قصتي مع السفارة الالمانية 26 يناير
 

السلام عليكم جميعا بحكي لكم عن قصتي اليوم في السفاره الالمانيه

تاريخ 26/01/2016

اولا الشكر موصول ل ابو غسان (اخر فرصه ) الله يجزاه خير و لكل من ساهم في المساعده و التسهيل علينا

ثانيا/

جيت ع الموعد حجزت الموعد اون لاين طبعا

المشكله اللي واجهتها و انا م اعتبرها مشكله لاني استفدت كثير من موضوع ابو غسان سهل علي الكثير
الصوره الشخصيه لي انا كانت الابعاد فيها مشكله يعني المصور ما سوى زووم ان بالشكل المطلوب مقاس الصوره 3.5*4.5 لكن الزووم ان فيه مشكله و صور الاهل كانت مناسبه (يعني اللي بيروح يتصور الافضل يطبع نموذج الصور و يخلي المصور في الاستديو يشوفها )
طبعا هم قالو لي عادي بنمشيها و اذا رفضوها من الرياض بنخليك تتصور صوره اخرى

كانو متساعدين لابعد الحدود. و اخلاقهم عاليه جدا

المستندات المطلوبه نفس اللست اللي موجوده في تقرير ابو غسان
.
اللي طلبوها

1-النموذج 54+55
2-كشف حساب بنك 3 شهور او اكثر
3-تعريف بالراتب
4-صورة بطاقة الاحوال لي و بطاقة العائله للاسره
5-تامين طبي
6-حجوزات فنادق (لم يطلبو حجوزات طيران) و ممكن يطلبونها من غيري
7-خطاب من الاب و الام موجه للسفاره لهمن هم اقل من 18 سنه و يكون موقع من الوالدين
8-تعهد بالتكفل بالتصاريف ابو غسان مسوي نموذج يمكنكم طباعته.
9-صورة الموعد
10-صورة الجواز
11- صورتين شخصيه لكل شخص ( الصور اطلع ع النماذج قبل لا تتصور)
و دائما خل معك صور لكل المستندات هم يطبعون لك لو تبي و لكن كل م كنت جاهز تخلص بشكل اسرع و يتعاونون معك بشكل اكبر

و مشكورين و اتمنى اني ساعدتكم ولو بالقليل

الله يعطيك العافيه اخوي ابو غسان

و مشكور و الله لا يهينك

يعطيك العافية يابدر على مشاركة التجربة

يعطيكم العافيه جميعاً
و ابو غسان ماشاء الله تبارك الله مو مقصر مع احد

و اخوي دحوم الموظف الحكومي مدري اش المطلوب و لكن باعتقادي نفس اي موظف لان الطلبات من السفاره الالمانيه و العلم عند الله

مشكور اخي موفق انشاء الله
كم المدة حتي يردو عليك أخبروك ؟

طبعا للاسف كلموني يوم الاحد قالو لي الصور الشخصيه غير مقبوله و باقي الاوراق كانت امورها تمام و اللي فهمته منهم انه فيه طلبات فيزا كثيره تم رفضها بسبب الصور الشخصيه فقط (السفاره الالمانيه)

رحت و تصورت في استوديو في شارع الراكه التجاري جنب بروستد الناعوره و اعطيتهم امس و نقول الله ييسر و يسهل على كلامهم فيه ناس رجعو طلباتهم 3 مرات بسببالصور فقط!!

:) بالتوفيق إنشاء الله . ربك كريم

ردو علي اليوم و قال الجوازات وصلت و اقدر ااستلمها

طبعا سالتهم عن اذا الفيزا تمت الموافقهىعليها او لا قالو اذا جيت تستلم تفتح الملف و تعرف حنا ما نقدر نفتح و

ابشركم الحمد لله استلمت الجوازات الاسبوع الماضي

و تمت الموافقه و اعطوني سنه
اسال الله يكتب لنا الخير

جزاك ربي كل خير على ذكر تجربتك

وان شاءالله راح يستفيدو من ها التجربه:e022::e303:

يعطيك العافية على نقل تجربتك. ..

بإذن الله في إنتظار تقرير

الله يجزاكم خير

و ابشرو ان شاء الله

الله يعطيك العافية يا بدر. وش النموذج 54+55؟؟؟
شكرا