![]() |
هنــا تجربتي في استخراج فيزا فرنسية من جــدة + استفسار السلام عليكم هلا باحلى اعضاء ومشرفين في احلى صرح سفر وسياحه احب انقل لكم تجربتي ( الثانيه ) في استخراج فيز فرنسية من المركز الموحد بجدة سبق وان استخرجت فيز فرنسية قبل سنتين ( ايام الزواج ) ولكن الفيز السابقة تنتهي يوم 10/10 / 1437 هــ وانا مخطط اسافر شهر ذي القعده حجزت موعد لثلاثه جوازات ( انا و المدام وطفلي ) طبعا انا من سكان مدينة أبها كلمت مكتب هنا قال الجواز بــ 1000 ريال قلت مع نفسك انا اولى بالــ 3000 الاف اطلع فيز واغير جو بجده ويك اند :31: حجزت موعد وحرصت يكون يوم الخميس عشان اربطها بالويك اند 3 جوازات × 124 ريال واخذت معي الاوراق اللي توقعت يطلبها تذاكر سفر - حجز بوكينق ( ماتوقعت يطلبونها ) - صور شخصية - صور الجواز وصور الفيز السابقة تعريف عمل وترجمته - تأمين طبي من التعاونية وفعلا ذهبت على الموعد وتركت الاهل بالسكن ودخلت على موعدي بالضبط 12:30 الظهر مافيه زحمة اخذت رقم واخذت 3 نماذج وعبيتها ( وهنا عانيت معاناه من التعبأة + يروح عليك سراك وتضطر تمسك سرا مره ثانيه فعبها في البيت افضل ) وبعدها رحت للموظف طلب التالي / النموذج صور الجواز وصور الفيز تعريف العمل التأمين الفنادق ( ماتوقعت ياخذها ؟؟ !! ) تعهد وقالي رتب باقي الاوراق مثل هالترتيب للزوجة والطفل حجوزات طيران ماسأل عنها ولا شافها خلصت وعطاني نموذج ارامكس عبيته وحط الاوراق في ظرف وقال رح التبصيم طبعا اخذ مني للـ 3 جوازات 650 ريال مع التوصيل لأبها دخلت على الموظفة ناظرت فيني شوي :21: وقالت خلاص مع السلامه ( لم نبصم لانا سبق ان بصمنا + الاطفال لحد 12 سنه ما يبصمون ) طلعت والساعه 3 العصر جت الرسايل انها ذهب للسفاره يوم الثلاثاء الماضي جت الرسايل انها اصبحت جاهزه وهي في المركز الموحد يعني 4 ايام عمل الاستفسار لحد الان ما جت اي رساله من ارامكس ولا جت جوازاتنا رغم ان الرسالة مثل ما خبرتكم تقول الجوازات جاهزه للاستلام من المركز الموحد فايش الحل ؟؟ وسلامتكم |
و عليكم السلام تجربة مميزة راح يستفيد منها الكثير الله يعطيك العافية و بالنسبة لاستفسارك اصبر راح يتصلون عليك |
شكرا لذكر تجربتك اي والله انت اولي تغير فيها جو راح يتصلون عليك يا عزيزي احسب ايام العمل للبريد من جده لأبها |
ممكن تتصل على الرقم المجاني بارامكس وتستفسر برقم جوالك اللي كتبته في عنوان الاستلام وان شاء الله يقولون لك متى توصيله بالتوفيق |
اقتباس:
يعافيك اخوي الغالي اتمنى ذلك |
اقتباس:
العفووو الشكر لك على تواجدك |
فعلا اثاري الجواز واصل من 4 ايام لكن ارامكس ما اتصلو في الحمد لله استلمت الجوازات 4 سنوات للطفل سنتين لي وللمدام بحكم ان جوازاتنا ما تبقى فيها الا سنتين وكم شهر |
على البركه |
معليش سؤال يالغالي الموعد حجزته عن طريق النت ولا اتصال لاني اشوف موقعم كاتبين ان قنصلية جده الاتصال وواضعين رقم وسفري بعد نهاية ذو الحجة حجز تذاكر طيران وهمية واروح ولا انتظر الى رمضان |
اتمنى الرد |
الساعة الآن 08:27 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO