|
تجربتي في استخراج شنغن من ايطاليا السلام عليكم قدمت على السفاره الايطاليه بحكم ماسمعت عنها أنها اقل تعقيدا وأكثر سهوله في الاجراءات ولأننا بنقدم عليها خلينا اطول مدة اقامه فيها عشان نكون نظاميين لكن اكتشفت العكس أنواع التعقيد توجهنا للمكتب الموحد الساعه التاسعه صباحا طبعا كنا في قسم العائلات حاطين بنات موظفات معقدات وغير متعاونات نهائيا الأوراق كانت 1/ نموذج الابلكيشن طبعناه من الموقع ولمن رحنا اكتشفنا انهم مغيرنه وقالت انزلوا المكاتب اللي تحت سووا جديد 2/حجوزات الطيران من السعوديه لايطاليا باﻹضافه للطيران الداخلي 3/حجز سياره ماقبلته لأن تسليم السياره كان قبل موعد الرحله بيوم لأن فندقنا جنب المطار والفندق يأمن مواصلات للمطار لكن رفضته قالت لازم يكون بعدد ايام جلوسكم في ايطاليا وقالت انزلوا المكاتب تحت وسووا حجز جديد رحنا سوينا حجز وهمي 4/قدمنا تذاكر طيران من ايطاليا لالمانيا وطلبتنا حجز سياره بالأيام اللي راح نجلسها في المانيا قلت لها انتو اش دخلكم في المانيا مادام طلعنا من عندكم ويمكن مانبغى نستأجر سياره في المانيا قالت لا ضروري انزلوا المكاتب تحت سووا حجز ونزلنا سويناحجز وهمي في المانيا 5/كرت العايله قالت ليش مو مترجم لازم ترجمه ونسخه منه لكل واحد اضطرينا نروح نترجمه ونرجع (((تراه ضروووووري ومن الطلبات الاساسيه عندهم واغلب الناس اللي جوا طلبوهم ترجمه لكرت العائله ))) 6/حجز الفنادق 7/صور من الجوازات ومن التأشيرات السابقه 8/صور شخصيه 3ونص ×4 ونص طبعا رفضتها تقول آذانيك مو طالعه واضطريت اروح اتصور وارجع من جديد 9/صوره من بطاقة الائتمان كشف الحساب مايطلبون 10/ صوره من التأمين الطبي 11/تعريف عمل اذا كان باللغه الانجليزيه مايحتاج ترجمه وإذا بالعربي لازم تترجمه ((اذا كان التعريف الكتروني نصيحه اختمه من مقر العمل لأني شفت ناس جابوا تعريف مو مختوم مع انه الكتروني ورجعوهم)) المهم جلسنا الين صلاة العصر طالعين نازلين وكل شيء نسويه يأخذون فلوس عليه عشان يخلصون لك ورقه معينه أو يطبعونها ياخذون40 او 50 ريال وكلها وهميه خلصنا وبصمنا وقالت لنا تاخذ اسبوعين إذا ارسلنا تعالوا طبعا ماجتنا إلا رساله وحده بعد ماطلعنا من الكتب جلسنا ننتظر رسايلهم ويوم طولت دخلت على الموقع واكتشفت ان الجوازات خالصه ما اخذت اﻻ4 أيام |
و عليكم السلام شكراً لطرح تجربتك بالتفصيل و ذكر امور هامة للمتقدمين خاصة ترجمة كرت العائلة اللي تفردت فيه الايطالية عيب القسم الايطالي انه غير منظم والتنسيق بينه وبين المكاتب اللي برا واضح مافيه عليهم رقابة عشان يلتزموا بطلبات محددة القسم الفرنسي و الالماني افضل و اكثر تنظيم الله يسعدك |
يعطيك العافية يا بدور على طرح تجربتك موفقين ورحلة سعيدة |
وين الابلكيشن الصح اللي نعبيه ؟ |
الحمدلله انكم اخذتوها عن تجربة لن اترك الفرنسية سهاله بشكل الله يسعدهم تمنياتنا لكم برحله سعيدة هولمز |
وعليكم السلام شكرا بدور لذكر تجربتك وش هالتعقيد حتي كرت العائله يترجم |
سؤال كيف يتم ترجمة بطاقة العائلة ..؟ هل عن طريق مكتب ترجمة معتمد أم اترجمه بنفسي هل يوجد مكاتب ترجمة بمركز التأشيرات الموحد تقوم بالترجمة وكم يأخذون على الترجمة..؟ أرجو التوضيح بهذا الخصوص وشكراً .. |
وفقك الله .. رحله سعيده أعطوك كم سنه صلاحيه .. أخي الكريم |
ما شاء الله 4 أيام مده ممتازه للحصول على التأشيره تتهنوا فيها بإذن الله ونتمى لكم رحلة سعيده |
اقتباس:
وبيضع ختمه على ورقة الترجمه |
| الساعة الآن 04:39 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO