تغيير النموذج_ تجربتي مع مركز التأشيرات في الرياض _ ٩ يوليو
 

السلام عليكم ورحمة الله
اليوم كان موعدي في مركز التأشيرات في الرياض، من الوسوسة عبيت النموذج القديم_ اللي كان مثبت في موضوع أبوغسان_ والجديد _ اللي نزله أبو كيان واللي نفسه موجود في الموقع الإلكتروني لمركز التأشيرات، وصار النموذج كمان متغير، شالو الصفحة الأولى من طلبي وعطوني الصفحة الأولى من النموذج الجديد وقالو عبيه، البيانات نفس اللي في النموذج السابق لكن النموذج الجديد باللغتين الانجليزية والعربية.
بالتوفيق للجميع

أيوه ، هذا عبيته وقدمته لهم، وصار فيه واحد جديد كمان ، مثل ما وضحت في الموضوع، نفس البيانات ، لكنه باللغتين العربية والإنجليزية

الحق ينقال ، إن هذا هو الأفضل، المفروض يكون في أي نموذج لغتين: لغة البلد، واللغة الإنجليزية

لكن ياليت يحدثون النماذج اللي في موقعهم الإلكتروني

اذا ممكن النوذج الجديد

النمساوية كل يوم لهم نموذج جديد حيرونا

المفروض قديم جديد نفس الاثنين مقبول اذا نفس المعلومات مافي اي اضافة عليها

الحين بديت اشيل هم التقديم

للأسف
ما أخذت نسخة من النموذج
وأعتذر منكم
من الخبصة راح عن بالي
هم عارفين نفسهم إنهم المفروض ينزلونه في موقعهم، علشان كذا خلصوني عند كاونتر التقديم نفسه بسرعة، ما طلبو أروح أطبعه وأعبيه من مكتب ثاني.
ولا تشيل هم التقديم
الطلبات نفسها
النموذج فقط تغير