|
محتاج مساعدتكم لو تكرمتوا صبحكم الله بالخير جميعا حصلت مكتب سياحي يقوم بحجز الفنادق و التنقلات الداخليه و الخارجيه في النرويج و السويد و كذلك الطيران والسعر جدا حلو .. بس استفسرت من شخص عنده مكتب سياحي قال لي طلبك راح يرفض حتى لو جبت تعريف عمل من والدك و كشف حساب بنكي له 😳 ؟؟؟ قلت له يا خوي وذا العالم اللي يطلعون سياحه وش وضعهم جلس يصعبها ما اعرف وش وضعه وجلس يقنعني اني اطلع سياحه لإيطاليا عن طريقه 😳 في كل مره اوضح له ان رغبتي أزور الدول الاسكندنافيه يقفلها بوجهي 😳 بصراحه ما اعرف وش نية صاحب المكتب ما اعرف كلامه صحيح ولا غلط فقررت اني اقنع الوالد انه يسافر معي منه يغير جو و ومنه ما اتعرض للرفض ، والرفض له ابعاد وسلبيات .. وش الاوراق المطلوبه في حال طلع معي الوالد ؟ وهل الحجوزات تكون باسمي ؟ ولا ابسم الوالد ؟ وفي حال استخرجت الفيزا وتم القبول و الوالد غير رايه ولا طلع معي هل اقدر اكمل السفره لحالي ؟ هل راح اتعرض لمشاكل في المطار النرويج او السويد اذا كان الوالد مو معي ؟ وفي حال الوالد ما استخدم الفيزا ولم يسافر هل يترتب عليه مشاكل مستقبليه في استخراج الفيز من سفارات ثانيه لأني سألت واحد من عيال عمي وقال ابد مافيه مشاكل مره كان حاجز مع اهله و وكنسلو حجزهم وهو طلع كمل سياحته ؟ والله يا اخوان ما اعرف من اصدق من اكذب كلن يطلع من راسه صوت |
صباح النور ليش مكتب سياحي يعمل لك الحجوزات ؟ اذا عندك نية تعمل حجوزات وهمية لاتقدم على الدول الاسكندنافيه اذا مسافر لهم فعلاً اعمل حجوزاتك حسب خطة سفرك تراهم دقيقين جداً بالامور هذي اذا ماعندك خطة سفر انا مع صاحب المكتب ماهو مشكلة لو خليت صاحب المكتب يساعدك في استخراج التأشيرة اذا ماانت مطمن لصاحب المكتب ممكن تشوف أكثر من واحد |
ماني فاهم شنو تقصد بالحجوزات الوهميه ؟؟ ياطويل العمر خطة السفر واضحه و البرنامج موجود لكن في حال ابوي سحب علي ولا سافر هل فيه مشكله ؟؟؟؟ لاني حريص كل الحرص اني ما انرفض صاحب المكتب قصده ( انه لازم والدك يكون معك لأنهم بيقولون كيف بيتكفل بمصاريفك و هو جالس بالسعوديه ) فهمت الفكره الله يرضى عليك ، مهوب قصده انه ما عندك برنامج السؤال لو حجزت وبرنامجي كامل طيران فنادق والحجوزات مؤكدا و مسار رحلتي واضح بإسمي و لأبوي ، وجا وقت السفر وابوي سحب علي ، ورحت لحالي هل فيه مشكله ؟ |
ماهو مشكلة لو ما سافر الوالد معك ممكن تقول لهم أي عذر لو سألوك مثل جاء امر طارئ و ماقدر يسافر معي |
جزاك الله خير ، طيب اخوي دولة ايسلندا لها سفارة بالسعوديه ؟ من وين تستخرج الفيزا الايسلنديه ؟ مواضيعك عملت عمايل فيني �� الوالد في حسابه ٥٥ الف هل المبلغ كافي لشخصين للسياحه لمده ١٢ يوم لما يقدم كشف الحساب ؟؟ |
مافيه شي اسمه فيزا ايسلنديه كلها فيزا شنغن مالها سفارة بالرياض بس سفارة الدنمارك تقوم بأعمالها نعم يكفي |
أخوي أعمل مثل ما نصحك به نائبنا آخر فرصه من البدايه وهو أن تستخرج فيزتك من دولة ليست إسكندنافيه لأنهم دقيقيين جدا وقد يتم رفضك فإستخرج الفيزه من أي سفارة أخرى ومن ثم أعمل حجز فندق وهمي بالدوله التي إستخرجت منها الفيزه بحيث يكون أطول مدة من بلد وصولك الحجز الوهمي معناه حجز قابل للإلغاء بحيث تلغيه بدون مصاريف بعد وصولك وجهتك ولو الأمر صعب معك يمكنك الإستعانه بالمكتب في إستخراج فيزه إيطاليه كما نصحوك وبها تقدر تدخل أي دولة أوروبيه والمكتب سيعد لك الحجوزات الوهميه بإيطاليا اما موضوع إلزام سفر الوالد معك لأنه المتكفل فليس ضروريا لأنه لا يكتب في التأشيره تحت كفالة فلان ولو سألوك قل كما أخبرك أبو غسان ( حصل ظرف وسيلحقني بعد كم يوم ) بالتوفيق |
اقتباس:
طيب اخوي الله يجزاك خير وش النقاط اللي اتفادها عشان ما أقع في مشاكل مع السفارات ، وجهوني |
اقتباس:
أقرأ المواضيع الموجودة بالبوابة و اطلع على تجارب الاعضاء و هذا مثال http://www.arabtrvl.com/vb/t15144.html |
اقتباس:
بمعنى ما تكون مسافر بعد أسبوع وحجوزاتك الوهميه + الفعليه تنتهي بعد الإسبوع ولو بيوم واحد زياده ،، وإقرأ الموضوع الذي وضع لك رابطه نائبنا وبإذن الله تتيسر أمورك |
| الساعة الآن 04:55 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO