|
عدة استفسارات لفيزا النمسا .. 2 مرفق . . السلام عليكم عندي كم سؤال , دورت تفاصيل كثير لاستخراج الفيزا ما لقيت مواضيع تتكلم بتفاصيل المستندات * لو فيه نوروني فيها الله يسعدكم * اول شيء خطاب تكفل الزوج بمصروفات الزوجة كيف ممكن تكون صيغته ؟ + للأسف حجزت موعد واللقب الاخير الاسبلنق مختلف عن الجواز * الموعد فقط * اكنسل الحجز واشوف موعد ثاني او ما يدققون فيه ؟ + السفارة النمساوية وش متطلباتها زيادة عن ترجمة سجل الاسرة ؟ * لقيت مكتب يترجمها ب 50 ريال , السعر زين ؟ صور + تعبئة الابلكيشن + حجز فندق + حجز طيران + كشف حساب اخر 3 شهور + كشف رصيد بنكي + خطاب من العمل + تامين طبي + حجز سيارة ومواصلات للرحلة + خطاب تكفل الزوج بالزوجة +طباعة ورقة الموعد + صورة من الجواز + صوره من بطاقة الأحوال وكلها بالإنجليزي . + التامين/ عندي تامين بوبا وفيه تامين دولي ب 1000000 حد اعلى , يقبلونه عادي ؟ * بالمرفقات .. أخر سؤال بعد اذنكم .. الرخصة الدولية من وين استخرجها ؟ |
اقتباس:
وعليكم السلام تستخرج الرخصة الدولية من مكاتب السياحة أو من النادي السعودي https://www.sataclub.com.sa/ar/idp/ الردود باللون الأحمر فوق :58: |
التامين عندي نفسه قدمته للنمسا وقبوله |
.. شكرا ما قصرتوووا majed718 < يعطيك العافية كنت مترددة وكنت بسوي تامين ثاني احتياط :21: آخـــرفـــرصـــة << شككرا لك رجعت للموضوع اللي ارفقته وفادني جدا |
. . سؤال : الوصول والعودة من ميونخ . عدد الايام الاكثر في النمسا 7 ايام النمسا, يومين المانيا ميونخ الفيزا قدمتها من السفارة النمساوية , صح علي ؟ لان هذا اللي اعرفه وهذا المكتوب بموقع التأشيرات , التقديم يكون للسفارة الاكثر ايام .. ولكن جاني شخص ولييه وكييف وغلط ولو سالت ويارب ما يرجعونك :10: ! فيه شيء جديد ما اعرفه او قد صار موقف او مشكلة لاحد في مطار ميونخ حامل لتأشيرة من دولة ثانية ؟! دام الموعد الاسبوع الجاي نكنسله ونحجز بالالمانية وفدى الرسوم اذا فيه شك حدوث شيء |
اقتباس:
تصرفك صحيح الفيزا تستخرج من الدولة الأكثر اقامة |
العفو ورحلة سعيدة باذن الله |
اقتباس:
|
. . شكرا على تجاوبكم :e032: , كشف الحساب استخرجته من البنك ولكن عد الصفحات كبير جدا يوصل الى 80 صفحة :11: طبيعي الوضع كذا ولا ؟ + لقيت مستند بموقع السفارة مافهمت وش الطلوب فيه اذا الكل عنده تامين مستقل :21: https://www.vfsglobal.com/one-pager/...ratio-form.pdf + ورقة العمل بالبداية اخذناها من الشركة نفسها موضح فيها التفاصيل وانها الى سفارة النمسا ووو ولكن قالوا تحتاجون زيادة ورقه ثانيه مصدقه من الغرفة التجارية .. ف كان الموضوع صعب لان خارج المنطقه هاليومين وبنرجع على الموعد ومكالمات ليل ونهار امس لين ضبط الموضوع .. لان لازم الشركه هي تصدقه وترسله .. قلت اقولها يمكن احد يستفيد لان ما كانت اعرف بهالتفصيلة الصغيرة .. |
بالنسبة لكشف الحساب غالبا الموظف يكتفي بالصفحة الاولى والاخيرة والصفحة الى فيها الراتب وهي الي تكون مختومة من البنك بالنسبة لاقرار التامين انا ماقدمته لاني قدمت تامين بوبا نفس تامين الشركة التغطية مليون وكان مقبول بالنسبة لخطاب التعريف ضروري يكون مصدق من الغرفة قطاع خاص العام ماعندي علم |
. . يعطيك العافية .. سويت له سكيب وعندي تامين بوبا حق الشركة :72: وفعلا خطاب العمل كان لازم تصديق و الشركة خاصة الموعد يوم الاثنين وان شاءالله ارجع انقل تجربتي وباذن الله تكون تجربة ايجابية اول مره اجهز اوراق الفيزا بنفسي واعبي البيانات والنموذج بنفسي ف ان شاءالله ما اتحسف على الفزعة :e048: |
أمورك تمام وان شاء الله تكتبين لنا عن تجربتك الايجابية ونبارك لك بالفيزا بس هاتي البشارة :14: |
| الساعة الآن 10:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO