|
مقيم وتجربتي في استخراج شنغن من فرنسا السلام عليكم ورحمة الله صراحة أعجز عن شكركم في هذا المنتدى الي استفدت منه الكثير وحبيت اطرح تجربتي لكم لعلها تكون مرجع للاخوة الاعضاء او الزوار وردا مني للجميل لجميع الأخوة في المنتدى تم التقديم عن طريق المركز الموحد بجدة وتم ارفاق عدة مستندات عشان أقوي موقفي وهي كالتالي طبعا الصور والتأمين والفندق وحجز الطيران والابلكيشين هذي كلها اساسيات , زدت عليها خطاب تعريف بالراتب من الكفيل وفي نفس الوقت خليته تعهد من الكفيل اني ارجع ومقتبس من نموذج الاخ اخر فرصة . وفي خطابي للسفر ذكرت انه للسياحة واضفت عليه اني اتعهد واقر بعودتي حسب تذاكر السفر المرفقة وفي حالة اني خالفت الخطاب وقدمت لجوء يستخدمون هذا الخطاب ضدي . بعد ماسلمت الاوراق في المكتب بساعة جاتني رسالة أن اوراقي راحت القنصلية وفرحت بالسرعة هذي وانتظرت 14 يوم لا حس ولا خبر قلت اروح المركز اتأكد وعند زيارتي لهم افادني الموظف ان جوازي للان في القنصلية بحثت عن رقم القنصلية واتصلت عليهم اليوم الثاني ردت علي موظفة لبنانية في قمة الادب والاحترام واخبرتني برفض طلبي , لا اراديا قلت لها الحمدلله على كل حال وانا حاس وجهي كان زي كذا :19: سألتها ليه سبب الرفض وهل في حل او لا جاوبتني فين سافرت اعطيتها الدول الي سافرت لها وقالت لي تقدر تجيب خطاب من كفيلك يضمن عودتك قلت لها اوكي واحنا ندردش قلت لها انا مواليد السعودية ولي اخوات سعوديات ووالدتي كمان مواليد السعودية , البنت قالت لي جيب لي كل مستنداتك الي قلت لي عنها وترجمها في مركز معتمد انجليزي او فرنسي . جهزت الاوراق ورحت أمس الثلاثاء للقنصلية قسم التأشيرات سلمت الاوراق وقابلت الموظفة الله يسعدها وين ما كانت اخذت مني الاوراق وقالت لي اعطيني رقم جوالك سجلت الرقم وخرجت اجر أذيال الهزيمة من القنصلية وكنت حاس اني مرفوض . اول ماركبت السيارة جاني اتصال من رقم ثابت رديت طلعت نفس الموظفة الله يسعدها قالت لي استاذ فلان متى راح تسافر قلت لها سفري كان 3 مايو وتأخر جوازي ومضطر اعدل كل شي اذا جات موافقة . الى هنا حلو الكلام قالت لي شوف بس لازم لازم ترجع قلت لها اوكيه اصلا انا باقي ماشغلت السيارة الان ارجع لكم . ضحكت وقالت لي لا لازم ترجع السعودية وانا احسب تبغاني ارجع اكمل اوراق أو شي و تجيني ام الركب ههههههههههه قلت لها ان شاءالله اني راجع وفجأة قالت لي راح نعطيك تأشيرة 3 شهور عشان جوازي باقي فيه 9 شهور وينتهي لو كان فيه مدة اكثر كان زادت التأشيرة . انا طبعا لا أخفيكم أنواع التكليجات مدري وش كنت اقول وحاولت استرجع كلامي معاها عشان انزله بالموضوع والله ماني متذكر وش قلت لها المهم الي اذكره كلجت كم مرة . قالت لي العصر تروح تستلم جوازك من المركز رجعت مكة طبعا ورحت لهم اليوم الي هو الاربعاء استلمت جوازي ووقعت بالاستلام وانا عند الشباك فكيت الظرف ماني مصدق والاقي الحمدلله التأشيرة 3 شهور بدأت من يوم أمس دخول متعدد . لأن حسب رحلتي الاولى التأمين انتهى واحتاج تأمين جديد وحجز طيران وفنادق كلها انتهت والموضوع مشي بدون أقدم اي حجوازات جديدة أو وثيقة تأمين جديدة . صدقوني استفدت من هالمنتدى الشي الكثير وأسأل الله العظيم رب العرش العظيم أن يجزي كل شخص هنا بكل خير . واعذروني على الإطالة ابغاكم تعيشو معي اللحظة . وتحت أمركم في أي استفسار انا حاضر |
ما شاء الله مليون مبروك و الله فرحنا لك تستاهل كل خير بس لازم ترجع ههههههه تجربة جميلة و تفتح أمل لكل متردد بالتقديم جميل تعامل هذه الموظفة الله يرزقها شكراً لطرح تجربتك و بالطبع ننتظر منك تقرير بعدها و لا تنس ان هذي الخطوة الاولى لاتدخل البلد الا حجوزاتك مضمونة و معك تأمين جديد لأن هذي باب للتأشيرات القادمة بمشيئة الله |
ماشاء الله مبروووووووووووك تستاهل |
الف مبروك التاشيرة اتمنى لك سفرة سعيدة عقوا للسؤال ,,,ايش جنسيتك ؟؟ |
اقتباس:
وشكرا على النصيحة |
الله يبارك فيك ويسعدك ويحرم وجوهكم على النار جميعا |
اقتباس:
الجنسية يمني مواليد مكة المكرمة |
صادفتني حاجة غريبة في التأشيرة في موضوع الاخ اخر فرصة وشرحة لقراءة التأشيرة مكتوب سطر ان التأشيرة للسياحة ولا يحق له العمل في تأشيرتي مافي السطر هذا مكانه فاضي هل هذا يكون خطأ مثلا في اصدار التأشيرة او لا ؟ |
ألف مبروك واشكرك على طرح تجربتك رحلة سعيدة |
اقتباس:
شكرا مراقبنا العزيز والله يعطيكم العافية |
انا ابضا مقيم في المملكة..قدمت طلب التاشيرة يوم الثلاثاء الماضي ولم تصلني اي رسائل للان..متخوف جدا من الرفض قدمت خطاب تعهد من العمل انه لازم اعودالمرتب الحمدلله جيد واعمل لدى شركة بوبا..ماهي فرصي في الحصول على التاشيرة؟؟ |
المقيم ياخذ فترة 14 يوم على الاقل انا موضوعي كله جلس تقريبا 18 يوم وبالنسبة لفرصك على الحصول على التأشيرة محد يقدر يجاوبك الا اذا عرف جنسيتك ووظيفتك وتفاصيلك الباقية بالتوفيق |
ألف مبروك أخونا k1k90 وتروح وترجع بكل سلامه وبوجود هذه التأشيره وسفرك بها وعودتك في الموعد المقرر سيكون دافعا لنيل فترة طويله في تقديماتك القادمه بإذن الله وطبيعي تأشيرة الشنجن ليس مسموحا بها العمل سواء كتب ذلك أو لم يكتب فلا يوجد خطأ ننتظر منك تقرير جميل للرحله وبالتوفيق إن شاء الله |
اقتباس:
بإذن الله تبشر بالقبول قريبا |
اقتباس:
|
اقتباس:
اسأل الله في هذه الساعة أن يبارك لكم جميعا ويحرم وجيهكم على النار |
الف الف مبروووك .. ورحله سعيده .. ياليت رقم السفاره هولمز |
القنصلية الفرنسية العامة بجدة العنوان: P.O Box 145، الشعراء، الحمراء، جدة 21411 الهاتف:0126108900 |
علي البركه ومن التجارب التي أحب أن أقراها وهي تجارب المقيمين شكرا لك |
اقتباس:
|
الحمدلله تم الحصول على الشنغن الفرنسية:e50d::e50d: |
ألف مبرووك الحصول على الشنقن وسفرة سعيدة إن شاء الله .. أصبح التقديم الآن يسبب رعب كبير بسبب الأوضاع الحاصلة اللي نتمنى إنها تنتهي على سلام قريباً .. أنا من نفس جنسيتك وناوي إن شاء الله في سبتمبر على أسبانيا وبعد عيد الفطر إذا الله أحيانا بقدم على الفيزا .. ما أكذب عليك إني صرت متخوف من الموضوع رغم إنه أوضاعي كلها تمام يمكن مطّمن من شغله وحده إني سبقت طلعت شنقن في ال 2013 يمكن هذا يدعم موقفي شوي .. إستفساري يالغالي : لأول مرة تطلع شنقن ؟ الشي الثاني جوازك دفتر جديد أو تم تمديد الصلاحية بختم ؟ وتقبل مروري .. |
اقتباس:
|
اقتباس:
قدم وبإذن الله تتيسر أمورك وتآجي تبشرنا وبخصوص الجوازات فيفضل يكون جواز ليس مجددا فبعض الدول لا تقبل الجوازات المجدده والسيستيم عند وضع الباركود يظهر تاريخ صلاحية الجواز الأصليه وليست المجدده |
مبروك اخوي على التأشيرة ياليت تفيدني بالمدة المتبقية للإقامة(السعودية) وكم مدة صلاحية الخروج والعودة؟ |
مبرووووكك |
الف مبرووك وشكرا على طرح تجربتك |
| الساعة الآن 11:19 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO