|
تجربتي في استخراج الشنقن من السفارة الالمانية [C ENTER]السلام عليكم في البداية احب أن أشكر خبيرنا الغالي ابو غسان وباقي الخبراء والاعضاء الذين شرحوا طريقة وخطوات استخراج فيزا الشنقن وللامانه الشرح كان وافي و وفر علي المبالغ الي يأخذونها المكاتب وحبيت انقل تجربتي في استخراج الشنقن الالمانية لي ولزوجتي وابنائي الاربعة من المكتب الموحد في الرياض و سوف أوضح بعض النقاط والملاحظات التي يجب الانتباه لها اولا: تم حجز الموعد عن طريق النت لعدد ستة اشخاص في قسم العوائل بمبلغ 750 ريال الشخص الواحد ب 125 ودفعتها بالفيزا ثانيا : كان الموعد يوم الاثنين الموافق 9 مايو الساعة العاشرة صباحا وتم الحضور في الموعد واخذ رقم من الاستقبال بعد تقديم ورقة الموعد حيث انهم لايلتزمون بالوقت المحدد في الموعد بل حسب الارقام ثالثا : يجب حضور جميع افراد الاسرة الي اعمارهم 12 سنة فما فوق للتبصيم رابعاً : تم تقديم الاوراق بعد انتظار نصف ساعة وطلبو مني خطاب موجه للسفارة متضمن اسماء العائلة والغرض من الزيارة وبصراحة ماكنت مجهزه معاي لأني ماحصلت له نموذج في المنتدى أو اني نسيته وما قصرت الموظفة كتبت الخطاب بنفسها خامساً : فيه اوراق وتعهدات كنت مرفقها وقالو ما نحتاجها مثل التعهد الطبي غير مطلوب من الجميع وحجز الطيران غير مطلوب وقائمة التشيك لست غير مطلوبة [B][U]سادسا : لم يقبلو الصور الشخصية الي كانت معانا مع انها كانت نفس المقاس المطلوب 35*45 وكل الاستديوهات الي صورت عندهم قالو انها هي المقبولة للشنقن لكن الالمانية معقدين شوي يقيسونها بالمسطرة وطلع فيها فرق 2 ملم ويقولون لازم تكون الصورة بس للوجه من الدقن لين شعر الرأس يعني مايكون في الصورة غير الوجه واضطريت اني اطلع للاستديو الي في الشارع المقابل واصور الصور على طلبهم والحمد لله قبلوها سابعاً : [B][U]حجز الفنادق ضروري يكون لكامل المدة الي محددة في الابليكيشن وترفق صورة من الحجوزات لكل طلب وكذالك تعريف الراتب او ترجمته لازم ترفق في كل طلب مع التأمين الطبي أخيراً : رسوم الفيزا كانت كالتالي بدون رسوم الموعد : 260 ريال للي اعمارهم فوق 12سنة + 5 ريال قيمة الرسائل النصية المجموع = 265 ريال 150 ريال للي اعمارهم فوق 6 سنوات واقل من 12 سنة + 5 ريال للرسائل النصية = 155 الي اقل من 6 سنوات مجانا فقط تدفع قيمة الرسائل النصية 5 ريال ملاحظة : حجز الفنادق مو لازم تنكتب فيه اسماء جميع المرافقين اهم شي اسم المتكفل بالمصاريف يكون واضح طبعا قدمت الطلب يوم الاثنين 9 مايو واستلمتها يوم الخميس 12 مايو بصراحة ما طولت لكن تفاجأت ان المدة بس سنة واحدة مع ان جوازات ابنائي وزوجتي جديدة بس ممكن علشان جوازي باقي فيه سنتين وأي استفسار أنا حاضر |
ماشاء الله تبارك الله مبروك عليك التأشيرة وان شاء الله سفرة الهنا |
ما شاء الله 1000 مبروك الفيزا و المدة فعلاً عشان جوازك مدته قصيرة لأنك المتكفل بالمصاريف الصور لم تقبل لأن الاستديوهات غالبيتها غير ملتزمة بالمقاسات تماماً لكن ايش الخطاب اللي كتبته الموظفة هل تقصد خطاب تكفل بالمصاريف ؟ اذا ما كان هو يعني زيادة من عند الموظفة لأن الغرض من الزيارة مذكور في النموذج رائع ذكرك تجربتك بالتفصيل لأن كثير راح يستفيد منها و الواضح أن الاجراءات بدت تخف أكثر الله يعطيك العافية و شكراً لذوقك |
اقتباس:
الله يبارك فيك ويجزاك خير |
1 مرفق اقتباس:
الله يبارك فيك اخوي ابو غسان بالنسبة للخطاب هو خطاب التكفل بالمصاريف( موجود النموذج بالمرفقات ) لانه كان نموذج جاهز عندهم وكتبت فيه الموظفة جميع اسماء عائلتي و قالت وقع عليه مع اني لقيت واحد من الاخوان في الاستديو الي رحت اعدل الصور فيه جاي يدور هذا النموذج قلت له انا الموظفه سوته لي قال انها رفضت وطلبت منه يرفقه طبعا غير تعهد الموافقة بالسفر لكل ابنائي الي كنت مرفقه في كل طلب |
السلام عليكم مبروك عليك وتستاهل وأتمنى لكم رحلة ممتعه ، عندي استفسار بسيط ياغالي ، أنا رحلتي بتاريخ 9/7/2016 إلى 23/7/2016 وهاليومين قاعد أجهز طلبات الفيزا ، علماً أن الوصول والمغادرة بتكون من ميونخ !! وهذا مسبب لي إشكالية ؟ هل يجب علي أن يكون خط السير والمكوث أكثر بألمانيا !؟ أو أنه يكفي أن الوصول والمغادرة من ألمانيا !؟ لأن من ضمن طلبات الفيزا ( حجوزات الفنادق ) وأخاف لو كانت عدد الأيام بألمانيا قليلة يرفضون الطلب !؟ ف ما العمل ؟ هل أحجز حسب المخطط أم أضطر للمكوث بألمانيا أغلب أيام السفر !؟ بإنتظار ردك يالغالي ! |
وأيضاً ، استفسار آخر !؟ بخصوص إثبات المورد المالي ؟ هل يكفي تصوير الفيزا !؟ |
:e201::e201: |
اقتباس:
وعليكم السلام الله يبارك فيك وعقبالك ان شاء الله طبعا المفروض تستخرج الفيزا من الدولة الي بتجلس فيها اطول مدة لكن انت قدم حجوزات وهمية من بوكنق وراح تمشي امورك انا يوم قدمت عليهم ماكنت مرفق الا حجز أول خمسة ايام وسفرتي 14 يوم قالت الموظفة لازم ترفق حجوزات باقي الايام ودخلت على البوكنق من الجوال وانا عندهم وحجزت ونزلت طبعت تاكيد الحجز وعطيتهم ومشت الامور وبعد ما استلمت الفيزا الغيت الحجز احجز الغاء مجاني لاكثر المدة في المانيا وارفقها مع الطلب وتوكل على الله وخل مخططك زي ماهو وماعندك مشكلة واذا طلعت الفيزا الغ الحجز |
اقتباس:
نعم الفيزا تكفي مع تعريف الراتب وما يحتاج كشف حساب واذا مو موظف ارفق كشف حساب مع الفيزا |
شكرا .لذكر تجربتك وايضاح النقاط المهمة .سؤالي اذا كان لديك فكرة ..هل هناك فترة محددة بين تقديم طلب الفيزة وموعد السفر . |
الله يجزاك خير ياغالي ، ماقصرت ، وأبيض وجه ، أفدتني كثير ، |
طيب لو سمحتو بدأت احجز موعد للتاشيره و طلع لي خيارات هل ابغى الموعد بالميل سكشن او فيميل سكشن ايش اختار احنا عائله؟؟ بقسم الرجال او النساء ؟؟ |
اخواني اللي عنده خبره بالسفارة الالمانيه حاليا لانهم قالو غيرو في الشروط موعدنا الاثنين جهزنا ( الجوازات طبعا��) حجوزات الفنادق .. الابليكشن،، التامين الصحي ،، الصور لكل شخص،، تعريف الراتب ،، هل صحيح ان بطاقة العائله والهويه مطلوبات باللغه الانجليزيه ؟؟؟ وايش ناقصنا الان �� |
السلام عليكم مبروك الحصول على التاشيرة وشكراً لك من القلب على معلومات القيمة التي افادت الكثير وانا في مقدمتهم اخي الكريم عندي بعض الاستفسار ات اتمنى ان تتكرم وتجيب عليها ولا استغني بعد اذنك عن مداخلة استاذنا ابو غسان معك لعلكم تكملو لي استفساري
|
شكرا لذكر تجربتك وعلي البركه |
اقتباس:
|
اقتباس:
|
اقتباس:
آسف على الـتأخر بالرد نعم لاتزيد الفترة بين التقديم وموعد السفر عن 90 يوم |
اقتباس:
العفو طال عمرك |
اقتباس:
آسف على التأخر بالرد لانشغالي الافضل في قسم العوائل لانه فيه موظفات سعوديات |
اقتباس:
اسف على التأخر بالرد لانشغالي غير صحيح المطلوب صور لها فقط |
اقتباس:
حياك اخوي بالنسبة لقسم العوائل افضل لان فيه موظفات سعوديات تعاملهم راقي ومتعاونات وعلشان يقدرون يتاكدون من هوية النساء بالكشف على الوجه اذا معاك نساء اعتقد تقدر تغير القسم من الاستقبال الي تاخذ منه الرقم اذا جاء يوم موعدك ويمكن الخبراء يفيدونك في هالنقطة بالنسبة لتعبئة النموذج اكتب رجل اعمال وتمشي امورك ان شاء الله |
اقتباس:
الشكر لله اولاً ثم لكم ولجميع المشرفين والخبراء والأعضاء الي استفدت منهم |
اقتباس:
بصراحة تلخبطت شوي المرفق هل هو نموذج تكفل بالمصاريف ؟؟ ولا الخطاب اللي طلبوه منك المكتب الموحد الموجه الى السفارة ؟؟ |
سفرة سعيدة ان شاء الله عندي استفسار عن خطاب التكفل بالمصاريف هل هذا هو المعتمد عندهم واحط نسخة موقعة في كل ملف وجزاك الله خير الجزاء |
اقتباس:
هو خطاب التكفل بالمصاريف ماكنت مرفقه وسوته الموظفه لي لان النموذج ماهو موجود في المنتدى تكتب فيه جميع اسماء المسافرين معاك وتتعهد بتكفل بمصاريفهم والنموذج المطلوب ارفقته في احد الردود في هذا الموضوع طبعا غير خطاب او تعهد الموافقة بالسفر للي اعمارهم اقل من 18 سنة اتمنى يكون الشرح واضح واذا فيه سؤال انا حاضر |
اقتباس:
الله يسعد ايامك وعقبالك ان شاء الله نعم هو المعتمد تعبي فيه كل افراد الاسرة وتوقع انك متكفل بمصاريفهم ويكفي خطاب واحد فقط يرفق في طلب المتكفل بالمصاريف ومايمنع تاخذ نسخ اضافية يمكن كل موظف له طلبات تختلف |
اخوي طلبو منك بطاقة عمل |
اقتباس:
|
اقتباس:
لا بس جبت لهم تعريف الراتب من العمل |
اقتباس:
العفو |
مبروك عليك وتروح وترجع بكل سلامه وجميل ما أوردته من ملاحظات بخصوص الحجز الفندقي والصور وشروطها في الألمانيه يديك العافيه ما قصرت |
| الساعة الآن 10:16 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO