|
فيزا الشنغن بدون موعد للسعوديين |
خبر مهم وشكراً على النقل لكن غير واضحه الحضور مجاناً وايضا هل لازم اكون مسجل ودافع قبل اجي |
اقتباس:
جميع التفاصيل موضحه ف المنشور اعلاه مثل تقديم الطلبات كاملة وتسديد الرسوم بالاضافة الى رسوم المكتب الموحد هذه الخدمة أضافية بجانب خدمة حجز المواعيد التي ستظل متاحه على الموقع الألكتروني |
يعني التكاليف هي نفسها ؟ اللهم انه ممكن الواحد يروح بدون موعد |
اقتباس:
و ممكن يروح الواحد بدون موعد ولكن قد لا يتمكن من تقديم اوراقه لان الأولوية ستكون لأصحاب المواعيد لأن خدمة الحضور بدون موعد تعتبر اضافية للخدمة المعتادة كما وضح في المنشور |
شكراً أم معتز مهم للي يحب يروح بدري أكيد يلقى موعد |
العفوو اخوي أبو غسان تمام :58: |
العفوو اخوي أبو غسان تمام :58: ولكن مثل ما ذكرت سابقاً الأولوية لصحاب المواعيد |
اقتباس:
شكرا اجابة وافية |
السلام عليكم ورحمة الله فيه معلومه وصلتني وحبيت اوضحها ان التقديم للفيزه الفرنسيه الفتره الصباحيه من الساعه 9 الى الساعه 3 ظهرا يكون لمن لديه موعد فقط ، اما اللي ماعندهم مواعيد يتم بداية الاستقبال من الساعه 3 الظهر ثم يقومون بتوزيع الارقام عند الساعه 4 |
اقتباس:
|
اقتباس:
الحضور بدون موعد يشمل كل السفارات و تم طرحه عن طريق المكتب الموحد و يكون قبول الطلبات حسب الأتفاق مع السفارة المعنية وهو تنظيم داخلي بين طرفين المهم في ماهية التطبيق |
اقتباس:
ودي اطلع الفيزا وستكون اول مره قارد اعملها بنفسي لكن في مشكلة حجز الطيران والفنادق ما اعرف ايش التصرف السليم لان الفيزا فيها موافقة وفيها رفض الامر الاخر ما اعرف كم ستاخذ هل اذهب لمكاتب ويعملون حجز وهمي طيران وفنادق اهل اجازف وادفع قيمة الفنادق والتذاكر عشان تقديم الاوراق |
اقتباس:
العفو اخوي .. أجراءات التقديم على الفيزا سهلة جداً أذا جهزت المطلوب بدقة و يوجد شرح متكامل في بوابة التأشيرات لطريقة التقديم بالنماذج و المستندات المطلوبة العرب المسافرون ( بوابة التاشيرات ) فيما يخص حجوزات الطيران و الفنادق .. الطيران أحجز تذكرة إذا كنت متأكد من مواعيد سفرك و مقرر الرحلة و لتكن التذكرة قابلة للتعديل و الأرجاع أما الفنادق سهل موضوعها أحجز فنادق قابلة للألغاء الأجراءات حسب الموسم و غالباً 14 يوم عمل و تحسباً للزحام قدم بدري أتوقع من خلال الشرح ما تحتاد إلى الذهاب إلى المكاتب الموضوع ما فيه مجازفة و لا شئ كل حجوزاتك لازم تكون قابلة للألغاء و الأسترجاع و لا حجز أي طيران Non Refundable غير مسترد |
السلام عليكم اليوم كنت بالمركز وكنت حاجز موعد بالكرواتية بحكم ان وصولي هناك اول شي صدمني قال للمعلومية ترى مايعطون الا 15 يوم قلت يابن الحلال انا جاي على بالي 5 سنين قال الكرواتية مايعطون الا 15 يوم قلت طيب انا سفرتي 22 يوم والوصول والمغادرة من زغرب و هل معقول بيعطون تأشيرة لنص المدة و قال يمكن اذا تذكرتك بس انا من واجبي اقولك انهم كل اللي قدموا يعطونهم 15 يوم شاورت نفسي قلت دام وصلت ابقدم اوراقي واكيد بيعطوني كامل المدة افضل من اني اغير مخططي واغير السفارة للاسف طلع فيه مشكلة ثانية ادهى من الاولى طلبوا طلب غريب جدا رغم اني مقدم بنفسي قبل كذا اكثر من سبع او ثمان مرات ( السويسرية والسويدية والفرنسية والاسبانبة وكلهم على مرتين ) عند تعبئة النموذج اونلاين يقولون لازم يكون تاريخ تعبئة النموذج بنفس اليوم اللي تحضر فية طبعا انا معبي النموذج لي قبل اسبوعين وحجزت موعد بعد تعبئة النموذج قلت له هل يعقل اني بصحي الفجر نهار موعدي واعبي النماذج لكل افراد العايلة قالي لازم قلت للموظف شكلك فاهم خطا وقالي تبيني اشوف مسؤول السفارة قلت ياليت وحضر واحد هندي مدري هو من السفارة والا من المركز واكد المعلومة حاولت افهم السبب وهل كل الناس تعبي النموذج هنا المهم اني قررت اقدم على النمساوية طالما بعض المدة بتكون بالنمسا قلت اخلي المدة الاكثر بالنمسا سالت الاستقبال هل اقدر احضر للنمساوية بدون موعد قال لي فقط الفرنسية اللي بدون موعد باقي السفارات لازم موعد هذا ملخص تجربتي اليوم فقط الفرنسية بدون موعد |
اقتباس:
|
ليش الرياض والدمام فقط ليش جدة ومكة ماتكون من ضمنها لان جدة بعيدة هل الشنقن تستخرج بدون ماكون ناوي اسافر ؟؟؟ |
اقتباس:
التقديم بلا موعد هو خدمة ليست رئيسية بل هي أضافية بجانب الطريقة السابقة و التى يتوجب على المتقدم حجز موعد مسبق من أجل التقديم و عدم شمل جدة في الخدمة لعله مؤقت أو بعد نجاح تجربة الرياض و الدمام للمعلومية.. البعض أفاد بأن خدمة الحضور بلا موعد غير مجدية و تشهد زحام كثيف و تتطلب الحضور من الصباح الباكر و الأنتظار حتى فتح المكتب يستحسن أستخراج الفيزا في حال كنت تنوي السفر فقط |
| الساعة الآن 11:09 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO