|
اسئلة أخرى اتمنى حذف الموضوع مع الشكر |
مساء النور عزيزي ان شاء الله تصير خبير و ترد على الاستفسارات بعد تجربتك باستخراجها اولاً الموضوع سهل جداً و لا فيه أي تعقيد و بعد التجربة راح تتأكد من هذا الكلام من الضروري افادتنا بالجنسية لأن بعض التنبيهات تعتمد عليها 1- أنا مع عدم التساهل بالحجوزات الوهمية فاذا جيت أسافر ارسم خطة و احجز طيران و فنادق و أقدمها للسفارة لكن الحجوزات الوهمية حل مؤقت لمن لم يرتب أموره مبكراً و لم أر أي جانب سلبي يترتب عليها لو كانت معموله بشكل محكم 2- البصمة صالحة لمدة 5 سنوات لدى دول الشنغن كمان مو شرط تروح فرنسا لو كانت فيزتك فرنسية طالما قدمت حجوزات وهمية 3- نعم فيه حجز قطارات عبر النت لكن لازم تدفع و الافضل حجز طيران وهمي عن طريق اي مكتب سياحي 4- لازم تراجع موضوع الطلبات و النماذج المثبت لأنه يعتمد على الجنسية http://www.arabtrvl.com/vb/t5780.html و الموعد حسب الايام المتاحة عندهم ( فيه موضوع عن حجز موعد لسويسرا راجعه ) غالباً تنتظر من أسبوع لاسبوعين و نصيحتنا لك تقرأ المواضيع المثبتة بالبوابة |
اقتباس:
شكراً لردك يا أبو غسان .. ( أنا سعودي) سأرد على جزيئة رقم 2 لو قدمت على السفارة الفرنسة وقلت رايح اجلس في باريس 20 يوم و هولندا 5 ايام ولما طلعت الفيزا سحبت على فرنسا وجلست شهرين بهولاندا مثلا معقوله ما يعرفون؟ -انا بصراحة عيني على هولاندا ابغى اجلس شهر في امستردام ( هنا سؤال عن شهر هل سياحة شهر في امستردام كثيره بالنسة للسفارة؟ هل ممكن يشكون فني اني رايح عمل او هجرة؟ هل فرصه رفض الفيزا كبيرة؟ لانهم متعودين على السياح ما يطولون في مدينه وحدة والا )و مشكلتهم ما يعطون فيزا على مده الجواز لذا اشوف نفسي مضطر اقدم على السفارة الفرنسية معقوله ما يأثر علي لما اقدم في السنوات القادمة على فيزا؟ |
الله يحييك الجواب يعتمد على وضعك الوظيفي و دخلك الشهري الثابت هل أنت موظف ؟ و لآنك أول مرة فقط قدم على أنك رايح لفرنسا فقط تراجع الطلبات و توفرها كما هي مذكورة اذا حصلت على الفيزا تدخل من فرنسا و من هناك تكون حاجز طيران على امستردام يكلف حول 500 ريال ذهاب و عودة اذا وصلت تدخل بدون جوازات كأنك واصل من رحلة داخلية لأنها منطقة وحدة هذا عشان تتلافى مقابلة الجوازات الهولندية لأنها صارمة شوي |
اذا حصلت على الفيزا لك حق تجلس 90 يوم كل 180 يوم أو 3 شهور متصلة أو منفصلة خلال 6 شهور طبعاً لو كان فيه تدقيق على شخص معين راح يعرفون وين قضى المدة و كل المعلومات اللازمة لكن غالباً مثل هذي الامور ما يشيكون عليها الا للضرورة |
اقتباس:
نعم أنا موظف والدخل ممتاز . ب صراحة ما ودي اكتب فرنسا وبعدين ادخل هولاندا وانا ما كتبت هذا الشي في الابلكشين . ليش؟ بعد سنوات لو فدمت او رحت لهولاندا ممكن يجيني سؤال هل زرت هولاندا وقلت نعم ودققوا يقولون ليش كاتب في المرة الاولى فرنسا ودخلت هولاندا . ما ابغى يلحقني شي الان او مستقبلا ابحاول قد ما اقدر اطبق اللي كتبته في الورق . - ما احب اروح فرنسا نهائيا لكن المده اللي يعطوني هي السبب .. ممكن تنصح في مدينة جميله اجلس فيها 15 يوم ومسترادم 14 يوم . ويكون الرجوع من هولاندا للسعوديه اتوقع كذا يكون افضل حل والا عندك اقتراح؟ او تنصح اقدم على الهولانديه واريح رأسي لاني ما ابي فرنسا من الاساس؟ |
ما راح تواجه أي اسئلة مستقبلاً لكن طالما تحب تمشي على النظام فالافضل أنك تقدم على السفارة الهولندية و بكذا تريح نفسك و تجلس فيها طول المدة طالما موظف و الدخل ممتاز فنسبة الحصول على الشنغن من أي سفارة ممتازة يتخوف البعض من التقديم على الهولندية و الالمانية رغم سهولتهم كالبقية الاجراءات صارت أسهل و هي موحدة لدى السفارات لذا قدم على الهولندية و لا يهم ان حصلت على سنة أو سنتين أو أربع المهم أنك تسافر وتستمتع و تكون نظامي و اذا انتهت تقدم على فيزا جديدة بالتوفيق |
اقتباس:
عين الصواب .. لكن والله عرض مغري 4 سنوات من الفرنسية هذا اللي مسبب لي تردد . و مالي نفس كل سنه اقدم اوراق و و و و .. لعلي ارسم لي خطه نهائية وارجع لك مع كامل التقدير والمحبة على ردك علي . |
بالنسبة للتأمين يا ابوغسان ضروري يكون على نفس مدة الرحلة وإلا عادي لو جبت تامين سنة كاملة وش رايك؟ |
عادة تأمين شهر يكفي بس يكون شامل مدة الرحلة و لو عندكم تأمين بالعمل غالباً يكون مقبول |
| الساعة الآن 11:59 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO