|
هل ممكن السفارة تقفل والجوازات بالداخل السلام عليكم وكل عام وانتم بخير وعيد اضحى مبارك تم التقديم على السفارة البلجيكية بتاريخ 23 مايو وتم وصول الرسائل في نفس اليوم ان الجوازات في السفارة والحمدلله حتى الان لا يوجد خبر للاسف وتاريخ السفر 15 يونيو اي بعد 4 ايام سؤالي هو هل ممكن السفارة تقفل لاجازة العيد والجوازات بالداخل؟ او هل فيه طريقة للتواصل معهم مباشرة وطلب الجوازات ؟ حاولت اتواصل مع المركز ولكن دون اي فائدة قالو ان الجوازات تحت الاجراء وانها لن تتطول عن ال 15 يوم هل لو رحت المركز ممكن هم يتواصلو معاهم؟ ارجو الافادة لمن يعرف وشكرا |
وعليكم السلام سبق أن قفلت السفارة الفرنسية على جوازي خلال عطلة عيد الأضحى ولم أستلمه الا بعدها بس عادةً قبل التقفيل يحاولون يخلصون كل الجوازات علماً بأن البلجيكية التقديم عليها ضعيف لذا فرصتكم كبيرة |
الله يستر وشكرا لك جزاك الله كل خير |
حتى الان للاسف مازالت الجوازات في السفارة تحت الاجراء…. كلمت المكتب قال تعالو اكتبو طلب وبنسحب الجوازات بدون التاشيرات! وارسلت ايميل للسفارة ردو انه مع الزحمة يكون اقل مدة هي 15 يوم عمل وانه الجوازات مازالت تحت الاجراء… احس الواحد تورط…. كان عندي امل انهم يخرجوها اليوم هل اروح اسحب الجوازات بكرة الصباح والغي الحجوزات؟ واصلا بيمديهم يجيبونها؟ شكلنا بننحبس في العيد الله يستر بس |
الاوربيين ذلونا بالفيز حسبي الله ونعم الوكيل |
روحي للسفاره بكرا الله ييسر امركم يارب |
السلام عليكم بشروا ان شاءالله طلعت؟ حتى احنا لها اسبوعين عندهم النمسا وماطلعت وشكلهم بيقفلون عليها بالاجازه بصراحة ندمت اني قدمت فيزا كيف الطريقة لو ابي اسحب جوازاتنا اقدر ؟ اروح السفاره والا وين اروح ؟ حتى لو بدون فيزا معد نبي فيزا طاب الخاطر نبي جوازاتنا بس علموني ايش الطريقة الصحيحه |
اقتباس:
وعليكم السلام ورحمة الله وبركاته لا والله للاسف ماطلعت /: لما اتصلت على المركز الموحد للتاشيرات وقلت محتاجة الجوازات قالو تعالى وجيبي صورة من الهوية وبتكتبي خطاب وتوقعيه انك بتسحبي الجوازات بدون التاشيرات اتصلي عليهم واتاكدي ،،، كان عندي امل لاخر لحظة والله انهم يطلعوها لكن الحمدلله والله ييسرلك وييسر لنا ان شاء الله |
ٱللـّہ يعين امين امين ٱللـّہ ييسر الامور طيب كم تحتاج وقت إذا طلبت سحبها ؟ |
الافضل دائماً استخراج الفيزا قبل السفر ب شهرين او 3 شهور تفادياً للتاخير في موسم الصيف ممكن تاخذ الفيزا 20 يوم عمل عشان تخلص |
| الساعة الآن 08:51 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO