|
تجربتي يوم الخميس في المركز الموحد بالرياض شنقن ألمانيا السلام عليكم ذهبت بالامس للمركز الموحد بالرياض طبعا منسق مع مكتب وبحكم اني برا الرياض ارسلت صور الجوازات له واتس وبالتنسيق على يوم 19 مايو الساعه 12 ظهرا طبعا حضرنا 10 صباحا احتياطا طبعا مصور اكثر من نسخه ومع ذلك صورت من جديد عندهم ماابي يقول الصورة غير مناسبة تواصلت مع المنسق حق المكتب تقابلنا وياه فوق طلب مني 1- الجواز ونسخه منه 2- صور شخصية 3- صورة الاحوال للمسافر 4 - كشف حساب 3 شهور يكون فيه مبلغ محترم 5- تعريف بالراتب انجليزي طبعا المكتب اللي عن طريقه يطلع التاشيرة مجهز 1- الابلكيشن 2- حجز فندق 3_ موعد 4-تامين سفر ضبطها وراجاعها قال انتوا حاضرين مبكر بحاول يعطينا رقم اذا مهوب زحمه راح ورفض الموظف يقول موعدكم 12 لكن اذا جاء 11 عطيتكم رقم وفعلا على 11 دخلنا الصالة زحمة جدا وخاصة كونترات الالمانية وعلى كثر حتى الكونترات الاستقبال وخذك انتظار لين 12.55 الظهر استلم اوراقنا ونحن بالانتظار فقط ننتظر يخلص وينادينا نبصم 1.10 طالعين من المركز بعد صلاة المغرب وصلتني رسائل انه ارسلت للسفارة وكذلك اخرى انه استلمتها السفارة وتحت الاجراء . الاستنتاج من التجربة : اولا : أن الموضوع لايستحق مكتب لاستخراج الفيزاء بدا ابدا الموضوع بسيط اذا ماتعرف تعبي مر اي مكتب يعبي الابلكيشن 50 ريال وبنفسك تستخرج التامين وتامن باقي الطلبات سهله جدا وحجز موكد لفندق ولاتلغيه لا بعد اصدار الفيزاء ثانيا تجنب الزحمه والموسم والتقدم لطلب الفيزاء قبل الرحلة بمده لا تقل عن 85 يوم لاني شاهدة شخص يريد الفيزاء قبل يوم الثلاثاء القادم لانه يوم الرحلة :26: طيب وينك قبل المده هذي كلها طبعا فيه صالتين صاله للعوائل والموظفات نساء وصاله للرجال فيها موظفين رجال والله يسهل الامور ويعطونا الفيزاء وبمده تستاهل يارب نتمنى للجميع كل التوفيق اخوكم أبــو تــالــيــن |
السلام عليكم اخوي الله يهنيك بالرحله وتروح وترجع ان شاء الله بالسلامه عندي كم سوال اذا ممكن الفيزا تجلس كم يوم وتطلع بتسافر معاي خالتي و زوجه مش راح يسافر يعني بتسافر معاي السوال عيال خالتي كيف ابوهم يوقع علي النموذج للخروج لهم ثالثا ما يحتاجون صور من حجوزات تذاكر الطيران ام فقط الفندق يكفي وانا اسف اذا كثرة بالاسئله وشكرا والله يوفقك من حيث لا تحتسب |
و عليكم السلام فعلاً الاجراءات سهلة و لا تعقيد فيها و اتمنى الكل يبدأ بحجز مواعيد من الآن قبل الزحمة شكراً لطرح تجربتك و ذكر تفاصيل هامة الله يسعدك أبو تالين |
اقتباس:
حياك الله جاوبت قدر معرفتي واعذريني لبعض الاسئلة التي لا اعرف اجابتها لكن ممكن ازودك بارقام وتتاوصلون معهم يفيدونك اكثر وش مطلوب ونتمنى لكم سفرا سعيدا وتاشيرة مدتها طويلة :13: |
اقتباس:
|
اقتباس:
ثانيا للي تحت ال18 استماره اضافيه زياده على الابليكيشن يعبونها الام والابو و يوقعون عليها و اتوقع الافضل الابو يكون موجود معكم بالموعد احتياط http://www.vfsglobal.com/germany/sau...for_minors.pdf و فوق ال 18 استمارتهم يوقعونها بنفسهم |
اقتباس:
الثاني ان شاء الله ننتهي منه بعد طيب هل ممكن تتكفل مصاريف الرحله الام الان الاب متقاعد ولا عنده بالحساب البنك تكاليف الرحله الخطاب عادي يكون موجه من الام ام يرفضون الخطاب ونتأسف علي كثرة الاسئله والله يوفقكم نعتذر منكم اتعبناكم بكثرة الاسئله وشكرا |
اقتباس:
|
مشكور أبو تالين على ذكر تجربتك المفيده ما قصرت بارك الله فيك |
اقتباس:
|
السلام عليكم مساء الخير للجميع نبشركم استلمت الجوازات من السفارة الالمانية واخوكم عطوه ٣ شهور وصاحبي سنة طبعا التقديم ١٩ مايو وويوم ٢٤ مايو وصلني رساله انهاجاهزة للاستلام في المركز الموحد طبعا يعتبر انجاز طيب للجوازات انها خلصت خلال ثلاث ايام عمل وبالتوفيق للجميع |
اقتباس:
وألف مبروك التأشيره وفي المرة القادمه بإذن الله تحصل على فترة أطول دروب السلامه ولا تنسانا من تقرير مصور للرحله لتعم الفائده ما تقصر |
| الساعة الآن 02:03 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO