكفل مصاريف سفرتي بس هو مو مسافر
هل حضوره للمكتب الموحد ضروري او عادي اجيب خطاب كفاله موقعه منه بدون حضوره مع كشف حسابه
ويريت تقول لي ايش إجراءات اذا الزوج هو الي بتحمل يتكفل بكلشي

الافضل يسافر معك عشان تقوي موقفك .. لكن قبل دا كلو سجل السفر لك ولزوجك كمان له دور في الموافقة او الرفض ومهنة الزوج والراتب وكم سنة له يشتغل في نفس الشركة ( كل ما طالت المدة يعطي انطباع انه السخص مستقر في عمله هذا كرأيي الشخصي ) ..

فالنقاط اللي ذكرتها لك مهمة للمقيمين وتلعب دور كبير في الحصول على التاشيرة
( سجل السفر - المهنة - الراتب - مدة العمل - صلاحية الاقامة يفضل يكون 6 اشهر واكتر )

والباقي بتوفيق ربنا ,, ونتمنى لك التوفيق