|
تجربة استخراج التاشيرة السويسرية الرياض السلام عليكم مبطين عنكم عساكم طيبين الخميس الماضي 18/4/2024 قدمت على التاشيرة السويسرية في المكتب الموحد بالرياض وبعطيكم طلباتهم ليستفيد الجميع الموعد الساعة ٩.١٥ وصلنا ٩ وعلى طول سرى اخذنا رقم على السويسريه ودخلنا وعلى طول نادو رقمنا الموظفة كانت متجاوبه جزاها الله خير للي جهزته وكل شي اخذوه وانصح تجهزونها كاملة وباذن الله ماتحتاجون شي زيادة وتمشي أموركم حجز موعد وطباعته لكل طلب الجواز الأصل وصورة منه مع صورة صفحة التوقيع صور التأشيرات السابقة تعريف الراتب انجليزي وصورة لكل طلب كشف حساب ٤ شهور انجليزي وصورة مع كل طلب الصفحة الاولى والاخيره من الكشف ابلكيشن لكل شخص بلحاله ((توقيع النموذج يكون مثل الجواز)) ترجمه كرت العايله وبطاقة الاحوال وصورة لكل طلب تصوير بطاقات الاحوال وكرت العايله بدون ترجمه برضوا خطاب تكفل مصاريف صورة لكل طلب حجوزات طيران وفنادق حجز السياره لكل ملف صورة بطاقة الفيزا صورتين شخصية الوجه 80 % من الصورة مقاس (4.5 * 3.5) خلفية بيضاء، بدون تعديل للوجه التامبن الطبي من شركة تشب حقت فيزا الراجحي سفر بلس مقبوله عندهم 👍 (((الاضافه اللي ناقصه صورة جواز المتكفل لجميع الافراد صوروا من عندهم ب٣ ريال الصوره )) اخذنا ساعه تقريبا من دخلنا اجمالي التكلفه لشخصين وطفلين ١٢٢٣ ريال دفعناها عندهم غير قيمه المواعيد ٤٩٤ ريال اونلاين الدفع ----- لاحظت اسعار التوصيل بالبريد لكل جواز ٥٥ ريال اشوف انه مرتفع سعرها يعني ٤ اشخاص ٢٢٠ توصيل فقط عاد الان ننتظر توصل ان شاء الله ويعطونا مدة طيبه وفق الله الجميع ولا تنسونا من دعواتكم |
وفقك الله اينما كنت وحفظك الله في حلك وترحالك شكرا لك على هالموضوع المفيد |
اقتباس:
بس مستغرب من كثرة الطلبات مثل كرت العائلة والبطاقة الشخصية انجليزي وعربي وايصا موضوع حجز السيارة (هل هذا طلب جديد) ....هل كلها الموظفة اخذتها او رجعت لك الباقي. ايضا هل التامين حق الفيزا لك انت او طلعت لكل واحد تامين وهل يمكن من نفس البطاقة تعملها ؟ |
يا هلا ومرحبا بالغالي وشكراً على طرح تجربتك للفائدة |
اقتباس:
صحيح اخذت كل شي حتى السياره لاني شفت شخص يقول طلبوه وعطاهم فجهزتها واخذوها تامين الفيزا تدخل على رابط شركة فيزا للتامين وتضيف العايله معك كلهم في نفس تامينك |
للاسف وصلتني التاشيره اليوم وعطوني 6 شهور فقط خذلان صراحه من السويسريه مع ان عندي تاشيرات كثيرة سابقة واخر تاشيره من عندهم اعطوا سنه والان 6 شهور رغم ان اصدار التاشيره بعد القرار الجديد حق الخمس سنوات االاسبوع الماضي اللي اعلنو عنه عشان كذا لا انصح بالتاشيره السويسريه نهائيا الفرنسية والالمانية الان معلنين خمس سنوات |
الله المستعان جوازي عندهم حتى الان من رمضان وحوسة وقلنا لعلى وعسى يجينا 5 سنوات واخرتها يعطونك 6 شهور والله سيئين |
السويسرية سيئة قدمت قبل سنتين بنفس قوة ملفك واعطوني 6 شهور فقط |
| الساعة الآن 06:45 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO