|
تجربه السفاره اليونانيه -شنغن 25 اكتوبر 2023 السلام عليكم تجربه الفيزا اليونانية بتاريخ 25- اكتوبر 2023 لاثنين من الصدقاء .. ليس لديهم خبرة في الامور التقنيه كثيرا قدمت لهم ببساطه كالتالي : - حجز موعد في السفاره اليونانيه ( المواعيد متوفره ) والدفع اونلاين بقيمه 138ريال - عبيت الابلكيشن وهو سهل وبسيط ( وليس كما يشاع) -حجزت من بوكنج حجوزات عاديه لكل شخص ثلاث فنادق تغطي المده علما ان الحجز لايوجد به اسم الضيف وهذي من عيوب بوكنج ومع ذلك مشى -حجز وهمي للطيـــــــــــــــــــران -تعريف العمل بالانجليزي -كشف حساب 3 شهور بالانجليزي -تأمين طبي من تكافل الراجحي بقيمه حول 80 ريال للشخص الواحد -طلبوا عليهم في السفاره ترجمه بطاقه الاحوال ( الجديده بدون ترجمه ) -صور الجواز وصور شخصيه 3.5 في 4.5 \ وراحوا للموعد في الموقع المحدد ....دفعوا حوالي 80 يورو -بالبطاقه وليس كاش - نص ساعه والموضوع منتهي وينتظرون جوازتهم |
الشاهد انني قبل اقدم لهم مررت باليوتيوب عشان اشوف اخر المستجدات بهالموضوع ووجدت عشرات الفيديوات والشروحات والتجارب التفصيليه والتكميليه والهيلمانيه و و و و و و و وكأنك ستصنع صاروخ :1: وفيديوهات مطوله عن كيف تتجنب الرفض وكيف يقبلونك والخطط والطريقه والمحاذير و و و و و و و فعلا هيلمه وكلام فااااااااااااضي يضعونه للمشاهدات والسالفه كلها خمس او ست متطلبات ورح للسفاره وسلام عليكم السلام :7: رواه ابولجين وهو يضبط اصدقائه وهو ماهو مسافر هذي يسمونها " وحدة الشعور " :1: |
وعليكم السلام هلا أبو لجين ويطلق عليه أحيانًا ادمان السفر بحيث تضبط أخوياك بالتأشيرات والحجوزات ثم توصلهم المطار وتبلشهم كل شوي تدق عليهم :17: شكراً على طرح التجربة بالفعل كل شيء سهل وميسر وأتوقع أن في اليوتيوب عمرهم ما قدموا على تأشيرة الشغلة مشاهدات فقط ان شاء الله تعدي على خير طالما مسافرين ليه ما حطوا تذاكر فعلية بدل الوهمية :e032: |
أهلا يالمستر اخر فرصه (لاست شينس) :14:مساك الله بالخير والله فعلا وجدت الاف المقاطع اللي والله تتخيل ان الشغله 40 او 50 خطوه وانها مصيريه .. ويبهرون زود .. / اما عن الوهمي فالربع فيهم عرق الربع .. لازم شي وهمي ..لربما ماجت موافقه او شي .. والا رحلتهم ان شالله في نص نوفمبر ... ** احيانا تكون انت الخوي اللي عايش الجو وممكن توديهم المطار وباخر لحظه تقول انتبهوا لاتنسون جوازتكم وتعطيهم محاضره قصيره عن خويك اللي نسي جوازه و و و و الديباجه اياها |
قواك الله بولجين على الشرح 👌🏽 دايم مدمنين السفر اذا ما سافروا واحد طلبهم شي عن السفر يشتطون ويسون للي طالب كل شي 😂🤭 انا وحده منهم استانس وايد اذا احد طلب من شي حق سفر 😁😁 |
اقتباس:
اهلا بالاخت العزيزه .. والله صرنا نعطي دروس من الحماس ونحن واياكِ كجيل مسافرين له تجربه نسهب في الشرح وايصال المعلومه بالتفصيل والمسافرون الجدد والله مادروا .. اي شي يحله بالفلوس / اما نحن فيالله العافيه ... قبل السفر يشكي منا : جوجل وعياله الترجمه -جوجل فلاي - البحث -airbnb -بوكنج -ويذر -المسافرون العرب سكاي سكنر -مواقع الايرلاينز -مواقع الرنت كار نصف -سكست وايروب كار وغيرها -جنب بعض ونقطع جنوبهم بالمقارنات ونحمل خرائط اونلاين واوف لاين وجنب اللاين وحالتنا حاله نتسلح بالعلم والمعرفه تقل داخلين حرب :24: |
اي والله صدقت |
تم استلام الجوازات ........ المدة من الاستلام لحين التسليم لارامكس 5-6 ايام عمل |
ما شاء الله مبروك المهم ما فيه رفض بس كم أعطوهم من مدة ؟ |
اقتباس:
هههههههههههههههههههههه كأنك شايفني يابو لجين |
| الساعة الآن 08:52 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO