![]() |
تجربتي بمركز التاشيرات لسفارة النمسا بالرياض اسعد الله مسائكم بكل خير أولا اشكر الكل بهذا المنتدى الي من جد مهما كانت ضالتك فستجدها هنا فجزيتم خير الجزاء على رحابة صدركم وعلى ردودكم الشافية والكافية كان موعدي بتاريخ 17-07-2023 الساعة 12:45م وكنت حاضر من الساعة 12:20 م وخذت رقم من الموظف الي بالاستقبال بعد التاكد من الموعد والجوازات وتوجهت لصالة الانتظار وكان قدامي تقريبا 3 ارقام وبعد ساعه تقريبا وصل رقمي عند الموظف وكنت مجهز له جميع الأوراق لي ولعائلتي كل شخص بظرف مستقل ومرتبها له على حسب قائمة التشيك استلم اوراقي أولا بما اني المتكلف وشيك علي مستنداتي وخذ الموعد وخذ النموذج وخذ الصورتين وخذ التامين وورقة تحمل المصاريف و اول ورقة من كشف الحساب والأوراق الي فيه الراتب للثلاث شهور واخر اورقه وخذ التعريف المصدق وصورة من بطاقة الائتمان وخذ الحجوزات للطيران الذهاب والعودة وكان بالأوراق مذكور فيها اسمي وعائلتي وقام بالتأشير على جميع الاسامي وخذ جميع حجوزات الفنادق وحجز السيارة وصورة من هويتي وكرت العائلة وصورة الجواز الصفحة الأولى والصفحة الي فيها التوقيع وقام بإرجاع لي تعهد التامين وخطة الرحلة وكرة العائلة الي قمت بترجمته والمتبقي من كشف الحساب اما بالنسبة لعائلتي اخذ النموذج والصورتين الشخصية وصور الجواز وقام بإرجاع باقي الأوراق الي كنت طابعها لكل طلب واخر شي طلع لي نموذج التشيك وقالي اكتب التاريخ ووقع لان الي معك قديم و قالي اهم شي حجوزاتك موكده حتى لو مأتم الدفع اهم شي تكون موكدة لان السفارة تشيك قلت له اي مو مكشله فترة التشيك واخذ المستندات لأربع اشخاص خذ تقريبا نص ساعه وبعدها انتظرت ربع ساعه وبصمت انا وزوجتي وتوكلنا على الله وبتاريخ 18 جاني بالايميل ان الطلبات تحت الاجراء من السفارة وامس بتاريخ 20 جاني ايميل ان الجوازات جاهزة للاستلام بالمركز الموحد وهذي التجربة الي صارت معي واعتذر على الاطالة تحياتي لكم |
يا هلا بك أخ Boeyad12 و نشكرك على مشاركة تجربتك في أستخراج فيزا الشنغن من سفارة النمسا … بصراحة الوقت المستغرق في أنجاز الطلب يعتبر قياسي السؤال .. مؤخراً تسليم الجوازات يكون عن طريق أرامكس و لكن أنت ذكرت بأنه جاء لك أيميل يفيد بأن الجوازات جاهزة للأستلام بالمركز الموحد … هل خيار الأستلام الشخصي متوفر حالياً |
اقتباس:
اهلا وسهلا اخوي ابومعتز اي الحمدلله ماتوقعت بتكون بهذه السرعه اما بخصوص الجوازات الموظف قالي تبي نرسلها لك على عنوانك الي انت مسجله قلت له لا انا بجي اخذه منكم بما ان دوامي قريب منكم قالي اوك |
ألف مبروك الفيزا أخي ، من جد ما شاء الله رقم قياسي 3 أيام والفترة هذي تعتبر مزدحمة .. |
اقتباس:
اي الحمدلله تيسرت |
الف مبرووك وشكراا لذكر تجربتك وسفره سعيده باذن الله |
اقتباس:
بإذن الله |
اقتباس:
ما شاء الله ، تجربة جميلة مع السفارة النمساوية.. بس بشّر كم المدة اللي اعطوك وياها؟ |
تجربة جميلة ومشجعة لباقي الأعضاء لتجربة سفارة النمسا بعد تشددهم مؤخراً بس ان شاء الله مدة زينة شكراً على طرح تجربتك للفائدة |
الساعة الآن 02:45 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO