|
سبتمبر 2024 …. تجربة الفيزا الالمانية الرياض …. السلام عليكم سيداتي سادتي ايها الشعب الكريم … محدثكم من عمق الحدث … مركز التاشيرات الالمانيه بالرياض حي ام الحمام … موعدي اليوم 12-9-2024 … 1:30 حضرت قبل الموعد بساعه …( مواطن حريص ) مادخلني …انتظر الى 1:15 ودخلت - زحمه شوي واضح انك بتنتظر ساعتين بالراحه - صالة vip بــ 200 ريال ( فاضية قبلي شخص واحد فقط) الصالة ليست ترف ولكن لاشفت الزحمه تصبح ضرورة ( حكمة) :1: * الامور اسهل ممايهول حقين الانترنت الاوراق المعتاده ( جواز - تامين - تعريف ….. ) كنت مترجم ( البطاقه الشخصيه ) واخذوها - الفنادق طلبوا كاااااامل المده - لو صورتك ماهي جيده يصورونك خلال دقيقتين - الصالة العاديه فيها 7 كاونترات والناس تاخر ليش ؟؟ عشان معظم ربعنا يجون معبين النماذج غلط … فاي هجوم تشوفه على المركز في تقييمات ( قوقل ماب) اعرف ان وراه شخص مخبص بالاوراق ويبيهم يمشونه -كلما ماتقراه في تقييمات جوجل ماب ( كذب ) الوضع هنا جميل ومريح لكن الناس تركز على السلبيات - اجمالي مادفعته اليوم 788 ريال جواز واحد بدون صور تقريبا 750 ريال - بحسب كلام الموظفه مده الفيزا محدده بصلاحيه الجواز يعني لى باقي بجوازك سنتين ماراح يعطيك اكثر ( الخمس سنين والمدد الطويله مرتبطه بصلاحيه الجواز) - الوقت المتوقع لوصول الجواز 10 ايام - الصوره مشكلتي اني بعيد شوي بالصوره شروطهم ان يكون التصوير قريبا من الوجه بحيث تتضح ملامح الوحه كامله نصيحه صور عندهم افضل ** مواعيد الالمانيه متاحه هالايام … الجدول فاضي انا حاجز موعدي هذا قبل 2 يومين |
ادري ودك تقول شي عزيزي القاري :24: - نعم التذاكر فشتك ( وهميه ) ويسميها المثقفين ( مؤقته) - الفنادق حجز صحيح قابل للالغاء - بقولك سر بس ماراح اشرحه لك … لو بغيت بالانترنت فيه تامين سفر وهمي بعد ** لاتغامر كثيرا ولاتكون مواطن صالح قوة :24: ** وضعت القوانين ياعزيزي ….. لـتُخرق وكتبه ابولجين ذات انتظار لاضع بصماتي على مسيرة مركز التاشيرات …. ( اصابعي العشرة تشير الى :24:فرانكفورت ) |
براءة للذمة : لاتغامر بالامور ( الوهميه ) الا اذا كنت مسافر ( حنشولي) بمعنى انه لوجاك رفض ماراح تتاثر حياتك اما ان كنت ممرض او مهندس مرتب وعندك موتمر عن هندسه النانو واستخداماتها الحديثه فانصحك لاتكن مثلنا نحن الحنشل نحن صوت الارض نحن لمحة البسطاء اللي ماعندهم شي بخسرونه :14: |
اليوم الخميس تواصلت معي شركه التوصيل وحددت لهم الموقع .. الجواز قادم وسليم الله يسلم ... :14::14: |
جميل يا صوت الأرض الاجراءات سهلة للي أوراقه مكتملة وقام بتعبئة النموذج بشكل صحيح عقبال يعطونك 5 سنين وجوازك ما فيه الا سنتين كسراً للقاعدة لكن نقول زين اذا وافقوا عليك وحجوزاتك كلها مضروبة :32: |
اقتباس:
هههههههههههه تعجبني يابولجين .. |
اقتباس:
سبق وتكلمت عن تجربه سابقه مع اليونانيه اعتقد والمقصد من هالموضوع -التاكيد - وازالة اللبس ونفي التهاويل اللي يصورونها الربع وكأنهم رايحين لحرب .. ابعلم الناس ان الحجز الوهمي يمشي .. وان سالفه ( التدقيق ) جابها اصحاب محلات السفر حتى تقص من عندهم تذكره مهمتي توعيه الحنشل .. انك ستظل حنشل .. تعيش وتقتات على المخالفه والكوبي والوهمي هههههههههههه ههههههههههههه اما الخمس سنين مااعتقد والله يافلان .. لكن ماعلى الله كايد |
اقتباس:
دااااامك معي ماهمني نايد الناس / نص التعقيدات والخانات اللي بالابلكيشنات الرسميه ترى مااحد يدققها |
اخي اخر فرصه ... ايها الشعب الكريم يسلم عليكم خوالي الالمان ... عطوني سنتين ... المده الباقيه بالجواز اليوم هو اليوم العاشر منذ تسليم الجواز / ياااالد يازين شعور الحرامية :17: / لاجاك ولد سمه ادولف :24: |
انتهت رحلتنا في كوكب الشنغن / |
| الساعة الآن 10:28 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO