تجربتي مع سفارة النمسا يوم الثلاثاء ( تحديث استلام الجوازات )
 

تحديث للفيزا النمسا 😁😁

تم اصدار الفيزا للجميع اللي جوازاتهم 10 سنوات اخذو الخمسة كاملة
اما الباقي تنوعت مابين 3سنوات و 4 سنوات بسبب مدة الجواز فعليا الى قبل نهاية الجواز ب 3 اشهر
استغرقت الفيزا 8 ايام عمل الى ان استلمناها بتاريخ 30/5

…………
السلام عليكم ورحمة الله وبركاته
تجربتي مع سفارة النمسا يوم الثلاثاء 21/5/2024 تحديد ( الدمام ) باللولو مول
عندنا 5 مواعيد اول موعد يبتدي من 9:20 ..
وصلنا الساعة 9:05 دخلنا ونادونا على طول نخلص الاجراءات ،، كانت النمسا فاضية الزحمة على الفرنسية ..
الاشياء اللي اخذوها منا ..
1- ورقة حجز الموعد
2- الجوازات وتكون موقعه من قبل الشخص ماعدا ( القاصر يوقع ولي الامر عنه )
2 - الابلكيشن لكل شخص مع التوقيع وصورة وحدة ( القاصر يوقع ولي الامر عنه )
3 - كشف حساب من البنك مختوم ( الالكتروني مرفوض ) انا كنت مجهزة الاثنين
4- صورة من الجواز
5 - صورة من الاحوال
6- تأمين من شركة ملاذ
7- خطاب التكفل بالسفر
8- حجز طيران مؤكد
10- حجز الفنادق
11- خطاب عدم ممانعة بالسفر للقاصرين
12- حجز السيارة للتنقل
13- كرت العائلة مترجم
14- ورقة من التأمينات باللغة الانجليزية للمتقاعدين
وبحكم ان سفري مع اهلي ومعاي ابني طلبوا صورة من جوازي وجواز وابوه وصورة من فيزا الشنقن وتذكرتي ( هذا كله انا مجهزته احتياطاً وطلبوه )
ورقة خطة الرحلة قالت مو مطلوبة و ورقة التعهد حق التأمين ايضا قالت لي مو مطلوبة ..
ولما خلصنا بس اخذوا البصمة فقط ولما سألت عن التصوير .. قالت نكتفي بالصورة اللي جبتوها ..
المدة كاملة اللي اخذنا تقريبا 50 دقيقة .. بحكم ان جميع الاوراق كاملة وماكان فيه اي نقص ..
وفيه ايضا نقطة سلبية ازعاج وبكاء الاطفال ماتسمع منه صوت الموظفات كويس 🙃🙃 كثير كانوا اقل من 12
عندي استفسار انا باقي شخص بيجي بعدنا ومالقيت له بالايطالية حجز للشنقن وبالفرنسية ايضا مافيه لو يروح بدون موعد
ويدخل vip عادي مايكون زحمة مثل الزحمة اللي شفتها

مقبول كشف حساب الخدمة الذاتيه؟

ان شاء الله يعطونا مدة ممتازة
وبنزله كتحديث بالموضوع المدة اللي اعطونا بإذن الله
على 8 ان شاء الله اللي باقي بيروح

انا جبت لهم اللي الموظف طبعه لي اضمن

الله يعافيك ..
بإذن الله ان ربي سهلها راح انزل تقرير بسيط للرحلة

ممكن اعرف متى تاريخ سفرتك .. لاني مقدم من شهر وللحين ما ارسلوها.

مادري وش معاييرهم في تاخير وتقديم بعض الطلبات..

رحت للمركز وادق عليهم كل يوم 5 مرات وارسل يوميا ايميل بدون فايدة..

تاريخ السفرة 9/7 واعطوني الفيزا بدايتها مع تاريخ السفرة

للاسف جدة رفضوه مني