وعليكم السلام ورحمة الله وبركاته
هم يدققون على حجوزات الطيران اللي تقدم لهم مع الاوراق المطلوبة لاصدار الشنغن .
بس ليش العجئة، احجزوا الطيران حسب خط سيركم بشكل طبيعي، بس الدولة اللي بتقدموا عليها الشنغن اجعلوا مدة حجوزات فنادقها هي الاطول على أساس بتصل طائرتكم في هذه الدولة وبتنتقلون للدولة صاحبة الشنغن بالسيارة او بالباص او بالقطار
وكل شي يمشي تمام

المشاركة الأصلية كتبت بواسطة sword-f (المشاركة 614894) موضوع الحجوزات الوهمية هذا غريب ولا عمري فكرت فيه قبل . اذا نتكلم على موضوع بعض الدول يعطي مدة اطول. 90% من المسافرين مايسافر الا الدولة المقدم لها خلال 3 - 5 سنوات تقريباً . يعني أبدا ما استفادوا منه شي .

الله يسعدك أنا ما جبت طاري حجوزات وهمية ولا افضل ذلك أبدا إلا أحد يسأل وهو "ناشب" اما بتذاكر غير مستردة او شي من هذا القبيل
الان جميع دول الشنغن ملتزمة بتأشيرة خمس سنوات لدول الخليج او حسب صلاحية جوازك
أو حسب وجهة نظر الموظف لمن ليس لديهم تسهيلات
المهم هو : مثلا أنا سأزور ألمانيا وسويسرا وفرنسا تمام ؟
سأصل فرانكفورت مثلا واذهب بالسيارة إلى سويسرا ثم إلى فرنسا اتفقنا ؟
ألمانيا شغلتهم شغلة للحصول على الشنغن بينما سويسرا وفرنسا حبايب بس فرنسا زحمة شوي تمام ؟
لذلك ساستخرج التأشيرة من سويسرا، هنا لازم اضبط جدولي بحيث تكون اطول مدة في سويسرا (فرق يوم يكفي) وعند الحصول على التاشيرة اسافر طبيعي على نفس خط السير، كذا حبايب طال عمرك؟ 🌷
واذا بس بتزور دولة وحدة فقدم تاشيرة نفس الدولة فقط وبلاش الشنغن مع ان هذا الامر صعب في الاتحاد الاروبي لانك بتطلع تمشى وتدخل من دولة في دولة بدون ما تشعر وهنا تكون غير نظامي وتعال حلها
تقبل احترامي

المشاركة الأصلية كتبت بواسطة Jeddah1 (المشاركة 614916) شكراا جزيلاا لردك، يعني عادي اطلع الشنغن من النمسا اذا وصولي والعودة من مطار دولة ثانية غير النمسا (من ناحية السفارة النمساوية انها مابترفض تصدرلي الشنغن مو من ناحية المطار والجوازات) اهم شي عدد الايام في النمسا اكثر

صحيح بس الدولة الثانية اللي وصول طائرتكم لها لازم يكون لها حجز فندق في بداية الرحلة على شان لو سأل موظف الجوازات ليش دخلتوا عن طريق دولتنا والشنغن من دولة ثانية تقولون هذا مخطط الرحلة ننزل هنا ونأخذ كم يوم وبعدين بنروح للدولة صاحبة الشنغن

ولو اختصرت الموضوع وذكرتي لنا مخطط الرحلة كان ريحناك وقلنا لك اعملي كذا وكذا

آخر نقطة وأهمها
قرأت بعض التعليقات بأن سفارة النمسا معقدة جدا في الاجراءات إذا باقي ما قدمتوا الطلب شوفوا لكم دولة يمين والا يسار وغالبا زوار النمسا (زيلامسي) ينزلون في ألمانيا (ميونخ)

المشاركة الأصلية كتبت بواسطة Jeddah1 (المشاركة 614919) جزاك الله خيير كل الشكر والتقدير احنا اخترنا سفارة النمسا لانه سنة 2022 طلعنا منها الشنغن وكانت القنصلية متعاونة يتواصلوا معانا عن طريق الايميل انه في ورق ناقص

رائع ورحلة سعيدة