|
هذا ما تم معي في السفارة الالمانية السلام عليكم ورحمة الله وبركاتة بفضل من الله تم تقديم الجوزات على السفارة الالمانية للحصول على التأشيرة الاستعداد لجميع الطلبات • تعبئة استمارة طلب الحصول على تأشيرة لكل فرد على حدة • ارفاق جميع حجوزات الفنادق طوال فترة الاقامة • ارفاق تامين سفر او ما يسمى تامين صحي • ارفاق تعريف براتب • ارفاق كشف حساب مختوم من البنك او بطاقة فيزا • ارفاق صورة الجواز الاولى مع صورة للتوقيع الجواز وصورة الفيزة اذا كان هناك فيزة قديمة • ارفق بطاقة الاحوال وصورة لبطاقة العائلة لكل فرد من افراد الاسرة • ارفاق عدد 2 صورة لكل متقدم • ارفاق خطاب تكفل بالمصاريف موجود في موضوع الاخ abmd2004 بالرد رقم 5 بالمرفقات والحقيقة اقدم له الشكر الجزيل • ارفاق تعهد سفر للاولاد لكن الاخت اللي في الكونتر اعطتني نموذج يحمل شعار السفارة الالمانية وقمت بتعبئتة عندها ماشاهدات داخل صالة التقديم على الفيزة بالنسبة للسفارة الالمانية • جميع الموظفات الذين يعملون على استقبال الطلبات يتحلون بروح الطيبة وتقديم المساعدة للجميع فشكراً لهم من القلب وهذا ما نفتخر به من بناتنا السعوديات • التدقيق بشكل مهم على مقاس الصورة لدرجة انهم يخذزن قياس الصورة بالمسطرة • حجز الطيران غير مطلوب • دفع الرسوم كاش ولا يوجد عندهم ماكينة سحب الي • قمت بالتبصيم انا وعائلتي مع العلم انني مبصم من قبل وبالنسبة للاطفال من سن 12 زما فوق يتم تبصيمة • الافضل حضور جميع افراد الاسرة اللي اعمارهم من 12 وما فوق هذا ما عندي وانا حاضر الى اي استفسار لعلي ارد ولو بشي بسيط من ما قدمة لي هذا المكان الجميل اخيراً اتقدم بالشكر الجزيل الى اخي اخر فرصة على كل ما يقدمة من تسهيلات ومعلومات تخص التاشيرات خصوصاً ومعلومات السفر عامة دمتم بخير جميعاً |
وعليكم السلام ورحمه الله وبركاته كل الشكر لك علي ذكر تجربتك ابوعبدالله |
بالتوفيق ان شاءالله وشكراعلى هذه المعلومات .. ذكرت بالطلبات -ارفاق كشف حساب مختوم من البنك او بطاقة فيزا - فهل بطاقة الفيزا تكفي بدلا من كشف الحساب . وشكرا |
اقتباس:
الشكر لله ثم لكم على ما تقدموه من تذليل للعقبات التي تواجة المسافر قبل وخلال سفرة شكراً من القلب لك استاذ فيصل |
اقتباس:
نعم تقديم كشف حساب او صورة من بطاقة الفيزا واحدة منهم تكفي |
شكرا لك عندي كم سؤال حجزنا موعد لزوجي عند الرجال وموعد انا وبناتي عند الحريم بنفس اليوم ونفس التوقيت عادي يدخلوننا جميع عند قسم النساء؟؟ هل حجوزات الفنادق دققو فيها كم يوم بتجلس المانيا وكم بغيرها ؟؟ لان احتمال نجلس بالمانيا اقل من غيرها بناتي اعمارهم تحت السبع سنوات اخذهم معي ولا مو لازم؟؟ |
سؤال اخير اثناء تعبئة الابليكيشن اختار سفره واحده ولا سفرات متعدده؟؟ |
اقتباس:
* اختي بيوم موعدكم عند >هابكم الى الاستقبال للإخذ رقم بلغوه انكم تبون تسون اوراقكم في قسم العوائل ويبي يعطيكم رقم على العوائل .... بس ضروري ورقة الموعد تكون معكم لان موظفة الاستقبال تطلبها منكم * بالنسبة للحجوزات نعم دققو فيها حتى واحد من الفنادق ما كان رقم الحجز باين في الورقة طلبو مني رقم الحجز والحمد الله كان عندي في الجوال ... لكن يا اختي هم يدققون على انه الحجز ساري المفعول وما يكون ملغي * بالنسبه للاولاد تحت 12 سنه مو ضروري حضورهم لان عندي بنتي عمرها اقل ما اخدتها معي ... لكن يا اختي احرصي ان تكون صورك انتي باين منابت الشعر والبنات والاولاد يكون الشعر مرفوع الى الخلف اتمنى اني قد اجبت على ما طرحتي من اسئلة |
تجربة جميلة يابو عبدالله ذكرك للتفاصيل و الملاحظات رائع يفيد غيرك كثير شكراً لطرح تجربتك و شكراً لذوقك الله يسعدك |
اقتباس:
|
اقتباس:
الشكر لك بعد الله وما افعلة الان رد بسيط من كثير انتم منحتونا اياه أسال الله لك السعادة في ضل من تحب |
تسلم على ذكر التجربة بهذا اليسر وهذه الشفافية تروح وترجع بالسلامة بإذن الله |
اقتباس:
الله يسلمك يارب شكرا لك على المرور الجميل |
بالنسبة لي اعطيتهم كشف حساب من البنك لمدة شهور ويشترطون مبلغ يغطي مصاريف الرحلة يعني اذا في الحساب 15000 واكثر امورك زينه [emoji1310] Sent from my iPhone using Tapatalk |
شكرا لك |
حياك الله شفت لك موضوع تستفسر عن المرافق فوق 10 سنوات هل يصدر له فيزا او لازم يكون بجواز منفصل.. لكن مدري وش صار معك هل فصلت المرافق أم رحت للمركز ووافقوا على اصدار الفيزا ؟ وان كان وافقوا عند حجز الموعد يرفض الحجز لأكثر من شخص بنفس رقم الجواز ..فكيف حجزت موعد للمرافق؟ أيضا عند حجز الموعد مكتوب Male Section و Female Section ان كان المقصود بأنهم فصلوا النساء عشان عند التحقق من تطابق الوجه مع الجواز فكيف أقدر أحجز موعد عائلي في نفس الوقت وهم منفصلين ؟! جزاك الله خير |
شرح رائع ومرتب يابو عبد الله يديك العافيه ونتمنى لكم رحلة سعيده وعودة سالمه غانمه ولا تنسنا من تقريرك المصور لتعم الفائده |
السلام عليكم ورحمة الله وبركاتة أولاً أود أن اشكر كل من يشارك ويقدم المساعدة للأخوان عندي استفسار بالنسبة للتوقيع على الجواز ( جواز الزوجة يتم التوقيع في اي صفحة ومن اللي يوقع الزوجة ام الزوج ) ارجو التوضيح وبالنسبة لجواز الزوج هل يتم التوقيع من صاحب الجواز ام ماذا بليز ردو ضروري التقديم بيكون شنغن من المانيا |
للرفع �� |
اقتباس:
|
اقتباس:
اعتذر عن التاخير نعم كنت استفسر وماني مرتاح البعض يقول ما فيه مشكلة والاخر يقول فيه مشكلة وحتى المديرية العامة للجوزات كانت تنبه على ان بعض الدول لا تقبل بالمرافقين عن نفسي فضلت ان اصدر جواز مستقل لطفلتي لعدم الوقوع في اشكالية عند التقديم تم اخذ موعد عائلي تدرج فيه جميع اسماء افراد العائلة ويكون بوقت واحد ولا داعي لإخذ موعدين واذا كان فيه مرافق يكون ا الموعد مع حامل الجواز الاساسي برقم حامل الجواز الاساسي نعم هناك قسم للافراد وتستطيع تقديم جميع طلباتك عندة ويكون مستقبل الطلبات رجال اما قسم العائلات فتكون مستقبلة الطلبات موظفة سعودية وانا افضل تاخذ موعد بالقسم العائلي وبخصوص مطايقة النساء عند التبصيم تكشف عن وجهها للموظفة للمطابقة لعلي افدتك وانا حاضر الى اي استفسار اخر دمت بخير |
اقتباس:
تشرفت بطلتك |
ي الغالي يكفي تعريف بالراتب ولا كمان لازم كشف حساب |
اقتباس:
لابد من تعريف براتب + كشف حساب |
يعطيك العافية يابو عبدالله رحلة سعيدة |
الله يعافيك انا بسآفر انا واهلي من دون الوالد , هل اذا حبت كشف حسآب بآسم الوالد وتعريف بالرآتب ماراح يكون في آشكالية ؟ والاستفسار الثاني لاهنت بخصوص حجز الموعد لدى المركز الموحد يكون اثناء تعبيئة الابلكيشن ؟ وعندي نقطتين مافهمتها يآليت توضحها لاهنت وهي مع العلم جميع المسآفرين آعمارهم فوق 19 سنة • ارفاق خطاب تكفل بالمصاريف موجود في موضوع الاخ abmd2004 بالرد رقم 5 بالمرفقات والحقيقة اقدم له الشكر الجزيل • ارفاق تعهد سفر للاولاد لكن الاخت اللي في الكونتر اعطتني نموذج يحمل شعار السفارة الالمانية وقمت بتعبئتة عندها |
اقتباس:
التوقيع على الجواز يكون من قبل صاحب الجواز والاطفال يتم توقيع الجواز من قبل ولي الامر الاب |
| الساعة الآن 09:50 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO